भजनसंग्रह 127 - सरल नेपाली पवित्र बाइबल

परमप्रभुको भलाइको प्रशंसा

¹ परमप्रभुले घर बनाउनुभएन भने घर बनाउनेहरूको काम व्‍यर्थ हुन्‍छ। परमप्रभुले सहरको रक्षा गर्नुभएन भने पहरादारहरूले पहरा गर्नु व्‍यर्थ छ।

² भोजनको निम्‍ति परिश्रम गर्न बिहान सबेरै उठ्‍नु र राती अबेर सुत्‍न जानु व्‍यर्थ छ किनकि उहाँले आफ्‍ना प्रियहरूलाई निद्रा दिनुहुन्‍छ।

³ छोरा-छोरीहरू परमप्रभुका दान हुन्, तिनीहरू साँचो आशिष् हुन्।

⁴ युवावस्‍थामा जन्‍मेका छोराहरू वीरका हातमा भएका काँडजस्‍ता हुन्।

⁵ आफूसँग यस्‍ता काँड धेरै भएको मानिस प्रसन्‍न रहन्‍छ। न्‍याय गरिने ठाउँमा आफ्‍ना शत्रुहरूसँग भेट हुँदा कहिल्‍यै उसको हार हुनेछैन।