Genesi 49 - Baiberi Magwaro Matȿene aMŋari 1949 (Doke)

Jakobo unoropafadza ʋanakomana ʋake.

¹ Ɀino Jakobo wakaɗana ʋanakomana ʋake, akati: Ʋuŋganai, ndikuʋudzei ɀamucaitirwa namazuʋa anoteʋera.

² Ʋuŋganai, munzwe, imi ʋanakomana ʋaJakobo, Tererai Israeri, ɓaɓa ʋenyu.

³ Rubeni, iwe uri ɗaŋgwe raŋgu, simba raŋgu, nokutaŋga kwesimba raŋgu; Ʋukuru bgokukudzwa, noʋukuru bgesimba;

⁴ Unotutuma semvura, hauŋgaʋi noʋukuru; Nokuti wakakwira kuʋuʋato bgaɓaɓa ʋako, Ukaʋuȿiɓisa; wakakwira kumubeda waŋgu.

⁵ Simeoni naRevi ʋana ʋamai ʋamŋe; Minondo yaʋo inhumbi dzokurwa nesimba.

⁶ Mŋeya waŋgu, rega kupinda pakuraŋgana kwaʋo, Kukudzwa kwaŋgu, rega kusoŋganiswa neʋuŋgano dzaʋo; Nokuti pakutsamŋa kwaʋo ʋakaʋuraya ʋanhu, Nokuɗa kwaʋo ʋakagura marunda eŋombe.

⁷ Kutsamŋa kwaʋo ŋgakutukwe, nokuti kwakaŋga kuri kukuru; Nehasha dzaʋo, nokuti dzakaŋga dzakaipa; Ndicaʋaparadzanisa pakati paJakobo, Nokuʋaparadzira pakati paIsraeri.

⁸ Iwe Juda, ucarumbidzwa nehama dzako; Ruʋoko rwako rucaʋa pamitsipa yaʋaʋeŋgi ʋako, Ʋana ʋaɓaɓa ʋako ʋacakotamira pamberi pako.

⁹ Juda mŋana weshumba; Iwe mŋanakomana waŋgu, wakwira ucibva paneɀakaʋurawa; Wakakotama, wakanyaŋga seshumba, Seshumbakadzi; ndianiko ucamumutsa?

¹⁰ Tȿimbo yoʋushe haiŋgabvi kunaJuda, Kana muɗonɀo womuɓati pakati petsoka dzake, Kuȿikira Shiro aʋuya; Ndudzi dzose dzaʋanhu dzicamuerera iye.

¹¹ Unosuŋgira mboŋgoro yake pamuzambiriŋga, Nomŋana wemboŋgoro yake pamuzambiriŋga wakaiȿo‐naka; Wakasuka ŋguʋo dzake newaini, Neɀokufuka ɀake muropa ramazambiriŋga

¹² Meso ake acatȿuka newaini, Meno ake acacena nomukaka.

¹³ Zeburuni ucagara pamhenderekedzo dzeguŋgwa; Iye ucaʋa mhenderekedzo panopinda ɀikepe; Muganhu wake ucaȿika paZidoni.

¹⁴ Isakari imboŋgoro inesimba, Inoʋata pasi pakati pamataŋga amakwai;

¹⁵ Akaʋona zororo kuti rakanaka. Nenyika kuti inofadza, Akarerekera fudzi rake kuti atakure, Akaʋa muɓatiri wecibaro.

¹⁶ Dani ucatoŋga mhaka dzaʋanhu ʋake, Sorumŋe rwamarudzi aIsraeri.

¹⁷ Dani ucaʋa senyoka munzira, Semvumbi mugwara, Inoruma ɀitsitsinho ɀebiza; Kuti mutaȿi waro awire pasi neshure.

¹⁸ Ndakamirira ruponeso rwenyu, imi Jehova.

¹⁹ Gadi ucaʋambga nehondo, Asi iye ucaʋaʋamba paɀitsitsinho ɀaʋo.

²⁰ Asheri ucaʋa neɀokudya ɀakakora; Iye ucaʋuya neɀinonaka ɀinofanira madzishe.

²¹ Naftari ishece yemhembge yakasunuŋguka, Unotaura mashoko akanaka.

²² Josefa iɗaʋi rinoɓereka, Iɗaʋi rinoɓereka patsime; Mataʋi ake anoɗarika madziro.

²³ Ʋafuri noʋuta ʋakamutambudza kwaɀo, Ʋakamufura, ʋakamuʋeŋga;

²⁴ Asi ʋuta bgake bgakaramba ʋunesimba, Maʋoko eɀanza ɀake akasimbiswa Namaʋoko oWamasimba ose waJakobo, (Ndi’po panobva Mufudzi, neBge raIsraeri),

²⁵ Mŋari waɓaɓa ʋako ucakuɓatsira; Wamasimba ose, ucakuropafadza Neropafadzo dzinobva kuɗeŋga kumsoro, Ropafadzo dzinobva pamvura yakadzika iri pasi, Ropafadzo dzamazamu nedzeciɀaro.

²⁶ Ropafadzo dzaɓaɓa ʋako Dzinopfuʋura ropafadzo dzamateteguru aŋgu, Kuȿikira kumugumo wamakomo asiŋgaperi; Dzicagara pamusoro waJosefa, Pamusoro waiye wakaŋga ari mucinda pakati pehama dzake.

²⁷ Benjamini iɓere rinoparadza; Maŋgwanani ucadya cakaʋurawa, Maɗeko ucagoʋera ɀaakapamba.

²⁸ Aʋa ʋose ndiwo marudzi anegumi namaʋiri aIsraeri; ndiɀo ɀakataura ɓaɓa ʋaʋo kwaʋari, akaʋaropafadza; ʋakaropafadza mumŋe nomumŋe nokuropafadzwa kwake.

²⁹ Akaʋaraira, akati kwaʋari: Ini ndobva ndosoŋganiswa naʋanhu ʋaŋgu; mundondiʋiga kunamadziɓaɓa aŋgu, muɓako riri mumunda waEfroni, muHeti,

³⁰ ɓako riri mumunda weMakpera, pakatarisana neMamre, panyika yeKanani, riya rakateŋgwa naAbrahama pamŋe cete nomunda kunaEfroni, muHeti, kuti ɀiʋe ɀake, iʋe nɀimbo yake yokuʋiga;

³¹ ndi’po paʋakaʋiga Abrahama naSara, mukadzi wake; ndi’po paʋakaʋiga Isaka naRebeka, mukadzi wake; ndi’po pandakaʋiga Rea;

³² munda uya neɓako riri mukati mawo, ɀakateŋgwa kuʋana ʋaHeti.

³³ Ɀino Jakobo wakati apedza kuraira ʋanakomana ʋake, akadzosera tsoka dzake paʋuʋato, mŋeya wake ukaɓuɗa, akasoŋganiswa naʋanhu ʋake.