यर्मिया 45 - सरल नेपाली पवित्र बाइबल

बारूकलाई परमेश्‍वरको प्रतिज्ञा

¹ योशियाहका छोरा यहोयाकीम यहूदाका राजा भएको चौथो वर्षमा बारूकले उनलाई मैले भनेका कुरा कागजको मुट्ठोमा लेखे।

² त्‍यसपछि परमप्रभु इस्राएलका परमेश्‍वरका यी वचन मैले उनलाई सुनाएँ, “बारूक,

³ तैँले यसो भन्‍दै छस्, ‘हाय! परमप्रभुले मेरो कष्‍टमाथि विलाप थपिदिनुभयो। पीडाले कराउँदा-कराउँदा म थाकिसकें, मैले कतै पनि विश्राम पाउँदिनँ!’

⁴ “तर म परमप्रभुले जे आफूले बनाएको छु, त्‍यो भत्‍काइरहेछु र जे मैले रोपेको छु, त्‍यो उखेलिरहेको छु। सारा देशलाई म त्‍यसो गर्नेछु।

⁵ के तँचाहिँ आफ्‍नो निम्‍ति केही विशेष कुरो खोज्‍दै छस्? त्‍यसो नगर। म सारा मानवजातिमाथि विनाश ल्‍याउँदै छु तर तैँले ‘चाहिँ जहाँ गए पनि आफ्‍नो ज्‍यान जोगाइराख्‍नेछस्। म परमप्रभु बोलेको छु।”