Isaya 24 - Baiberi Magwaro Matȿene aMŋari 1949 (Doke)

Kutoŋga kwaJehova.

¹ Tarirai, Jehova unobvisa ɀose panyika nokuiparadza, nokuitsindikira, nokuparadzira ʋagere mairi.

² Ʋanhu ʋacaitirwa ɀinoitirwa muprista, muranda ɀinoitirwa tenzi wake, mushandiri ɀinoitirwa ʋahosi ʋake, muteŋgi ɀinoitirwa muteŋgesi, unopa cikwerete ɀinoitirwa unokwereta, unoripa mhindu ɀinoitirwa unoreʋa mhindu.

³ Nyika icabvisirwa ɀose ɀayo, icaparadzwa cose; nokuti Jehova wakataura shoko iro.

⁴ Nyika inocema nokuwoma, pasi pose panopera simba nokuwoma, ʋanhu ʋakakudzwa ʋenyika ʋanopera simba.

⁵ Nyika yakaȿiɓiswa ʋo naʋagere mairi; nokuti ʋakaɗarika mirairo, ʋakakaŋganisa mitemo, nokuputsa suŋgano isiŋgaperi.

⁶ Saka kutuka kwaMŋari kwapedza nyika, naʋagere’mo ʋaʋa nemhoȿa; saka ʋagere munyika ʋapiswa, ʋaŋgosara ʋanhu ʋashoma.

⁷ Waini itȿa inocema, muzambiriŋga wapera simba, ʋose ʋanomŋoyo unofara ʋanogomera.

⁸ Kufara kweŋgoma kwonyarara, inzwi raʋanofara ropera, mufaro wembira wopera.

⁹ Haʋaŋganwi waini ʋaciimba; ɀinoɓata ɀicaʋaʋa kunaʋanoɀinwa.

¹⁰ Guta, raʋa ɗoŋgo, rakoromorwa; dzimba dzose dzakapfigwa, kuti kurege kuʋa nomunhu uŋgapinda’mo.

¹¹ Kucema kunonzwika panzira dzomumusha nokuɗa kwewaini; mufaro wose waȿiɓa, kufara kwenyika kwaenda.

¹² Muguta masara maŋgoʋa ɗoŋgo, suʋo raputswa nokuparadzwa.

¹³ Nokuti ndiɀo ɀaɀicaita panyika pakati pamarudzi aʋanhu, ɀicafanana nokuzuzwa kwomuoriʋi, neɀakasara kana mizambiriŋga yakohwiwa.

¹⁴ Iʋo ʋacaɗanidzira, ʋacapururudza; nokuɗa kwoʋumambo bgaJehova ʋanoɗanidzira ʋari paguŋgwa.

¹⁵ Saka rumbidzai Jehova kumabvazuʋa, iro zita raJehova, Mŋari waIsraeri, paɀiwi ɀeguŋgwa.

¹⁶ Takanzwa nziyo dziciimbga kumigumo yenyika, dziciti: Ʋakarurama ŋgaʋakudzwe! Asi ini ndakati: Ndinowonda, ndinowonda, ndinenhamo! ʋanyeŋgeri ʋakaita nokunyeŋgera; ɀirokwaɀo, ʋanyeŋgeri ʋakaita nokunyeŋgera kukuru.

¹⁷ Kutya, negomba, nomusuŋgo ɀicakuwira, iwe ugere panyika.

¹⁸ Ɀino, unotiza ɓope rokutyisa, ucawira mugomba; unokwira acibva mukati megomba, ucaɓatwa nomusuŋgo; nokuti mawindi okumsoro azaruka, nenheyo dzenyika dzinoɗeɗera.

¹⁹ Nyika yaputswa‐putswa cose, nyika yoɗeɗera cose, nyika yozunuŋguswa cose.

²⁰ Nyika icadzedzereka somunhu wakaɓatwa, icaɗeŋgenyeka seɗumba; kuɗarika kwayo kucairemedza kwaɀo, icawa, ikasasimuka ɀe.

²¹ Ɀino nezuʋa iro Jehova ucaroʋa hondo yaʋakakudzwa ʋari kumsoro, namadzimambo enyika panyika.

²² Ʋacaʋuŋganidzwa pamŋe cete, seɀinoʋuŋganidzwa ʋasuŋgwa mugomba, ʋacapfigirwa mutoroŋgo; ɀino kana mazuʋa mazhinji apfuʋura ʋacashanyirwa.

²³ Ipapo mŋedzi ucanyadziswa, nezuʋa ricanyara; nokuti Jehova wehondo ucaɓata ʋushe pagomo rezioni, napaJerusarema; pamberi paʋakuru ʋake pacaʋa nokukudzwa.