1 Timoti 5 - Baiberi Magwaro Matȿene aMŋari 1949 (Doke)

Ʋatana necirikadzi.

¹ Usatuka mukuru, asi umuraire saɓaɓa, naʋaɗuku saʋanuŋuna,

² naʋakadzi ʋakuru samadzimai, naʋaɗuku sehanɀadzi nokucena kwomŋoyo kwose.

³ Kudza cirikadzi, dziri cirikadzi caidzo.

⁴ Asi kana cirikadzi inaʋana kana ʋazukuru, ŋgaʋataŋge iʋo kudzidza kunamata Mŋari paimba yaʋo, ʋadzosere ɀakafanira kuʋaɓereki ʋaʋo, nokuti ndiɀo ɀinofadza Mŋari.

⁵ Ɀino kana iri cirikadzi caiyo, yakasiyiwa iri yoga, ndiyo inoʋimba naMŋari, inogara icikumbira nokunyeŋgetera ʋusiku namasikati.

⁶ Asi iyo inokarira ɀinofadza, yakafa iciri mhenyu.

⁷ Raira ʋo ɀinhu iɀi, kuti ʋarege kuʋa necaʋaŋgapomerwa.

⁸ Asi kana munhu asiŋgaceŋgeti ʋokwake, ɀikuru ʋeimba yake, warasha kutenda, wakaipa kukunda usiŋgatendi.

⁹ Cirikadzi ŋgairege kunyorwa zita, asi kana yaȿika makore makumi matanhatu, yaiʋa mukadzi womurume mumŋe cete,

¹⁰ inorumbidzwa pamsoro pamaɓasa akanaka, kana yakarera ʋana, kana yaifarira ʋaeni, kana yaishambidza tsoka dzaʋatȿene, kana yaiɓatsira ʋari munjodzi, kana yaishiŋgairira maɓasa ose akanaka.

¹¹ Asi urambe cirikadzi kana ʋaciri ʋakadzi ʋaɗuku, nokuti kana dzopesana naKristu, dzotȿaka kuwanikwa;

¹² dzaʋa nemhoȿa, nokuti dzaramba kutenda kwokutaŋga;

¹³ ʋuye ɀe, dzinodzidza kuʋa noʋusimbe dzicipota nedzimba; hadzizi simbe ɓedzi, asi ʋaiti ʋo ʋamakuhwa, dzisiŋgaregi ɀaʋamŋe, dzicitaura ɀisakafanira.

¹⁴ Naiɀoɀo ndinoɗa kuti cirikadzi ɗuku dziwanikwe, dziɓereke ʋana, dziceŋgete dzimba dzadzo, kuti dzirege kutoŋgopa muʋeŋgi nzira yokupomera nayo.

¹⁵ Nokuti ʋamŋe ʋatotsauka ʋaciteʋera Satani.

¹⁶ Kana mukadzi mutendi anecirikadzi, ŋgaadziɓatsire, kereke irege kuremedzwa, kuti igoɓatsira cirikadzi caidzo.

Ʋakuru ʋanoɓata naʋanodzidzisa.

¹⁷ Ʋakuru ʋanoɓata kereke ɀakanaka ŋgaʋanzi ʋanofanirwa nokukudzwa kaʋiri, ɀikuru aʋo ʋanoɓata pashoko napakudzidzisa.

¹⁸ Nokuti Rugwaro runoti: Usasuŋga muromo wenzombe inopura; ʋuye ɀe: Muɓati wakafanirwa nomuɓairo wake.

¹⁹ Usaŋgotenda mhaka inopomerwa mukuru, asi kana icibʋa pamiromo yeɀapupu ɀiʋiri kana ɀitatu.

²⁰ Ʋanotadza uʋaraŋge pamberi paʋose, kuti ʋamŋe ʋagotya.

²¹ Ndinokuraira kwaɀo pamberi paMŋari, naKristu Jesu, naʋatumŋa ʋakasanaŋgurwa, kuti uceŋgete ɀinhu iɀi usiŋgatoŋgi usati wambonzwa kwaɀo, kana kuita cinhu ucitsaura ʋanhu.

²² Usakurumidza kuisa maʋoko pamsoro pomunhu, kana kusoŋgana paɀiʋi ɀaʋamŋe; uɀiceŋgete kuti uʋe wakacena.

²³ Usaramba uciŋgonwa mvura ɓedzi, asi unwe waini shoma nokuɗa kwomuɗumbu mako noʋutera bgako bguzhinji.

²⁴ Ɀiʋi ɀaʋamŋe ʋanhu ɀinoʋonekwa pacena, ɀinotuŋgamirira kutoŋgwa kwaʋo, ʋamŋe ɀe ʋanoteʋerwa naɀo

²⁵ Saiɀoɀo ʋo kunamaɓasa akanaka anoʋonekwa pacena, naasina‐kuɗaro haaŋgaʋanzwi.