Ezekieri 11 - Baiberi Magwaro Matȿene aMŋari 1949 (Doke)

Ʋakuru ʋeJerusarema ʋanotukwa.

¹ Ɀino Mŋeya wakandisimudza, ndokundiisa kusuʋo ramabvazuʋa reimba yaJehova, raitarira kumabvazuʋa; ndikaʋona pamukoʋa wesuʋo ʋarume ʋanamakumi maʋiri naʋashanu, ndikaʋona pakati paʋo Jaazania mŋanakomana waAzuri, naPeratia mŋanakomana waBenaia, macinda aʋanhu.

² Akati kwandiri: Mŋanakomana womunhu, aʋa ndiʋo ʋarume ʋanofuŋga ɀakaipa, ʋanorairira mano akaipa muguta rino;

³ ʋanoti: Ŋguʋa icigere kusweɗera yokuʋaka dzimba, guta rino igate, isu tiri nyama.

⁴ Naiɀoɀo ciʋaprofitera, mŋanakomana womunhu, ciprofita.

⁵ Ipapo Mŋeya waJehova wakawira pamsoro paŋgu, akati kwandiri: Taura, uti: Ɀanzi naJehova: Ndiɀo ɀamakataura, imi imba yaIsraeri; nokuti ndinoziʋa ɀamunofuŋga mumiraŋgariro yenyu.

⁶ Makawanza ʋamakaʋuraya muguta rino, makazadza nzira dzaro naʋakaʋurawa.

⁷ Naiɀoɀo ɀanzi naShe Jehova: Ʋamakaʋuraya, ʋamakaradzika mukati maro, ndiyo nyama, guta rino igate, asi imi mucaɓuɗiswa mukati maro.

⁸ Makatya munondo; ini ndicaʋuyisa munondo pamsoro penyu — ndiɀo ɀinotaura Ishe Jehova.

⁹ Ini ndicakuɓuɗisai mukati maro, ndicakuisai mumaʋoko aʋatorwa, ndicaita ɀandakatoŋga pakati penyu.

¹⁰ Mucaʋurawa nomunondo; ndicakutoŋgai munyika yaIsraeri: ɀino mucaziʋa kuti ndini Jehova.

¹¹ Guta rino hariŋgaʋi gate renyu, nemi hamuŋgaʋi nyama mukati maro; ndicakutoŋgai munyika yaIsraeri.

¹² Ipapo mucaziʋa kuti ndini Jehova, nokuti hamuna‐kufamba nemitemo yaŋgu kana kuita ɀandakaraira, asi makateʋera mirairo yamarudzi anokupoteredzai.

¹³ Ɀino ndakati ndiciprofita, Peratia mŋanakomana waBenaia akafa. Ipapo ndakawira pasi neciso caŋgu, ndikacema nenzwi guru ndiciti: Haiwa, Ishe Jehova! Moɗa kupedza cose ʋakasara ʋaIsraeri here?

¹⁴ Ɀino shoko raJehova rakaȿika kwandiri, riciti:

¹⁵ Mŋanakomana womunhu, hama dzako, idzo hama dzako, ʋanhu ʋorudzi rwako, neimba yose yaIsraeri, iʋo ʋose, ndiʋo ʋakanzi naʋagere Jerusarema: Ibvai kure naJehova, nyika ino yakapiwe’su, iʋe yeɗu.

¹⁶ Naiɀoɀo uti: Ɀanzi naShe Jehova: Ɀandakaʋabvisa, ndikaʋaisa kure pakati pamarudzi, ʋuye ɀandakaʋaparadzira pakati penyika, ndicaʋa kwaʋari nɀimbo tȿene ŋguʋa ɗuku kunyika idzo kwaʋakaenda kwadziri;

¹⁷ naiɀoɀo uti: Ɀanzi naShe Jehova: Ndicakuʋuŋganidzai mubve pakati pamarudzi, ndicakukokerai mubve panyika kwamakaparadzirwa, ndigokupai nyika yaIsraeri.

¹⁸ Ʋacadzokera’ko nokubvisa’mo ɀose ɀayo ɀinosemesa neɀose ɀayo ɀinonyaŋgadza.

¹⁹ Ndicaʋapa mŋoyo mumŋe, nokuisa mŋeya mutȿa mukati menyu; ndicabvisa mŋoyo webge munyama yaʋo, ndokuʋapa mŋoyo wenyama;

²⁰ kuti ʋafambe nemitemo yaŋgu, ʋaceŋgete ɀandakaraira nokuɀiita; iʋo ʋacaʋa ʋanhu ʋaŋgu, neni ndicaʋa Mŋari waʋo.

²¹ Asi kana ʋari iʋo, ʋanemŋoyo inoteʋera mŋoyo yeɀinhu ɀaʋo ɀinosemesa neɀinonyaŋgadza, ndicaʋuyisa ɀaʋakaita pamisoro yaʋo — ndiɀo ɀinotaura Ishe Jehova.

²² Ipapo makerubi akasimudza mapapiro awo, namakumbo eŋgoro akaŋga ari pamatiʋi awo; kubginya kwaMŋari waIsraeri kwakaŋga kuri necokumsoro kwaʋo.

²³ Kubginya kwaJehova ndokukwira kucibva mukati meguta, ndokumira pamsoro pegomo riri kumabvazuʋa eguta.

²⁴ Ipapo Mŋeya wakandisimudza ndokundiisa Kardea kunaʋakatapxa, ndiciɀiʋoneswa noMŋeya waMŋari. Ɀino ciratidzo candakaŋga ndaʋona cakakwidzwa cicibva kwandiri.

²⁵ Ipapo ndakaʋudza ʋakatapxa ɀinhu ɀose ɀandakaratidzwa naJehova.