Wör 2 - WÄNYI KWËRØ 2011

Rɑ̈nh-ɑ Áyieny yi Jwøk

¹ Jurrì gede ɑ dwɑddi gen liny ki Jwøk geki jie? Gede ɑ pïd gen ri gen ki liny me pɑ lwɑ̈ng yi gen?

² Rɑ̈nhi kömi lɑ̈bø gøgg-ɑ liny, ge nywɑgg-ɑ dhøggi gen, kipe Jwøng-ɑ Ácwɑ̈ɑ̈j geki rɑ̈nh-ɑ ɑ́yienye.

³ Ge kømm-ɑ kinni, “Wɑ ko yïëy ki jɑɑgø yi gen. Wɑ ko yïëy ki jɑɑgø yi Jwøng-ɑ Ácwɑ̈ɑ̈j geki rɑ̈nh-ɑ ɑ́rønye.”

⁴ Jwøng-ɑ Ácwɑ̈ɑ̈j ɑ́ngedhi kì wïj kwøme kì pɑɑre mɑl. Gï ɑ́gɑgge kipe ɑremmi gen.

⁵ Codhe, ɑcyɑ̈re gïn ki rɑ̈ji pyëwe kɑ ge obwøgø yi loji bøle, ɑkööbe kinni,

⁶ “Yɑ ɑ́rum ki røny ki rɑ̈dhɑ, o jyɑ̈ge kì Yerusɑlem, wïj Kïti Kwërɑ.”

⁷ Rɑ̈dh okööbø kinni, “Wu ótöngɑ møg-ɑ ɑ́kwøb yi Jwøng-ɑ Ácwɑ̈ɑ̈j. Jwøng-ɑ Ácwɑ̈ɑ̈j yɑ ɑ́köbbe kinni, ‘Yï bɑ wɑ̈dɑ, yɑ ɑ́göög ki wïyí dicyɑ̈ngtïn.

⁸ Cwöddí kì yïɑ, yï ómëggɑ pödhh bënn, piny bëne óbëëd ɑ́ mií.

⁹ Ge ótøg yi yïn ki loodh ngyënyø dødø, ge ótøg yi yïn, kɑ ri gen mød gen ni puggi lɑ̈bø.’ ”

¹⁰ Kyën wun yïthhi wun, wun ɑ rɑ̈nhì, pɑrri wun møg, wun ɑ jɑggi kömi piny.

¹¹ Böggu Jwøng-ɑ Ácwɑ̈ɑ̈j, kɑ kwøbbe lïngi wun;

¹² kïrri dëlli wun kɑ wɑ̈thi wun kuul wun piny kì bøle kipe pyëwe ójwɑn rënyø kɑ wu jwɑn-ɑ thøø. Tyëng-ɑ nyi yömmi kö Jwøng-ɑ Ácwɑ̈ɑ̈j, ri gen dɑ gyëdh.