Isaya 2 - Baiberi Magwaro Matȿene aMŋari 1949 (Doke)

Kuɓata ʋushe kwaJehova pamazuʋa okupedzisira.

¹ Shoko rakaʋonekwa naIsaya, mŋanakomana waAmozi, pamsoro paJuda neJerusarema.

² Pamazuʋa okupedzisira ɀicaitika kuti gomo reimba yaJehova ricasimbiswa pamsoro pamakomo, ricakwiridzwa kupfuʋura ɀikomo; marudzi ose acamhanyira kwariri.

³ Ʋanhu ʋazhinji ʋacaenda’ko ʋaciti: Ʋuyai, ŋgatikwire kugomo raJehova, kuimba yaMŋari waJakobo; iye ucatidzidzisa nzira dzake, ticafamba mumakwara ake; nokuti murairo ucabva paZioni, shoko raJehova ricabva Jerusarema.

⁴ Iye ucatoŋga pakati pamarudzi, nokururamisira ʋanhu ʋazhinji; ʋacapfura minondo yaʋo ʋaciiita mapadza, namapfumo aʋo ʋaciaita mapaŋga okucekerera miti; rumŋe rudzi haruŋgazosimudziri rumŋe rudzi munondo, haʋaŋgazodzidzi kurwa.

ƲaIsraeri ŋgaʋadzokere kunaJehova, ʋarashe ɀifananidzo ɀaʋo.

⁵ Iwe imba yaJakobo, ʋuyai tifambe muciedza caJehova.

⁶ Nokuti imi Jehova makasiya ʋanhu ʋenyu ʋeimba yaJakobo, nokuti ʋazere netsika dzinobva mabvazuʋa, ʋanoʋuka saʋaFiristia, ʋanoɓatana maʋoko naʋana ʋaʋatorwa.

⁷ Nyika yaʋo izere nesirveri nendarama, fuma yaʋo haiperi; nyika yaʋo izere ʋo namabiza, neŋgoro dzaʋo dzokurwa hadziperi.

⁸ Nyika yaʋo izere ʋo neɀifananidzo; ʋanonamata ɀakaitwa namaʋoko aʋo, iɀo ɀakaitwa neminwe yaʋo.

⁹ Ʋanhu ʋaɗuku ʋakakotamiswa, naʋakuru ʋakaninipiswa; saka musaʋakaŋganwira.

¹⁰ Pinda muɗombo, uʋande muguruʋa, nokuɗa kwaJehova unotyisa, ʋuye nokuɗa kwokubginya kwoʋumambo bgake.

¹¹ Kuɀikudza kwaʋanhu kucaɗeredzwa, namanyawi aʋanhu acaninipiswa, Jehova oga ucakudzwa nezuʋa iro.

¹² Nokuti Jehova wehondo unezuʋa rake pamsoro paʋose ʋanoɗaɗa naʋanoɀikudza, naʋanamanyawi; ʋacaɗeredzwa;

¹³ napamsoro pemisidari yose yeRebanoni yakareɓa yakakwirira; napamsoro pemiouki yose yeBashani,

¹⁴ napamsoro pamakomo ose marefu, napamsoro peɀikomo ɀose ɀakakwirira,

¹⁵ napamsoro peshoŋgwe dzose refu, napamsoro pamaȿiŋgo ose akasimbiswa,

¹⁶ napamsoro peɀikepe ɀose ɀeTarshishi, napamsoro peɀifananidzo ɀose ɀinofadza.

¹⁷ Ʋukuru bgaʋanhu ʋucakotamiswa, nokuɀikudza kwaʋanhu kucaɗeredzwa; Jehova oga ucakudzwa nezuʋa iro.

¹⁸ Ɀifananidzo ɀicapera cose.

¹⁹ Ʋanhu ʋacapinda mumapako amatombo, nomumakomba muvu, nokuɗa kwaJehova unotyisa, ʋuye nokuɗa kwokubginya kwoʋumambo bgake, kana acisimuka kuzunuŋgusa nyika nesimba.

²⁰ Nezuʋa iro ʋanhu ʋacarasha ɀifananidzo ɀaʋo ɀesirveri neɀifananidzo ɀaʋo ɀendarama, ɀaʋakaɀiitira kuti ʋaɀinamate, ʋaciɀiisa kunhukusa neɀiremŋaremŋa;

²¹ ʋapinde mumapako amatombo, nomumikaha yamatombo makuru, nokuɗa kwaJehova unotyisa, ʋuye nokuɗa kwokubginya kwoʋumambo bgake, kana acisimuka kuzunuŋgusa nyika nesimba.

²² Regai munhu, unokufema mumhino dzake; nokuti unoɓatsireiko?