2 Timoti 4 - Baiberi Magwaro Matȿene aMŋari 1949 (Doke)

Timotio ŋgaatsuŋgirire pakuparidza.

¹ Ndinokupupurira kwaɀo pamberi paMŋari, naKristu Jesu, iye ucatoŋga ʋapenyu naʋakafa pakuʋonekwa kwake noʋushe bgake;

² paridza shoko; ramba uciɗaro neŋguʋa yakafanira, kunyaŋge isakafanira; raira, tuka, raŋga nomŋoyo murefu ɀikuru nokudzidzisa.

³ Nokuti ŋguʋa icaȿika yaʋacaramba kutendera dzidziso yakarurama, asi, ʋaciɗa kufadzwa panzeʋe dzaʋo, ʋacaɀiʋuŋganidzira ʋadzidzisi pakuciʋa kwaʋo,

⁴ ʋacifuratidza nzeʋe dzaʋo paɀokwaɗi, ʋacitsaukira kuŋgano.

⁵ Asi iwe ȿinura paɀinhu ɀose, tambudzika, ɓata ɓasa romuevaŋgeri, upedzise ɓasa rako kwaɀo.

⁶ Nokuti ini ndotoɗururwa, ŋguʋa yokuenda kwaŋgu yaȿika.

⁷ Ndarwa kurwa kwakanaka, ndapedza rwendo rwaŋgu, ndakaceŋgeta kutenda;

⁸ Kubva ɀino ndakaceŋgeterwa korona yokururama, yandicapiwa naShe, Mutoŋgi wakarurama, nezuʋa irero; ndisini ndoga, asi naʋose ʋakaɗa kusinehanya kwake.

Mashoko okupedzisira.

⁹ Shiŋgaira kuti ukurumidze kuʋuya kwandiri.

¹⁰ Nokuti Demasi wakandisiya, akaɗa nyika yaɀino, akaenda Tesaronika; Kreske wakaenda Garatia, naTito wakaenda Darmatia.

¹¹ Ruka oga uneni. Tora Marko uʋuye naye, nokuti unondiɓatsira kwaɀo paɓasa.

¹² Asi Tikiko ndakamutuma Efeso.

¹³ Ŋguʋo yandakasiya paTroa kunaKarpo, uʋuye nayo pakuʋuya kwako, nebuku, ɀikuru magwaro amatebge.

¹⁴ Areksandro, mupfuri wendarira, wakandiitira ɀakaipa ɀizhinji; Ishe ucamutsiʋa paakaita napo;

¹⁵ newe ʋo umucenjere, nokuti wakadziʋisa ɀikuru mashoko eɗu.

¹⁶ Pakuɀiɗaʋirira kwaŋgu kwokutaŋga kwakaŋga kusinomunhu wakandiɓatsira, asi ʋose ʋakandisiya. Ŋgaʋarege kuraʋirwa iɀoɀi.

¹⁷ Asi Ishe wakamira neni, akandisimbisa, kuti ndipedzise kwaɀo kuparidza kwaŋgu, ʋahedeni ʋose ʋanzwe; ndikarwirwa pamuromo weshumba.

¹⁸ Ishe ucandirwira pamaɓasa ose akaipa, ucandiponesa ndipinde ʋushe bgake bgokuɗeŋga; kubginya ŋgakuʋe kwaari nokusiŋgaperi‐peri. Ameni.

¹⁹ Ndikwazisirei Priska naAkwira, neimba yaOnesiforo.

²⁰ Erasto wakasara paKorinte, asi Trofimo ndakamusiya paMireto acirwara.

²¹ Shiŋgaira kuʋuya, cando cisati caȿika. Yuburo, naPude, naRina, naKraudia nehama dzose ʋanokukwazisa.

²² Ishe ŋgaaʋe nomŋeya wako. Nyasha ŋgadziʋe nemi.