Ezekieri 5 - Baiberi Magwaro Matȿene aMŋari 1949 (Doke)

¹ Ɀino iwe mŋanakomana womunhu, tora munondo unopinza; uutore ciʋe ciȿo kwauri, ugoʋeʋura nawo musoro wako nendebvu dzako, ipapo utore ciyero cokuyera naco, ndokukamura vudzi.

² Ɀino cetatu caro upise nomŋoto pakati peguta, kana mazuʋa okukombga kwaro apera; utore ʋo cimŋe cetatu, ugotema nomunondo kumatiʋi aro ose; ʋuye cetatu uparadzire kumhepo, ipapo ini ndicavomora munondo shure kwaʋo.

³ Ɀino utore ʋo rimŋe shomanene, urisuŋgire muŋguʋo dzako.

⁴ Ipapo utore ɀe rimŋe raro, urikandire mumŋoto, uciripisa mumŋoto; ipapo pacaɓuɗira mŋoto kuimba yose yaIsraeri.

⁵ Ɀanzi naShe Jehova: Iri ndiro Jerusarema; ndakariisa pakati pamarudzi, rakapoteredzwa nedzimŋe nyika kumatiʋi ose.

⁶ Asi rakaramba mitemo yaŋgu riciita ɀakaipa kupfuʋura mamŋe marudzi, nokuramba ɀandakaraira kupfuʋura dzimŋe nyika dzakaripoteredza; nokuti iʋo ʋakaramba mitemo yaŋgu, neɀandakaraira haʋana‐kufamba maɀiri.

⁷ Naiɀoɀo ɀanzi naShe Jehova: Ɀamunehasha kupfuʋura marudzi akakukomberedzai, mukasafamba muneɀandakaraira nokusaceŋgeta mitemo yaŋgu, kunyaŋge kuita nemitemo yamarudzi akakupoteredzai;

⁸ naiɀoɀo ɀanzi naShe Jehova: Tarirai, ini, iyeni, ndinemhaka nemi, ndicaita ɀandakatoŋga pakati penyu mamŋe marudzi aciɀiʋona.

⁹ Ndicaita pakati penyu ɀandisina‐kumboita, ʋuye handiŋgatoŋgoiti ɀe ɀakaɗai, nemhaka yeɀinonyaŋgadza ɀenyu ɀose.

¹⁰ Naiɀoɀo madziɓaɓa acadya ʋanakomana ʋaʋo mukati mako, naʋanakomana ʋacadya madziɓaɓa aʋo; ndicakuitira ɀandakatoŋga, ndicaparadzira ʋakasara ʋako kumhepo dzose.

¹¹ Saka noʋupenyu bgaŋgu — ndiɀo ɀinotaura Ishe Jehova — ɀirokwaɀo, ɀawakaȿiɓisa nɀimbo yaŋgu tȿene neɀose ɀako ɀinosemesa neɀose ɀako ɀinonyaŋgadza, saka neni ndicabva kwauri, ziso raŋgu hariŋgakupembedzi, handiŋgaʋi netsitsi ʋo.

¹² Cetatu cako cicafa nehosha yakaipa, ʋuye ʋacapedzwa nenzara mukati mako; cetatu cicaparadzwa nomunondo kumatiʋi ako, necimŋe cikamu cetatu ndicaciparadzira kumhepo dzose, nokuvomora munondo shure kwaʋo.

¹³ Saiɀoɀo kutsamŋa kwaŋgu kucapera, nehasha dzaŋgu kwaʋari ndicadzigumisa, ndikanyaradzwa; ʋacaziʋa kuti ini Jehova ndakataura nokushiŋgaira kwaŋgu, kana ndapedza hasha dzaŋgu pamsoro paʋo.

¹⁴ Ndicakuita ɗoŋgo necinoshoʋorwa pakati pamarudzi anokupoteredza, ɀiciʋonekwa naʋose ʋanopfuʋura napo.

¹⁵ Saiɀoɀo cicaʋa cinhu cinoshoʋorwa necinosekwa, cinonyeʋera necinoshamisa, kumarudzi ose anokupoteredza, kana ndicikuitira ɀandakatoŋga ndakatsamŋa, ndinehasha, ndicikutukai nehasha; (ini Jehova, ndini ndakataura iɀoɀo);

¹⁶ kana ndicituma pamsoro paʋo miseʋe yakaipa yenzara, ineɓasa rokuparadza, yandicatuma kuti ikuparadzeyi. Ndicawedzera nzara pamsoro penyu, nokuvuna muɗonɀo wenyu weɀokudya.

¹⁷ Ndicatuma pamsoro penyu nzara neɀikara ɀakaipa ɀicakutorerai ʋana; hosha yakaipa neropa ɀicapfuʋura napakati pako; ndicaʋuyisa munondo pamsoro pako. Ini Jehova, ndini ndakataura iɀoɀo.