Genesi 44 - Baiberi Magwaro Matȿene aMŋari 1949 (Doke)

¹ Ɀino wakaraira mutariri weimba yake, aciti: Zadza homo dzaʋarume neɀokudya, seɀaʋanogona kutakura, uise ʋo mari yomumŋe nomumŋe pamuromo wehomo yake.

² Nomukombe waŋgu, mukombe wesirveri, uuise pamuromo wehomo yomuɗuku, pamŋe cete nemari yeɀiyo ɀake. Iye akaita seɀaakaʋudzwa naJosefa.

³ Ɀino fume maŋgwana kwoedza ʋarume ʋakatenderwa kuenda, iʋo nemboŋgoro dzaʋo.

⁴ Ʋakati ʋaɓuɗa muguta, ʋasati ʋaenda kure, Josefa akaʋudza mutariri wake, akati: Simuka, teʋera ʋarume; kana waʋaɓata, uti kwaʋari: Matsindikireiko ɀamaitirwa ɀakanaka?

⁵ Ko hacizi cinhu cinonwira ishe waŋgu, caanoshopera naco here — Cinhu ici camaita cakaipa.

⁶ Akandoʋaɓata, akataura mashoko iwayo kwaʋari.

⁷ Ʋakati kwaari: Ko ishe weɗu unotaurirei mashoko akaɗai — Haiȿa, ʋaranda ʋenyu haʋaŋgaiti cinhu cakaɗai.

⁸ Tarirai, mari yatakawana pamiromo yehomo dzeɗu takadzoka nayo kwamuri ticibva kunyika yeKanani; taigoɓa seiko sirveri kana ndarama mumba mashe wenyu?

⁹ Aninani waʋaranda ʋenyu unowanikwa anawo, ŋgaafe; nesu ticaʋa ʋasuŋgwa ʋashe weɗu.

¹⁰ Iye akati. Ndiɀo haɀo, ŋgaɀiʋe seɀamataura; iye unowanikwa anomukombe, ndiye ucaʋa musuŋgwa waŋgu; imi ʋamŋe hamuŋgaʋi nemhoȿa.

¹¹ Ipapo ʋakakurumidza mumŋe nomumŋe kuɓurusira homo yake pasi, mumŋe nomumŋe akasunuŋgura homo yake.

¹² Iye akatȿaka, akataŋga kumukuru, akaguma kumuɗuku; mukombe ukawanikwa muhomo yaBenjamini.

¹³ Ipapo ʋakabvarura ŋguʋo dzaʋo, mumŋe nomumŋe akatakudza mboŋgoro yake, akadzokera kuguta.

¹⁴ Juda naʋana ʋaɓaɓa ʋake ʋakadzokera kuimba yaJosefa, iye aciri’mo, ʋakawira pasi pamberi pake.

¹⁵ Ɀino Josefa akati kwaʋari: Cinyiko ici camaita — Hamuziʋi kuti munhu wakaita seni unogona kushopera here?

¹⁶ Juda akati: Ko tiŋgaɗiniko kunashe waŋgu — Tiŋgataureiko — Tiŋgaɀipembedza sei — Mŋari wakawana kutadza kwaʋaranda ʋenyu; tarirai tiri ʋasuŋgwa ʋashe weɗu, isu naiye wakawanikwa anomukombe.

¹⁷ Iye akati: Haiȿa, handiŋgaiti saiɀoɀo; munhu uyo wakawanikwa anomukombe muruʋoko, ndiye ucaʋa musuŋgwa waŋgu; kana muri’mi, endai henyu norugare kunaɓaɓa ʋenyu.

¹⁸ Ipapo Juda akasweɗera kwaari, akati: Haiwa, ishe waŋgu, ɗotenderai henyu muranda wenyu kutaura shoko munzeʋe dzashe waŋgu, kutsamŋa kwenyu kurege kumukira muranda wenyu, nokuti imi makaenzana naFarao.

¹⁹ Ishe waŋgu wakabvunza ʋaranda ʋake, aciti: Munaɓaɓa here, kana munuŋuna?

²⁰ Isu tikati kunashe weɗu: Tinaɓaɓa ʋaʋa mutana, ʋanomŋana woʋutana bgaʋo, uciri muɗuku hake; mukoma wake wakafa, iye wakasara ari oga, mŋana wamai ʋake, ɓaɓa ʋake ʋanomuɗa.

²¹ Imi mukati kuʋaranda ʋenyu: Ƃurukai naye kwandiri, ndimuʋone nameso aŋgu.

²² Isu tikati kunashe weɗu: Mukomana haaŋgasiyi ɓaɓa ʋake, nokuti kana akasiya ɓaɓa ʋake, ɓaɓa ʋake ʋaŋgafa.

²³ Ɀino makati kuʋaranda ʋenyu: Kana munuŋuna wenyu worugotwe asiŋgaɓuruki nemi, hamuŋgaʋoni ɀe ciso caŋgu.

²⁴ Ɀino takati takwira kumuranda wenyu, ɓaɓa ʋeɗu, tikaʋaʋudza mashoko ashe weɗu.

²⁵ Ƃaba ʋeɗu ʋakati: Endai ɀe, mutiteŋgere ɀokudya ɀishomanene.

²⁶ Isu tikati: Hatiŋgaɓuruki, kana munuŋuna weɗu asiŋgaɓuruki nesu; nokuti hatiŋgaʋoni ciso comurume uya, kana munuŋuna weɗu asi nesu.

²⁷ Muranda wenyu, ɓaɓa ʋeɗu, ʋakati kwatiri: Munoziʋa kuti mukadzi waŋgu wakandiɓerekera ʋanakomana ʋaʋiri;

²⁸ mumŋe wakabva kwandiri, ndikati: Ɀirokwaɀo wakabvamburwa; kubva musi iwoyo handina‐kuzomuʋona ɀe;

²⁹ kana mukanditorera noyuyu ʋo, akawirwa nenjodzi, mucaɓurusira vudzi raŋgu jena kubgiro nokucema.

³⁰ Naiɀoɀo, kana ɀino ndikandoȿika kumuranda wenyu, ɓaɓa ʋaŋgu, tisinaiye mukomana, mŋeya waʋo ɀawakaɓatanidzwa nomŋeya womukomana,

³¹ ʋacati kana ʋaciʋona kuti mukomana asinesu, ʋacafa; naiɀoɀo ʋaranda ʋenyu ʋacaɓurusira vudzi jena romuranda wenyu, ɓaɓa ʋeɗu, kubgiro nokucema.

³² Nokuti muranda wenyu wakaɀiita ruɓatso rwomukomana kunaɓaɓa ʋaŋgu, ndikati: Kana ndikasaʋuya naye kwamuri, ini ndicaʋa nemhoȿa kunaɓaɓa ʋaŋgu nokusiŋgaperi.

³³ Naiɀoɀo ɀino ndinokumbira kuti muranda wenyu agare hake ari musuŋgwa washe waŋgu pacigaro comukomana, asi mukomana akwire hake naʋana ʋaɓaɓa ʋake.

³⁴ Nokuti ndiŋgakwira seiko kunaɓaɓa ʋaŋgu, ndisinomukomana — Ndirege haŋgu kuʋona njodzi icawira ɓaɓa ʋaŋgu.