भजनसंग्रह 121 - सरल नेपाली पवित्र बाइबल

परमप्रभु हाम्रा रक्षक

¹ पर्वतहरूतिर म आफ्‍ना आँखा उचाल्‍दछु। मेरो सहायता कहाँबाट आउनेछ?

² स्‍वर्ग र पृथ्‍वी बनाउनुहुने परमप्रभुबाट मेरो सहायता आउनेछ।

³ उहाँले तँलाई लोट्‍न दिनुहुनेछैन, तेरो रक्षक सधैँ जागा रहनुहुन्‍छ।

⁴ इस्राएलका रक्षक न कहिल्‍यै उँघ्‍नुहुन्‍छ न निदाउनुहुन्‍छ।

⁵ परमप्रभुले तँलाई रक्षा गर्नुहुनेछ, तेरो रक्षाको लागि उहाँ तेरो छेउमा हुनुहुन्‍छ।

⁶ दिउँसो सूर्यले र राती जूनले तँलाई हानि गर्नेछैनन्।

⁷ परमप्रभुले तँलाई सबै खतरादेखि बचाउनुहुनेछ, उहाँले तँलाई कुशल राख्‍नुहुनेछ।

⁸ तँ जाँदा-आउँदा अहिले अनि सधैँभरि उहाँले तेरो रक्षा गर्नुहुनेछ।