Matay 1 - Kari Utux Baro Seediq Tgyada

Patis Ltlutuc Yesu Kiristo

¹ Lqlaqi ltlutuc Abraham, so nii ka patis pnsltudan rdrudan Yesu Kiristo laqi mnslutuc Dawid:

² Tnlaqi Yijxaq ka Abraham, tnlaqi Yakobu ka Yijxaq, tnlaqi Yehudah ma mtswai na Yehudah ka Yakobu.

³ Tnlaqi Perec ma Jerax peeyah Tamar ka Yehudah. Tnlaqi Xecron ka Perec. Tnlaqi Aram ka Xecron.

⁴ Tnlaqi Aminadab ka Aram. Tnlaqi Naxson ka Aminadab. Tnlaqi Salmon ka Naxson.

⁵ Peeyah Raxab tnlaqi Boaj ka Salmon. Peeyah Rute tnlaqi Obed ka Boaj. Tnlaqi Yisay ka Obed.

⁶ Tnlaqi Dawid qbsuran paru ka Yisay. Tnlaqi Selomoh ka Dawid dhaka mqedil na Uriyah.

⁷ Tnlaqi Rexabam ka Selomoh. Tnlaqi Abiyah ka Rexabam. Tnlaqi Asa ka Abiyah.

⁸ Tnlaqi Yehosapat ka Asa. Tnlaqi Yehoram ka Yehosapat. Tnlaqi Ujiyah ka Yehoram.

⁹ Tnlaqi Yotam ka Ujiyah. Tnlaqi Axaj ka Yotam. Tnlaqi Yexijqiya ka Axaj.

¹⁰ Tnlaqi Menaseh ka Yexijqiya. Tnlaqi Amon ka Menaseh. Tnlaqi Yosiyahu ka Amon.

¹¹ Tnlaqi Yexonias ma mtswai na ka Yosiyahu. Ciida we thrigan Babirun ka seediq.

¹² Bobo tnheruy Babirun, Tnlaqi laqi Saltiel ka Yexonias. Tnlaqi Jirubabil ka Saltiel.

¹³ Tnlaqi Abiod ka Jirubabil. Tnlaqi Elyaqim ka Abiod. Tnlaqi Ajor ka Elyaqim.

¹⁴ Tnlaqi Cadoq ka Ajor. Tnlaqi Akim ka Cadoq. Tnlaqi Eliod ka Akim.

¹⁵ Tnlaqi Elajar ka Eliod. Tnlaqi Matan ka Elajar. Tnlaqi Yakobu ka Matan.

¹⁶ Tnlaqi Yosehu ka Yakobu. Yosehu nii we seno Maria. Kiristo kesun ka Yesu we tnlaqi peeyah Maria.

¹⁷ So nii de, mk14 pnsltudan ka peeyah Abraham betaq Dawid. Mk14 pnsltudan ka peeyah Dawid betaq theruy Babirun. Mk14 pnsltudan ka peeyah tnheruy Babirun betaq Kiristo.

Mtuting ka Yesu Kiristo

¹⁸ So nii ka ndaan mtuting Yesu Kiristo: Bubu na Maria ge mnoda psgaya mpsterung Yosehu ka heya. Ini psdehu mpsterung nana we pnooda Bgihur Utux mchedil ka heya.

¹⁹ Seediq msderux ka seno na Yosehu. Ssatang ggruus malix ka Maria, kiicu na pqsiqa seediq ka Maria.

²⁰ Lmngelung so nii ka heya ciida, tai, mtqita sepi Yosehu ka 1 snkgulan Bukung, rmengo: “Laqi Dawid Yosehu, iya kiicu, ngali mqedil su ka Maria. Ado pnooda Bgihur Utux ka ga nbuyas na.

²¹ Mptnlaqi rseno ka heya. Yesu kesa tmngayan ka heya. Ado laqi nii we meeyah dmoi baga seediq na peeyah ckceka qnquwan daha.”

²² Meniq ka ndaan kana noda nii we, kiya ka nii pbale ba kari Bukung pnooda rnengo mpgeela kari:

²³ “Mpchedil mptnlaqi rseno ka weewa.” Imanuel kesun daha tmngayan ka heya. Hdilun ka kari Imanuel nii de: “Utux Baro we msuupu meniq ita.”

²⁴ Mtkela ka Yosehu de muyu so tnugesa snkgulan baro nBukung ka heya, ngalan na mqedil na ka Maria.

²⁵ Ini psuupu mtaqi ka dheya. Betaq mtuting ka laqi, kiya de Yesu kesun na tmngayan ka laqi rseno.