Genesi 14 - Baiberi Magwaro Matȿene aMŋari 1949 (Doke)

Abrama unorwira Roti. Unosoŋgana naMerkizedeki.

¹ Ɀino neŋguʋa yaAmraferi, mambo weShinari, naArioki mambo weErasari, naKedori‐raomeri, mambo weErami, naTidari, mambo weGoyimi,

² ʋakarwa naBera, mambo weSodoma, naBerisha, mambo weGomora, naShinabi, mambo weAdama, naShemeberi, mambo weZeboimi, namambo weBera (rinonzi ʋo Zoari).

³ Aʋa ʋose ʋakasoŋgana mumupata weSidimi (ndiro Guŋgwa roMunyu).

⁴ Ʋakaŋga ʋaʋa ʋaranda ʋaKedori‐raomeri makore anegumi namaʋiri, ʋakamumukira negore regumi namatatu.

⁵ Ipapo Kedori‐raomeri wakaʋuya negore regumi namanna, namadzimambo aakaŋga anawo, akakunda ʋaRefaimi paAshteroti‐karnaimi, naʋaZuzimi paHami, naʋaEmimi paShave‐kiriataimi,

⁶ naʋaHori pagomo raʋo reSeiri, kuȿikira paErparani, pedyo nesaŋgo.

⁷ Ʋakadzoka, ʋakaȿika Enimishpati (rinonzi ʋo Kadeshi), ʋakakunda nyika yose yaʋaAmareki, naʋaAmori, ʋakaŋga ʋagere paHazazonitamari.

⁸ Ɀino mambo weSodoma, namambo weGomora, namambo weAdama, namambo weZeboimi, namambo weBera (rinonzi ʋo Zoari), ʋakaɓuɗa ʋakagadzira hondo kuzorwa naʋo pamupata weSidimi;

⁹ kuti ʋarwe naKedori‐raomeri, mambo weErami, naTidari, mambo weGoyimi, naAmraferi, mambo weShinari, naArioki, mambo weErasari; madzimambo manna kuti arwe namadzimambo mashanu.

¹⁰ Ɀino mupata weSidimi wakaŋga uzere namakomba anebitumini, madzimambo eSodoma neGomora ʋakatiza ʋakawira’mo; ʋakasara ʋakatizira kugomo.

¹¹ Ʋakatora fuma yose yeSodoma neGomora, neɀokudya ɀaʋo ɀose, ʋakaenda.

¹² Ʋakatora ʋo Roti, mŋanakomana womunuŋuna waAbrama wakaŋga agere paSodoma, nefuma yake, ʋakaenda.

¹³ Ɀino mumŋe wakaŋga apukunyuka wakaȿika, akaʋudza Abrama, muHeberu; iye wakaŋga agere pamiti yemiouki yaMamre, muAmori, munuŋuna waEshkori, nomunuŋuna waAneri; aʋa ʋakaŋga ʋaita suŋgano naAbrama

¹⁴ Ɀino Abrama wakati acinzwa kuti hama yake yatapxa, akaraira ʋarume ʋake ʋakaŋga ʋadzidziswa kurwa, ʋakaɀarwa paimba yake, ʋanamazana matatu negumi naʋasere, akaʋateʋerera kuȿikira paDani;

¹⁵ akakamura ʋarwi ʋake ʋusiku, iye naʋaranda ʋake, akaʋakunda, akaʋateʋerera kuȿikira paHoba, riri kurudyi rweDamasiko.

¹⁶ Akadzosa fuma yose, akadzosa ʋo Roti, hama yake, nefuma yake, naʋakadzi ʋo naʋanhu.

¹⁷ Ipapo mambo weSodoma wakaɓuɗa kundosoŋgana naye pakudzoka kwake pakuʋuraya Kedori‐raomeri namadzimambo akaŋga anaʋo pamupata weShave (ndiwo mupata wamambo).

¹⁸ Merkizedeki, mambo weSaremi, akaʋuya neciŋgwa newami; iye wakaŋga ari muprista waMŋari woKuɗeŋga‐ɗeŋga.

¹⁹ Akamuropafadza, akati: Abrama ŋgaaropafadzwe naMŋari woKuɗeŋga‐ɗeŋga, muridzi wokuɗeŋga napasi.

²⁰ Mŋari woKuɗeŋga‐ɗeŋga ŋgaakudzwe, wakapa ʋaʋeŋgi ʋenyu mumaʋoko enyu. Akamupa cegumi ceɀose.

²¹ Ɀino mambo weSodoma akati kunaAbrama: Ndipe ʋanhu, iwe utore hako fuma.

²² Abrama akati kunamambo weSodoma: Ndakasimudzira ruʋoko rwaŋgu kunaJehova, Mŋari woKuɗeŋga‐ɗeŋga, muridzi wokuɗeŋga napasi,

²³ kuti handiŋgatori rucinda kana rukanda rweshaŋgu, kana cinhu cimŋe ceɀinhu ɀenyu, kuti murege kuzoti: Ndini ndakafumisa Abrama;

²⁴ ini handiɗi haŋgu, asi ɀakadyiwa namajaya cete, nomugoʋe waʋanhu ʋakaenda neni, ʋanaAneri, naEshkori, naMamre, ŋgaʋatore migoʋe yaʋo.