Isaya 14 - Baiberi Magwaro Matȿene aMŋari 1949 (Doke)

¹ Nokuti Jehova ucanzwira Jakobo tsitsi, ucasanaŋgura Israeri nokuʋagadza munyika yaʋo; mutorwa ucandogara naʋo, ʋacanamatira imba yaJakobo.

² Marudzi acaʋatora, nokuʋaisa kunɀimbo yaʋo; imba yaʋaIsraeri icaʋaɓata panyika yaJehova ʋaʋe ʋaranda naʋashandiri ʋaʋo; ʋacatapa iʋo ʋaiʋa ʋatapi ʋaʋo, ʋacaɓata iʋo ʋaiʋamanikidza.

³ Ɀino nezuʋa iro kana Jehova acikuzorodza pakucema kwako napakutambudzika kwako, napakuɓata kwako kunorema kwawakaɓatiswa nako,

⁴ ucaimba rwiyo urwu pamsoro pamambo weBabironi, uciti: Haiwa, mumanikidzi wapera sei! Kutambudza kwapera sei!

⁵ Jehova wavuna muɗonɀo wowakaipa, netȿimbo yoʋushe yaʋaɓati;

⁶ iye wairoʋa marudzi aʋanhu nehasha nokuroʋa kusiŋgaperi, waiɓata ndudzi dzaʋanhu nokutambudza kusina‐kudzorwa nomunhu.

⁷ Nyika yose yozorora, yanyarara; ʋanofara nokuimba.

⁸ Ɀirokwaɀo miti yemisipresi inofara nokuɗa kwako, nemisidari yeRebanoni, iciti: Ciŋguʋa cawaparadzwa, hapanomutemi unokwira kutitema.

⁹ Sheori pasi rinenyoŋgano pamsoro pako kuzosoŋgana newe pakuʋuya kwako; rinokumutsira ʋakafa, iʋo ʋose ʋaiʋa ʋakuru panyika; ramutsa madzimambo ose amarudzi aʋanhu paɀigaro ɀawo ɀoʋushe.

¹⁰ Iʋo ʋose ʋacapindura, ʋaciti kwauri: Newe waʋa usinesimba sesu kanhi? Iwe wafanana nesu kanhi?

¹¹ Kuɀikudza kwako kwaɗeredzwa kuȿikira paSheori, nokurira kwoʋuɗimbga bgako; honye dziri pasi pako, nehonye dzinokufukidza.

¹² Haiwa, wawa seiko ucibva kuɗeŋga, iwe nyamasase, iwe mŋanakomana wamambakwedza! Wakandwa seiko pasi, iwe wokuwisira marudzi pasi!

¹³ Iwe wakati mumŋoyo mako: Ndicakwira kuɗeŋga, ndicakwiridza cigaro caŋgu coʋushe kumsoro kwenyeredzi dzaMŋari; ndicagara pamsoro pegomo reʋuŋgano, pamigumo yamatiʋi okumsoro;

¹⁴ ndicakwira kumsoro kwamakore, ndicaɀienzanisa noWokumsorosoro.

¹⁵ Kunyaŋge ɀakaɗaro ucaɗeredzwa kuȿikira paSheori, kuȿikira pakadzika pegomba.

¹⁶ Ʋanokuʋona ʋacakucerekedza, ʋacakutarira, ʋaciti: Ko uyu ndiye munhu waiɗeɗeresa nyika, waizunuŋgusa ʋushe;

¹⁷ waishandura nyika ifanane nerenje, waiparadza maguta ayo, wairamba kusunuŋgura ʋasuŋgwa ʋake ʋaende kumusha here?

¹⁸ Madzimambo ose amarudzi, iwo ose, anoʋata acikudzwa, mumŋe nomumŋe paimba yake.

¹⁹ Asi iwe warashwa kure nobgiro bgako, seɗaʋi rinonyaŋgadza, wafukidzwa naʋakaʋurawa, ʋakaɓayiwa nomunondo, ʋanoɓurukira kumabge egomba, somutumbu watsikwa netsoka.

²⁰ Hauŋgaʋigwi pamŋe cete naʋo, nokuti wakaparadza nyika yako, ʋakaʋuraya ʋanhu ʋako; ʋana ʋaʋakaipa haʋaŋgarebgi nokusiŋgaperi.

²¹ Gadzirirai ʋana ʋake paʋaŋgaʋurawa nokuɗa kwokushata kwamadziɓaɓa aʋo; ʋarege kuzomuka, ʋagare nhaka yenyika, ʋazadze pasi pose namaguta.

²² Ɀanzi naJehova wehondo: Ndicaʋamukira, ndicatorera Babironi zita naʋakasara, naʋana naʋana ʋaʋana, ndiɀo ɀinotaura Jehova.

²³ Ndicariita nɀimbo inogarwa nenuŋgu, ʋuye madziʋa emvura; ndicaritȿaira nomutȿairo wokuparadza, ndiɀo ɀinotaura Jehova wehondo.

Pamsoro paʋaAsiria.

²⁴ Jehova wehondo wakapika, aciti: Ɀirokwaɀo, seɀandakafuŋga, ndiɀo ɀaɀicaitika; seɀandakaraŋgarira, ɀicamira saiɀoɀo.

²⁵ Kuti ndicavuna muAsiria munyika yaŋgu, ndicamutsika netsoka dzaŋgu pamakomo aŋgu; neŋguʋa iyo joko rake ricabva kwaʋari, nomutoro wake ucabva pamafudzi aʋo.

²⁶ Ndico cireʋo cakatemerwa nyika yose; ndirwo ruʋoko rwakatambanudzwa pamsoro pamarudzi ose.

²⁷ Nokuti Jehova wehondo wakatema cireʋo, ndiani uŋgapindura ɀe? Ruʋoko rwake rwakatambanudzwa, ndiani uŋgarudzosa.

Pamsoro paʋaFiristia.

²⁸ Negore rokufa kwamambo Ahazi cireʋo ici cakarebga:

²⁹ Iwe nyika yeFiristia, iwe nyika yose, usafara ɀako nokuti shamhu yakaŋga yakuroʋa yavunika; nokuti pamudzi wenyoka pacaɓuɗa mvumbi, ciɓereko cayo cicaʋa nyoka yomŋoto inobururuka.

³⁰ Mataŋgwe aʋarombo acadya, naʋanoshaiwa ʋacaʋata pasi ʋakafara; ndicaʋuraya mudzi wako nenzara, ʋakasara ʋako ʋacaʋurawa.

³¹ Cema, iwe suʋo; ɗanidzira, iwe guta; wanyauka, iwe nyika yeFiristia, iwe nyika yose; nokuti kurutiʋi rwokumsoro kunobva ʋutsi, hapana‐unotiza pahondo dzake.

³² Ɀino nhume dzorudzi urwu ʋacadzipindurei? Kuti Jehova wakaʋamba Zioni, ʋanotambudzika ʋaʋanhu ʋake ʋacaʋandira’mo.