Isaya 25 - Baiberi Magwaro Matȿene aMŋari 1949 (Doke)

Rwiyo rwokurumbidza Jehova.

¹ Jehova, ndimi Mŋari waŋgu! Ndicakukudzai, ndicarumbidza zita renyu; nokuti makaita ɀinoshamisa, iɀo ɀamakafuŋga kare nokutendeka neɀokwaɗi.

² Nokuti guta makariita ɗutu ramabge, guta rakakombga noruȿiŋgo makariita ɗoŋgo, imba huru yaʋatorwa rirege kuʋa guta; hariŋgatoŋgoʋakwi.

³ Naiɀoɀo rudzi rukuru rucakukudzai; guta ramarudzi aʋanhu ʋanotyisa ricakutyai.

⁴ Nokuti imi maiʋa nhare yaʋarombo, nhare younoshaiwa pakutambudzika kwake, ʋutiziro paŋguʋa yemvura zhinji, mumvuri pakupisa kwezuʋa, kana mhepo yaʋanotyisa iciita semvura zhinji.

⁵ Mucaɗeredza ɓope raʋatorwa, seɀinoita kupisa kwezuʋa panɀimbo yakawoma; rwiyo rwaʋanotyisa rucaɗeredzwa, seɀinoitwa kupisa nomumvuri wegore.

⁶ Pagomo iri Jehova wehondo ucagadzirira marudzi ose aʋanhu mutambo weɀakakora, mutambo wewaini yakagara pamasese, weɀakakora ɀizere nomŋoŋgo, wewaini yakagara pamasese yakaȿinwa ɀakanaka.

⁷ Pagomo iri ucaparadza cifukidziro cinofukidzira ʋanhu ʋose, necidzitiro cakatasanurwa pamsoro pamarudzi ose.

⁸ Wakaparadza rufu nokusiŋgaperi, Ishe Jehova ucapisika misodzi paɀiso ɀose; ucabvisa kuɀidzwa kwaʋanhu ʋake panyika yose; nokuti Jehova wakataura iɀoɀo.

⁹ Nezuʋa iro ʋacati: Tarirai, uyu ndiye Mŋari weɗu; takaŋga takamumirira, iye ucatiponesa; uyu ndiye Jehova, takaŋga takamumirira, ticafara, nokufarira ruponeso rwake.

¹⁰ Nokuti ruʋoko rwaJehova rucagara pagomo iri; Moabi ʋacatsikwa pasi panɀimbo yaʋo, seɀinotsikwa mashaŋga mumvura iri mugomba romupfudze.

¹¹ Ucatambanudza maʋoko ake imomo, somunhu unotambanudza maʋoko ake kana acishambira; asi Jehova ucaɗeredza kuɀikudza kwake pamŋe cete nenjere dzamaʋoko ake.

¹² Nhare yakakwirira yamaȿiŋgo enyu, wakaiwisira pasi, wakaiɗeredza, wakaiputsira muvu, imo muguruʋa.