Wör 4 - WÄNYI KWËRØ 2011

Kwɑ̈jji Böörø kipe Kønyi Dhɑnhø

¹ Nyi løøg møgɑ, kɑ kwɑ̈jjɑ lïngí, yïn ɑ Jwøk cwɑ̈gɑ! Yɑ ɑ́køny yi yïn keny-ɑ ɑ́yingɑ yethi rɑj. Anɑn ywöngi yijí kiperɑ, løøg kwɑ̈jjɑ

² Wun ɑ ji, wu gït-ɑ wɑɑng, wu gwɑdd-ɑ yɑn? Wu gït-ɑ wɑɑng wu mɑɑr-ɑ yɑnggì, o wu lug-ɑ́ɑ̀ bɑng gïg-ɑ pɑth ki dyër?

³ De ngɑ̈nyu wøw kinni, Jwøng-ɑ Ácwɑ̈ɑ̈j tyëngtir ɑ́yienye gïn-ɑ́ møge, o nyii lïngø kenyi cwølɑ en.

⁴ Kïrri dëlli wun yi wɑ̈ɑ̈rø, kɑ wu ko røngi, nyi rum wun kì ri møgɑni kidøøj, kenyi buddi wun, wu okudø kì yethi pënni wun.

⁵ Nëngu Jwøng-ɑ Ácwɑ̈ɑ̈j ki gëdhh-ɑ dyër, kɑ gɑ̈nni wun.

⁶ Ji mø gïïr ókwɑ̈jjø kinni, “Thödhí wøn ki gyëdh mø ngenyø, yïn ɑ Jwøng-ɑ Ácwɑ̈ɑ̈j, wiy døøjí mëënye kì kelli wøn!”

⁷ De yɑ ɑ́thödhí ki medi pyëw me dwøng, kibøli medi pyëw men-ɑ óyod yi gen, cɑgg yï gen di byel kí møgi oløg.

⁸ Yɑ nyii buddø, kɑ yɑ ónenø ki mër, mɑ́ yï ketí ɑ kor yɑn, yïn ɑ Jwøng-ɑ Ácwɑ̈ɑ̈j.