Spegan 1 - Kari Utux Baro Seediq Tgyada

Mnugaya ba Smepu Kneegu Seediq Israel

¹ Ali 1 idas 2 tg2 knkawas bobo mnlatac peeyah Micrayim ka seediq Israel we, rmengo Moseh truma kobu mrtaso tadus brenux Sinay hiya ka Utux Tmninun:

² “Pdai pusu rudan, tnsapah ma, ngayan seediq smepu kana ka rseno seediq Israel.

³ Kana hmrinas 20 knkawas mkela mccebu ckceka seediq Israel we, sai smepu isu ma Aharon ka knhbragan daha.

⁴ Txtaxa pusu rudan we, ngali pn1 mpqbsuran mdayo yamu.

⁵ Nii ka ngayan daha, quri so Reuben we, Elicur laqi Sedeyur.

⁶ Simeon we, Selumiel laqi Curisaday.

⁷ Yehudah we, Naxson laqi Aminadab.

⁸ Yisaskar we, Netanel laqi Cuar.

⁹ Jebulun we, Eliyab laqi Xelon.

¹⁰ Eprayim we, Elisama laqi Amihud, lqlaqi Yosehu. Menaseh we, Gamliel laqi Pedahcur.

¹¹ Binyamin we, Abidan laqi Gidiuni.

¹² Dan we, Axiejer laqi Amisaday.

¹³ Aser we, Pagiel laqi Okran.

¹⁴ Gad we, Elyasap laqi Deuel.

¹⁵ Naptaliy we, Axira laqi Eynan.”

¹⁶ Gneegan pneeyah psliyan kana, mpqbsuran knkingal dpusu rudan. Ngalan dqbsuran mdudul kana supi Israel kiya.

¹⁷ Kiya de, Moseh ma Aharon we psliun na ka 12 heyi niqan ngayan nii.

¹⁸ 1 ali 2 idas ciida de, psliun na kana ka seediq. Dseediq we, muyu bnkegan daha pusu rudan, tnsapah, ngayan peeyah 20 knkawas smepu patis ngayan lqlaqi laqi daha nanak.

¹⁹ Huwa mesa rmengo Moseh ka Utux Tmninun de, Moseh we sun na haya smepu ka dheya meniq Sinay tadus brenux.

²⁰ Lqlaqi laqi Reuben tgqbsuran ba laqi Israel, spooda pusu rudan, tnsapah ma, ngayan daha ge, kana hmrinas 20 knkawas mkela mccebu ka rseno daha.

²¹ Snepu daha pnswayan rudan Reuben we 4 mang 65'00 heyi.

²² Lqlaqi laqi Simeon, spooda pusu rudan, tnsapah ma, ngayan daha ge, kana hmrinas 20 knkawas mkela mccebu ka rseno daha.

²³ Snepu daha pnswayan rudan Simeon we 5 mang 93'00 heyi.

²⁴ Lqlaqi laqi Gad, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

²⁵ Snepu daha pnswayan rudan Gad we 4 mang 56'00 heyi.

²⁶ Lqlaqi laqi Yehudah, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

²⁷ Snepu daha pnswayan rudan Yehudah we 7 mang 46'00 heyi.

²⁸ Lqlaqi laqi Yisaskar, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

²⁹ Snepu daha pnswayan rudan Yisaskar we 5 mang 44'00 heyi.

³⁰ Lqlaqi laqi Jebulun, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

³¹ Snepu daha pnswayan rudan Jebulun we 5 mang 74'00 heyi.

³² Lqlaqi laqi Eprayim, nlqlaqi laqi Yosehu, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

³³ Snepu daha pnswayan rudan Eprayim we 4 mang ma 5'00 heyi.

³⁴ Lqlaqi laqi Menaseh, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

³⁵ Snepu daha pnswayan rudan Menaseh we 3 mang 22'00 heyi.

³⁶ Lqlaqi laqi Binyamin, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

³⁷ Snepu daha pnswayan rudan Binyamin we 3 mang 54'00 heyi.

³⁸ Lqlaqi laqi Dan, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

³⁹ Snepu daha pnswayan rudan Dan we 6 mang 27'00 heyi.

⁴⁰ Lqlaqi laqi Aser, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

⁴¹ Snepu daha pnswayan rudan Aser we 4 mang 15'00 heyi.

⁴² Lqlaqi laqi Naptaliy, spooda pusu rudan, tnsapah ma, ngayan daha ge, kana hmrinas 20 knkawas mkela mccebu.

⁴³ Snepu daha pnswayan rudan Naptaliy we 5 mang 34'00 heyi.

⁴⁴ So nii ka snpegan daha. Kiya ka snepu Moseh, Aharon ma, 12 qbsuran mdudul Israel. Knkingal qbsuran mdudul we kingal tnsapah rudan.

⁴⁵ Kana snpegan dseediq Israel, kiya ka pnoda tnsapah rudan, kana hmrinas 20 knkawas mkela mccebu.

⁴⁶ Kana bale snpegan daha we 60 mang 35'50 heyi.

⁴⁷ Seediq Lewiy we ini pdai pnswayan rudan smepu ka ckceka daha kiya.

⁴⁸ Rmengo Moseh ka Utux Tmninun:

⁴⁹ “Wano pnswayan rudan Lewiy ka iya spegi. Iya spegi ckceka dseediq Israel ka dheya.

⁵⁰ Isu we skagul seediq Lewiy mpqlahang kulu pnsdhegan ma kana qyqeya ckceka kobu mrtaso ma, kana qyqeya nkobu mrtaso. Mpkudo kobu mrtaso ma kana qyqeya ckceka hiya ka dheya. Kiya ma mooda ooda mpqlahang kobu mrtaso ma, meniq ssiyo kobu mrtaso ka dheya.

⁵¹ Theruy mquri berah ka kobu mrtaso de, asi ka seediq Lewiy ka mphurah na. Mpkobu we asi ka seediq Lewiy ka mpkobu na uri. Ima ka meyah smdaling we, asi ka phqilun.

⁵² Dseediq Israel we, asi ka muyu tnqpuruh daha pkobu, mosa kobu daha nanak ma, mosa pnswayan rudan daha nanak.

⁵³ Kiya de seediq Lewiy we, asi ka pkobu ssiyo kobu mrtaso ka dheya. Kiya de so uxe meeyah dseediq Israel ka seang. Asi ka seediq Lewiy ka qmlahang kobu mrtaso kulu pnsdhegan.”

⁵⁴ Muyu so nii moda ka dseediq Israel. Kana tnugesa na Moseh ka Utux Tmninun we, wada muyu ba moda ka dheya.