Genesi 12 - Baiberi Magwaro Matȿene aMŋari 1949 (Doke)

Kuɗanwa kwaAbrama.

¹ Ɀino Jehova wakati kunaAbrama: Ibva panyika yako, nokuhama dzako, nokuimba yaɓaɓa ʋako, uende kunyika yandicakuratidza iyo;

² ndicakuita rudzi rukuru, ndicakuropafadza, ndicakudza zita rako, iwe uropafadze ʋamŋe.

³ Ndicaropafadza iʋo ʋanokuropafadza; unokutuka, ndicamutuka ʋo; marudzi ose enyika acaropafadzwa mauri.

⁴ Naiɀoɀo Abrama wakaenda seɀaakaʋudzwa naJehova; naRoti wakaenda naye. Abrama wakaŋga anamakore anamakumi manomŋe namashanu pakubva kwake Harani.

⁵ Abrama akatora Sarai, mukadzi wake, naRoti, mŋanakomana womunuŋuna wake, nefuma yaʋo yose yaʋakaŋga ʋaʋuŋganidza, naʋana ʋaʋakaŋga ʋaɓereka paHarani, ʋakaɓuɗa kuenda kunyika yeKanani; ʋakandoȿika kunyika yeKanani.

⁶ Abrama akagura nenyika iyo akaȿika panɀimbo inonzi Shekemi, pamuti womuouki weMore; ŋguʋa iyo ʋaKanani ʋakaŋga ʋari munyika iyo.

⁷ Ɀino Jehova wakaɀiratidza kunaAbrama, akati: Ndicapa ʋana ʋako nyika iyi; akaʋakira Jehova artari ipapo, iye wakaŋga aɀiratidza kwaari.

⁸ Akabva ipapo, akaenda kugomo riri kumabvazuʋa aBeteri, akadzika’po tente rake; Beteri rakaŋga riri kumaʋirazuʋa neAi kumabvazuʋa; akaʋakira’po Jehova artari, akanamata Zita raJehova ipapo.

⁹ Kubva ipapo Abrama wakaramba acitamira kumaʋirazuʋa.

Abrama unotamira Egipita.

¹⁰ Ɀino nzara yakaŋga iri’po panyika iyo; Abrama ndokuɓurukira Egipita kundogara’ko; nokuti nzara yakaŋga iri huru panyika iyo.

¹¹ Ɀino wakati oɗa kupinda Egipita, akati kunaSarai, mukadzi wake: Tarira, ndinoziʋa kuti uri mukadzi wakanaka paciso cako;

¹² kana ʋaEgipita ʋacikuʋona, ʋacati: Ndiye mukadzi wake; ʋacandiʋuraya, asi iwe ʋacakurega uri mupenyu.

¹³ Uti hako uri hanɀadzi yaŋgu, kuti ndiitirwe ɀakanaka nokuɗa kwako, kuti mŋeya waŋgu urarame nokuɗa kwako.

¹⁴ Ɀino Abrama aciȿika Egipita, ʋaEgipita ʋakaʋona mukadzi kuti wakanaka kwaɀo.

¹⁵ Namacinda aFarao akamuʋona ʋo, ʋakandomurumbidza kunaFarao; mukadzi akatorwa, akaiswa mumba maFarao.

¹⁶ Akaitira Abrama ɀakanaka nokuɗa kwake; waiʋa namakwai, neŋombe, namakono emboŋgoro, naʋaranda, naʋarandakadzi, namakadzi emboŋgoro, namakamera.

¹⁷ Asi Jehova wakatambudza Farao naʋeimba yake namaɗambudziko makuru nokuɗa kwaSarai, mukadzi waAbrama.

¹⁸ Ɀino Farao wakaɗana Abrama, akati: Cinyiko ici cawandiitira — Wakaregereiko kundiziʋisa kuti mukadzi wako?

¹⁹ Wareʋereiko uciti: Ihanɀadzi yaŋgu? Naiɀoɀo ndakamutora kuti aʋe mukadzi waŋgu; naiɀoɀo ɀino hoyu mukadzi wako, mutore, uende hako.

²⁰ Ɀino Farao akaraira ʋamŋe ʋarume pamsoro pake, ʋakamuperekedza iye nomukadzi wake neɀose ɀaakaŋga anaɀo.