Ezekieri 47 - Baiberi Magwaro Matȿene aMŋari 1949 (Doke)

Mvura yakabva mutembere.

¹ Ɀino wakandidzosera kumukoʋa weimba, ndikaʋona mvura zhinji iciɓuɗa pasi pecikumbaridzo ceimba kurutiʋi rwamabvazuʋa, nokuti imba yakaŋga yakatarira kurutiʋi rwamabvazuʋa necemberi kwayo; mvura yakayerera icibva necapasi, kurutiʋi rworudyi rweimba, kurutiʋi rwezasi rweartari.

² Ɀino akandiɓuɗisa nenzira yesuʋo rokurutiʋi rwokumsoro, akapota neni nenzira yokunze kuȿikira kusuʋo rokunze, nenzira yesuʋo rakaŋga rakatarira kurutiʋi rwezasi; ɀino tarira, mvura zhinji yakaŋga iciɓuɗa kurutiʋi rworudyi.

³ Ɀino murume uyo wakati aciɓuɗira kurutiʋi rwamabvazuʋa anorwonzi muruʋoko rwake, akayera makubiti anecuru cimŋe, akandiyambusa nomumvura, mvura ikaȿikira kuɀiziso ɀamakumbo.

⁴ Ɀino akayera ɀe makubiti anecuru cimŋe, akandiyambusa nomumvura, mvura ikaȿikira kumabvi. Akayera ɀe makubiti anecuru cimŋe, akandiyambusa nomumvura, mvura ikaȿikira kuciʋuno.

⁵ Shure kwaiɀoɀo akayera makubiti anecuru cimŋe; ɀino rwakaŋga rwaʋa rwizi, rwandakakoniwa kuyambuka; nokuti mvura yakaŋga yakwirira, yaʋa mvura muŋgashambira munhu, ruri rwizi rusiŋgabviri kuyambukwa.

⁶ Akati kwandiri: Mŋanakomana womunhu, waʋona cinhu ici here? Ɀino akaenda neni, akandidzosera kumhenderekedzo yorwizi.

⁷ Ndakati ndadzoka, ndikaʋona pamhenderekedzo yorwizi miti mizhinji kwaɀo ʋuno nemhiri.

⁸ Ɀino akati kwandiri: Mvura iyi zhinji inoɓuɗa icienda kunyika iri kumabvazuʋa, icayerera kuȿikira kuAraba, ndokuenda kurutiʋi rweguŋgwa; ɀino icandoɗira muguŋgwa, kuti mvura iporeswe.

⁹ Ɀino ɀipenyu ɀose ɀinopfakanyika pose panoȿika nzizi idzi mbiri, ɀicararama; hoʋe zhinji kwaɀo dzicaʋa’po, nokuti mvura iyi yakaȿika’ko, mvura yose icaporeswa, ʋuye ɀose ɀicararama pose panoȿika rwizi.

¹⁰ Ʋateyi ʋehoʋe ʋacamira’po, kubva Engedi kuȿikira Enegraimi ʋacateya’po ʋutaʋa; hoʋe dzicaʋa’po dzakafanana nehoʋe dzeguŋgwa guru namarudzi adzo, dziri zhinji kwaɀo.

¹¹ Asi panamatope napanamacakwi hapaŋgaporeswi; acaregererwa munyu.

¹² Parwizi, pamhenderekedzo dzarwo, ʋuno nemhiri, pacamera miti yamarudzi ose inodyiwa, isiŋgawomi mashizha ayo, ʋuye isiŋgashaiwi ɀiɓereko ɀayo; icaɓereka ɀiɓereko ɀitȿa mŋedzi mumŋe nomumŋe, nokuti mvura yarwo inoɓuɗa panɀimbo tȿene; ɀiɓereko ɀayo ɀicaʋa ɀokudya, namazhizha ayo acaporesa.

Miganho yenyika.

¹³ Ɀanzi naShe Jehova: Iyi ndiyo miganho, yamunofanira kuganhura nyika nayo iʋe nhaka yamarudzi anegumi namaʋiri aIsraeri: Josefa unofanira kupiwa migoʋe miʋiri.

¹⁴ Munofanira kuigara nhaka, mumŋe acienzaniswa nomumŋe; nokuti ndakapika kuti ndicaipa madziɓaɓa enyu; nyika iyi icaʋa nhaka yenyu.

¹⁵ Iyi ndiyo miganho yenyika: Kurutiʋi rwokumsoro, kubva kuguŋgwa guru, nenzira yeHetroni, kuȿikira paʋanopinda ʋacienda Zedadi;

¹⁶ neHamati, neBerota, neSibraimi, riri pakati pomuganho weDamasko nomuganho weHamati; neHazeri‐hatikoni, riri pamuganho weHaurani.

¹⁷ Muganho unobva kuguŋgwa ndiHazari‐enoni pamuganho weDamasko; kurutiʋi rwokumsoro, ɀicienda kumsoro, muganho ndiHamati. Ndirwo rutiʋi rwokumsoro.

¹⁸ Kurutiʋi rwamabvazuʋa pakati peHaurani neDamasko neGireadi nenyika yaIsraeri, muganho unofanira kuʋa Joridani; munofanira kuyera kubva kumuganho wokumsoro kuȿikira kuguŋgwa rokumabvazuʋa. Ndirwo rutiʋi rwamabvazuʋa.

¹⁹ Rutiʋi rwezasi ɀicienda zasi, muganho ucabva paTamari kuȿikira kumvura yeMeriboti‐kadeshi, kuȿikira kurukoʋa rweEgipita, kuȿikira kuguŋgwa guru. Ndirwo rutiʋi rwezasi, ɀicienda zasi.

²⁰ Kurutiʋi rwamaʋirazuʋa muganho unofanira kuʋa guŋgwa guru, kubva kurutiʋi rwezasi kuȿikira pakatarisana paʋanopinda kana ʋacienda Hamati. Ndirwo rutiʋi rwamaʋirazuʋa.

²¹ Saiɀoɀo munofanira kuɀiganhurira nyika iyi, ɀicienzana namarudzi aIsraeri.

²² Munofanira kuiganhura nemijenya, iʋe nhaka yenyu neyaʋatorwa ʋagere pakati penyu, ʋanozoɓereka ʋana pakati penyu; iʋo ʋanofanira kuʋa kwamuri saʋakaɓerekerwa pakati paIsraeri; ʋanofanira kugara nhaka pamŋe cete nemi pakati pamarudzi aIsraeri.

²³ Pakati porudzi pagere mutorwa ndi’po pamunofanira kumupa nhaka yake — ndiɀo ɀinotaura Ishe Jehova.