Wör 3 - WÄNYI KWËRØ 2011

¹ Jwøng-ɑ Ácwɑ̈ɑ̈j, tyëng-ɑ mɑɑn yɑn ngenyø, ji mø gïïr ri gen ɑ́lugi gen yɑn!

² Ge kømm-ɑ yɑn kinni, “Koo køny yi Jwøk!”

³ Den-ɑ́ yïn Jwøng-ɑ Ácwɑ̈ɑ̈j, ɑ bɑ kwödɑ, yïn ɑ nyi wëggi yɑn tyɑ̈mø, kɑ yɑ nyi cïj yi yïn.

⁴ Yɑ kwɑjj-ɑ Jwøng-ɑ Ácwɑ̈ɑ̈j kinni kønye yɑn, kwøbbɑ óløøge e ying-ɑ wïj kïti kwëre.

⁵ Yɑ óbuddi yɑ pɑ böggi, kɑ yɑ ónenø, yɑ okorrø yi Jwøng-ɑ Ácwɑ̈ɑ̈j kì yij wɑ̈r bëne.

⁶ Yɑ pɑ böggi yi tyëngmɑ̈ɑ̈nø ɑ́lïp pyɑ̈rø, møg-ɑ ɑ́tyeg yɑn kì wɑ̈thi tùng bënn.

⁷ Bïí yiel yɑn yïn ɑ Jwøgɑ, Jwøng-ɑ Ácwɑ̈ɑ̈j! Mɑ́ yïn ɑ nyi cɑy tyëngmɑ̈ɑ̈nø, kɑ ge ónyönhø, kɑ leggi tyëngmɑ̈ɑ̈nø nyi tørri yi yïn.

⁸ Yï ketí ɑ nyi kɑ̈ni ki tyɑ̈mø, yïn ɑ Jwøng-ɑ Ácwɑ̈ɑ̈j, Gyëdhhí ying-ɑ kömi jií.