Isaya 13 - Baiberi Magwaro Matȿene aMŋari 1949 (Doke)

Shoko raJehova pamsoro peBabironi.

¹ Cireʋo caMŋari pamsoro peBabironi, cakaʋonekwa naIsaya, mŋanakomana waAmozi.

² Simudzai mureza pagomo risinemiti; ɗanidzirai kwaʋari, ninirai noruʋoko, kuti ʋapinde pamasuʋo aʋakuru.

³ Ndakaraira ʋatȿene ʋaŋgu, ndakaɗana mhare dzaŋgu nokuɗa kwokutsamŋa kwaŋgu, iʋo ʋarume ʋaŋgu ʋanofara ʋaciɀikudza.

⁴ Inzwai kutinhira pamakomo, kwakaita sokwaʋanhu ʋazhinji! Kutinhira kweʋuŋgano dzoʋushe bgamarudzi akaʋuŋgana pamŋe cete! Jehova wehondo wogadzira hondo kundorwa.

⁵ Ʋanobva kunyika iri kure, kumugumo weɗeŋga, iye Jehova nenhumbi dzake dzokurwa dzeshuŋgu dzake, kuti aparadze nyika yose.

⁶ Cemai, nokuti zuʋa raJehova riri pedyo; rinoȿika sokuparadza kunobva kunaWamasimba ose.

⁷ Saka maʋoko ose acashaiwa simba, nomŋoyo mumŋe nomumŋe waʋanhu ucanyauka;

⁸ ʋacavunduka; ʋacaɓatwa nokurwadziwa namaɗambudziko; ʋacarwadziwa somukadzi unosurumuka; ʋacatarirana ʋacishamiswa; ɀiso ɀaʋo ɀicafanana neɀiso ɀomŋoto.

⁹ Tarirai, zuʋa reJehova rinoʋuya, rinotyisa, rinehasha nokutsamŋa kukuru, kuti ashandure nyika riite ɗoŋgo, nokuparadza ʋatadzi ʋayo ʋabve’mo.

¹⁰ Nokuti nyeredzi dzokuɗeŋga, namapoka adzo, hadziŋgaratidzi ciedza cadzo; zuʋa ricaȿiɓiswa pakuɓuɗa kwaro, ʋuye mŋedzi hauŋgavenekeri neciedza cawo.

¹¹ Ndicaroʋa nyika nokuɗa kwokushata kwayo, naʋakaipa nokuɗa kweɀakaipa ɀaʋo; ndicagumisa manyawi aʋanoɀikudza, nokuwisira pasi kuɗaɗa kwaʋanotyisa.

¹² Ʋanhu ndicaʋaita ʋashoma kupfuʋura ndarama yakaiȿo‐naka, iye munhu kupfuʋura ndarama tȿene yeOfiri.

¹³ Saka ndicaɗeɗeresa ɗenga, nyika icazunuŋguswa ibve panɀimbo yayo, nehasha dzaJehova wehondo, napazuʋa rokutsamŋa kwake kukuru.

¹⁴ Ɀino semhara inovimŋa, ʋuye seɀipfuwo ɀisina‐unoɀiʋuŋganidza, saiɀoɀo munhu mumŋe nomumŋe ucadzokera kurudzi rwake, mumŋe nomumŋe ucatizira kunyika yake.

¹⁵ Mumŋe nomumŋe unowanikwa, ucaɓayiwa; mumŋe nomumŋe unoɓatwa, ucaʋurawa nomunondo.

¹⁶ Ʋacece ʋaʋo ʋacaroʋerwa pasi pamberi paʋo, dzimba dzaʋo dzicapambga, ʋakadzi ʋaʋo ʋacacinyiwa.

¹⁷ Tarirai, ndicaʋamutsira ʋaMedia, ʋasiŋgaraŋgariri sirveri, kunyaŋge ndarama haʋaifariri.

¹⁸ Ʋuta bgaʋo ʋucawisira pasi majaya aʋo, haʋaŋgaʋi netsitsi neɀiɓereko ɀeciɀaro; ziso raʋo hariŋgaɗariki ʋana.

¹⁹ Ɀino Babironi, rinembiri paʋushe bgose, raiɀikudza ʋaKardea pamsoro pokunaka kwaro, ricaita sapaŋguʋa yakaparadza Mŋari Sodoma neGomora.

²⁰ Hariŋgatoŋgogarwi naʋanhu, hakuna‐ʋangatoŋgogara’mo kuȿikira kumarudzi namarudzi; kunyaŋge nomuArabia haaŋgadziki tente rake’mo, naʋafudzi haʋaŋgaʋatisi mapoka aʋo’po.

²¹ Asi ɀikara ɀomusaŋgo ɀicaʋata’mo; dzimba dzaʋo dzicazara neɀinorira; mhou dzicagara’mo, nemŋeya yakaipa icatamba’po.

²² Mapere acarira munhare dzaʋo, namakaʋa mudzimba dzamadzimambo dzaifadza; ŋguʋa yaro yasweɗera pedyo, mazuʋa aro haaŋgawedzerwi.