Isaya 21 - Baiberi Magwaro Matȿene aMŋari 1949 (Doke)

Cireʋo pamsoro peBabironi.

¹ Cireʋo pamsoro perenje reguŋgwa. Ɀinobva kurenje, kunyika inotyisa, seɀampupuri ɀinopfuʋura kurutiʋi rweZasi.

² Ndaratidzwa ciratidzo cinocemedza; munyeŋgeri unoita nokunyeŋgera, nomuparadzi unoparadza. Simuka iwe Erami, komba, iwe Media; ndagumisa kugomera kwaʋo kwose.

³ Saka ɀiʋuno ɀaŋgu ɀizere nokurwadziwa; ndaɓatwa nokurwadziwa, sokurwadziwa kwomukadzi unosurumuka; ndakotamiswa, saka handigoni kunzwa; ndavunduswa, saka handigoni kuʋona.

⁴ Mŋoyo waŋgu unedzuŋgu, ndavunduswa neɀinotyisa; rubvunza‐ʋaeni rwandaiɗa rwashanduka cinhu cinondiɗeɗeresa.

⁵ Ʋanogadzira tafura, ʋanoisa ʋarindi, ʋanodya, ʋanonwa. Simukai, imi macinda, muzodze nhoʋo.

⁶ Nokuti heɀi ɀandaʋudzwa naShe; Enda, undoisa murindi; ŋgaareʋe ɀaanoʋona;

⁷ ɀino kana aciʋona ɓoka, naʋataȿi ʋamabiza ʋakaita ʋaʋiri‐ʋaʋiri, neɓoka remboŋgoro, neɓoka ramakamera, ŋgaaterere ɀakanaka‐naka.

⁸ Iye akaɗanidzira seshumba, aciti: Ishe, ndimire ŋguʋa dzose masikati pashoŋgwe yokurinda, noʋusiku bgose ndimire panɀimbo yaŋgu;

⁹ ɀino tarirai, kwoʋuya ɓoka raʋanhu, ʋataȿi ʋamabiza ʋakaita ʋaʋiri‐ʋaʋiri. Akapindura, akati: Babironi rawa, rawa; mifananidzo yake yose yakaʋezwa yaʋamŋari ʋaʋo yaputsikirwa pasi.

¹⁰ Haiwa, ʋanhu ʋaŋgu ʋakapurwa, ɀiyo ɀeɓuriro raŋgu, ɀandakanzwa kunaJehova wehondo, Mŋari waIsraeri, ndiɀo ɀandakakuziʋisai.

Cireʋo pamsoro peDuma.

¹¹ Cireʋo pamsoro peDuma. Mumŋe unondiɗana, ari paSeiri, aciti: Nhai, murindi, iŋguʋa ipi yoʋusiku? Nhai, murindi, iŋguʋa ipi yoʋusiku?

¹² Murindi ndokuti: Mambakwedza oȿika, noʋusiku ʋo. Kana muciɗa kubvunza, bvunzai; dzokai, ʋuyai.

Cireʋo pamsoro peArabia.

¹³ Cireʋo pamsoro peArabia. Musaŋgo reArabia ndi’mo mamucaʋata, imi mapoka aʋafambi ʋeDedani.

¹⁴ Ʋigirai unenyota mvura! Ʋagere panyika yeTema ʋakaciŋgamidza ʋatizi neciŋgwa caʋo.

¹⁵ Nokuti ʋakaŋga ʋacitiza minondo, minondo yakavomorwa, noʋuta bgakakuŋgwa, nokumanikidzwa kwokurwa.

¹⁶ Nokuti heɀi ɀandakaʋudzwa naJehova: Gore risati rapera, samakore omunhu unoɓatira muɓairo, mbiri yose yaKedari icapera;

¹⁷ ʋakasara ʋeɓoka raʋanofura noʋuta, iʋo ʋanhu ʋanesimba ʋaʋana ʋaKedari, ʋacaʋa ʋashoma; nokuti Jehova, Mŋari waIsraeri, wakaɀitaura.