Isaya 16 - Baiberi Magwaro Matȿene aMŋari 1949 (Doke)

¹ Tumirai muɓati wenyika makwaiana, abve Sera aende kurenje, kugomo romukunda weZioni.

² Nokuti seshiri dzinodzuŋgaira, seɗendere rakaparadzirwa, ndiɀo ɀicaita ʋakunda ʋaMoabi pamazambuko aArnoni.

³ Ita mano, ruramisira; mumvuri wako uuite soʋusiku pakati pamasikati makuru; ʋanza ʋadziŋgwa, usapandukira unotiza.

⁴ Ʋanhu ʋaŋgu ʋakadziŋgwa ŋgaʋagare newe; kana ari Moabi, uʋe kwaari paaŋgaʋanda pamberi pomuparadzi; nokuti mutambudzi haaci’po, kuparadza kwapera, ʋamanikidzi ʋabva panyika.

⁵ Cigaro coʋushe cicamiswa netsitsi; mumŋe ucagara pamsoro paco neɀokwaɗi, mutente raDavidi, acitoŋga, acitȿaka kururamisira ʋanhu, acikurumidza kuita ɀakarurama.

⁶ Takanzwa ɀokuɀikudza kwaMoabi, kuti unoɀikudza kwaɀo; ɀamanyawi ake, nokuɀikudza kwake, nehasha dzake; asi kuɀirumbidza kwake hakunamaturo.

⁷ Saka Moabi ucacema Moabi, mumŋe nomumŋe ucacema; mucacemera mapundu amazambiriŋga eKiri‐hareseti, mamanikidzwa kwaɀo.

⁸ Nokuti minda yeHeshboni yawoma, nomuzambiriŋga weSibma; madzishe amarudzi avuna mataʋi awo akanaka, akaŋga aciȿikira Jazeri, akaŋga atandira kurenje; mataʋi awo akaŋga atandaʋara, ayambukira guŋgwa.

⁹ Saka ndicacema nokucema kwaJazeri ndicicemera muzambiriŋga weSibma; ndicakuɗiridza, iwe Heshboni neEreare nemisodzi yaŋgu; nokuti mhere yokurwa yawira pamsoro peɀiɓereko ɀako ɀezhezha napamsoro pokukohwa kwako.

¹⁰ Mufaro wabviswa, nokufara pamunda waiɓereka ɀakanaka; paminda yemizambiriŋga hapacazoʋi nokuimba kana inzwi romufaro; hapacazoʋi muȿiniri unoȿinira mazambiriŋga paɀiȿiniro; ndagumisa kupururudza.

¹¹ Naiɀoɀo mŋoyo waŋgu unorira sembira pamsoro paMoabi, neɗumbu raŋgu pamsoro peKiri‐heresi.

¹² Ɀino kana Moabi aciɀiratidza pamberi paJehova, kana aciɀinetsa paɗunhu rakakwirira, nokupinda panɀimbo yake tȿene kuzonyeŋgetera, haaŋgatoŋgoɓatsirwi cinhu.

¹³ Ndirori shoko rakataurwa naJehova pamsoro paMoabi paŋguʋa yakare.

¹⁴ Asi ɀino Jehova wakataura aciti: Makore matatu asati apfuʋura, samakore omunhu unoɓatira muɓairo, kukudzwa kwaMoabi kucaɀidzwa, pamŋe cete naʋanhu ʋake ʋazhinji; ʋakasara ʋacaʋa ʋashoma kwaɀo, ʋasinesimba.