Isaya 10 - Baiberi Magwaro Matȿene aMŋari 1949 (Doke)

¹ Ʋanenhamo ʋanotema mitemo isino‐kururama, naʋanyori ʋanonyora ɀisakarurama;

² kuti ʋadziʋise ʋarombo pakururamisirwa, nokutorera ʋarombo ʋaʋanhu ʋaŋgu ɀaʋanofanira kuʋa naɀo, kuti ʋapambe cirikadzi, ʋatorere nherera ɀinhu ɀaʋo.

³ Asi mucaiteiko pazuʋa rokutoŋgwa, nerokuparadzwa kucabva kure? Mucatizira kunani kundoɓatsirwa? Fuma yenyu mucaiʋigepiko?

⁴ Ʋacaŋgokotama haʋo pakati paʋasuŋgwa, ʋacawira pasi pakati paʋakaʋurawa. Kunyaŋge ɀakaɗaro, kutsamŋa kwake hakuna‐kudzorwa, asi ruʋoko rwake rwakaramba rwakatambanudzwa naɀino.

Kurobga kwaʋaAsiria.

⁵ Nhaiwe Asiria, shamhu yokutsamŋa kwaŋgu, wakaɓata muruʋoko rwake tȿimbo yeshuŋgu dzaŋgu!

⁶ Ndicamutuma kundorwa norudzi runomhura Mŋari, ndicamuraira kundorwa naʋanhu ʋandinotsamŋira, kuti andotora ɀakapambga, andotora ɀakatapxa, aɀitsikire pasi seɗope riri munzira dzomumusha.

⁷ Asi iye haafuŋgi kuita iɀoɀo, nomŋoyo wake hauraŋgariri ɀakaɗaro; asi iye unoraŋgarira kuparadza nokupedza marudzi mazhinji.

⁸ Nokuti iye unoti: Ko macinda aŋgu ose haazi madzimambo here?

⁹ Ko Karno harinakuitirwa ɀakaitirwa Karkemishi here? NeHamati seArpadi here? NeSamaria seDamasko here?

¹⁰ Ruʋoko rwaŋgu seɀarwakaȿikira ʋushe bgeɀifananidzo, kunyaŋge ɀifananidzo ɀaʋo ɀakaʋezwa ɀakaŋga ɀicipfuʋura ɀapaJerusarema neSamaria,

¹¹ handiŋgaitiri Jerusarema neɀifananidzo ɀaro seɀandakaitira Samaria neɀifananidzo ɀaro here?

¹² Saka ɀino kana Ishe apedza ɓasa rake rose pagomo reZioni napaJerusarema, ndicaroʋa ɀiɓereko ɀomŋoyo unoɀikudza wamambo weAsiria, namanyawi okuɀikudza kwake.

¹³ Nokuti wakati: Ndakaɀiita nesimba roruʋoko rwaŋgu, ʋuye noʋucenjeri bgaŋgu, nokuti ndinenjere; ndakabvisa miganho yaʋanhu, ndakapamba fuma yaʋo; semhare ndakawisira pasi ʋaigara paɀigaro ɀoʋushe;

¹⁴ ruʋoko rwaŋgu rwakawana fuma yamarudzi aʋanhu seɗendere; ndakaʋuŋganidza nyika yose, somunhu unoʋuŋganidza mazai akasiyiwa; hapana‐wakapfakanyisa ɓapiro, kana kushamisa muromo, kana kurira.

¹⁵ Ko sanhu riŋgaɀirumbidza pamsoro pounotema naro here? Kana jeko riŋgaɀikudza pamsoro pounoɓata naro here? Ɀaifanana netȿimbo inozunuŋgusa ʋanoroʋa nayo, kana muɗonɀo unosimudza cinhu cisati ciri huni.

¹⁶ Naiɀoɀo Ishe, Ishe wehondo, ucatuma kuwonda pakati paʋakakora ʋake; pasi pokubginya kwake pacaɓatidzwa cinopisa cakafanana nokupisa kwomŋoto.

¹⁷ Ciedza caʋaIsraeri cicaʋa mŋoto, noMutȿene wake muraɀo womŋoto; ucapisa nokupedza minzwa yake norukato rwake nezuʋa rimŋe.

¹⁸ Ucapedza kubginya kweɗondo rake, nokwomunda wake wakaʋorera, mŋeya nomuʋiri kamŋe, ɀifanane nendonda inoŋgoramba icipera simba.

¹⁹ Miti yakasara yeɗondo rake icaʋa mishoma, iŋganyorwa nomŋana.

²⁰ Ɀino nezuʋa iro ʋakasara ʋaIsraeri, naʋaneŋge ʋapukunyuka paimba yaJakobo, haʋaŋgazosendamiri kunowakaʋaroʋa, asi ʋacasendamira kunaJehova, Mutȿene waIsraeri, neɀokwaɗi.

²¹ Ʋakasara ʋacadzoka, iʋo ʋakasara ʋaJakobo, kunaMŋari unesimba.

²² Nokuti kunyaŋge ʋanhu ʋenyu, imi Israeri, ʋakaita sejeca reguŋgwa, ʋakasara ʋaʋo ʋoga ʋacadzoka; nokuti ʋakatemerwa kuparadzwa kuzere nokururama.

²³ Nokuti Ishe, Jehova wehondo, ucapedzisa kuparadza, kwakagara kwatemŋa, panyika yose.

²⁴ Saka ɀanzi naShe, Jehova wehondo: Imi ʋanhu ʋaŋgu ʋagere Zioni, musatya muAsiria, kunyaŋge akakuroʋai neshamhu nokukusimudzirai tȿimbo yake, seɀaakaitira Egipita.

²⁵ Nokuti kwasara ciŋguʋa ciɗuku, kutsamŋa kwaŋgu kucapera, hasha dzaŋgu dzicaʋaparadza.

²⁶ Jehova wehondo ucamusimudzira tyaʋa, sapakurobga kwaʋaMidiani paɗombo reOrebi; shamhu yake icaʋa pamsoro peguŋgwa, ucaisimudza seɀaakaitira Egipita.

²⁷ Ɀino nezuʋa iro mutoro wake ucabviswa pamafudzi ako, nejoko rake pamutsipa wako, joko ricaparadzwa nokuɗa kwamafuta.

²⁸ Waȿika paAiati, wapfuʋura napaMigroni, waceŋgeta nhumbi dzake paMikmashi;

²⁹ ʋakwira napamupata, ʋakaʋata paGeba ʋusiku; Rama rinoɗeɗera, Gibea raSauro ratiza.

³⁰ Ƌanidzira nenzwi rako, iwe mukunda weGarimi! Terera, iwe Raisha! Iwe Anatoti woʋurombo!

³¹ Madmena wotiza, ʋagere Gebimi ʋoroŋgedza kutiza.

³² Zuʋa ranhasi ucazorora paNobi; unozunuŋgusira gomo romukunda weZioni, ico cikomo ceJerusarema, ruʋoko rwake.

³³ Tarirai, Ishe, Jehova wehondo, ucatema mashizha nokutyisa; akareɓa acatemŋa, naakakwirira acawiswa pasi.

³⁴ Ucatema neɗare matenhere eɗondo, Rebanoni ricawiswa nounesimba.