Genesi 40 - Baiberi Magwaro Matȿene aMŋari 1949 (Doke)

Josefa mutoroŋgo.

¹ Shure kwaiɀoɀo muɗiri wamambo weEgipita nomuɓiki wake ʋakatadzira tenzi waʋo, mambo weEgipita.

² Farao akatsamŋira kwaɀo ʋaranda ʋake ʋaʋiri, iʋo mukuru waʋaɗiri nomukuru waʋaɓiki.

³ Akaʋasuŋga kuti ʋaceŋgetwe mumba momukuru waʋarindi, mutoroŋgo, pakaŋga pakasuŋgwa Josefa.

⁴ Mukuru waʋarindi akaraira Josefa kuʋaceŋgeta; iye akaʋaɓatira, ʋakaita ŋguʋa ʋaciceŋgetwa.

⁵ Ɀino ʋose ʋaʋiri ʋakarota hope ʋusiku ʋumŋe, mumŋe nomumŋe kurota kwake, kurota kumŋe nokumŋe kuneɗudziro yako, iʋo muɗiri nomuɓiki ʋamambo weEgipita, ʋakaŋga ʋakasuŋgwa mutoroŋgo.

⁶ Ɀino fume maŋgwana Josefa akapinda kwaʋari, Akaʋatarira, akaʋona kuti haʋafari.

⁷ Akabvunza ʋaranda ʋaFarao ʋakaŋga ʋaceŋgetwa pamŋe cete naye mumba matenzi wake, akati: Nhasi makashuwa neiko?

⁸ Ʋakati kwaari: Tarota hope, asi hakunomunhu unogona kudziɗudzira. Josefa akati kwaʋari: Kuɗudzira hakuzi kwaMŋari here — Ƌondirondedzerai henyu.

⁹ Ɀino mukuru waʋaɗiri akarondedzera kurota kwake kunaJosefa, akati kwaari: Pakurota kwaŋgu ndakaʋona muzambiriŋga pamberi paŋgu; pamuzambiriŋga pakaŋga panamataʋi matatu;

¹⁰ ukaita sokutumbuka, ukaɓuɗisa maruʋa; masumbu awo akaɓereka mazambiriŋga akaibva;

¹¹ mukombe waFarao wakaŋga uri muruʋoko rwaŋgu; ɀino ndikatora mazambiriŋga, ndikaaȿinira mumukombe waFarao, ndikaisa mukombe muruʋoko rwaFarao.

¹² Josefa akati kwaari: Kuɗudzirwa kwadzo ndiko: Mataʋi matatu mazuʋa matatu;

¹³ mazuʋa matatu agere kupera Farao ucasimudza musoro wako, nokukudzosera kuɓasa rako; ipapo ucaisa mukombe waFarao muruʋoko rwake ɀe, seɀawaiita kare uciri muɗiri wake.

¹⁴ Asi undiraŋgarire hako kana woitirwa ɀakanaka; undiitire ŋgoni, undireʋerere kunaFarao, kuti ndiɓuɗiswe paimba ino;

¹⁵ nokuti ɀirokwaɀo, ndakaɓiwa kunyika yaʋaHeberu; napano handina‐kuita cinhu cakafanira kuti ʋandiise mugomba iri.

¹⁶ Ɀino mukuru waʋaɓiki wakati aʋona kuti ɗudziro yakanaka, akati kunaJosefa: Neni ʋo ndakaŋga ndiri pakurota kwaŋgu, ndikaʋona tswanda nhatu dzeciŋgwa cicena dzakaŋga dziri pamusoro waŋgu;

¹⁷ mutswanda yapamsoro makaŋga muneɀokudya ɀamarudzi ose ɀakaɓikwa ɀaFarao; shiri dzikaɀidya mutswanda yaiʋa pamusoro waŋgu.

¹⁸ Ipapo Josefa akapindura, akati. Kuɗudzirwa kwadzo ndiko: Tswanda nhatu mazuʋa matatu;

¹⁹ mazuʋa matatu agere kupera, Farao ucasimudza musoro wako akaubvisa pamsoro pako, akusuŋgirire pamuti; shiri dzicadya nyama yako, dziciibvisa kwauri.

²⁰ Ɀino nomusi wetatu, musi wokuɀarwa kwaFarao, iye wakaitira ʋaranda ʋake ʋose mutambo. Akasimudza musoro womukuru waʋaɗiri, nomusoro womukuru waʋaɓiki pakati paʋaranda ʋake,

²¹ akadzosera mukuru waʋaɗiri kuɓasa rake rokuɗira kwake, akapa mukombe waFarao muruʋoko rwaFarao;

²² asi wakasuŋgirira mukuru waʋaɓiki, seɀaʋakaŋga ʋaɗudzirwa naJosefa.

²³ Asi mukuru waʋaɗiri haana‐kuraŋgarira Josefa, asi wakamukaŋganwa.