Idhki 1 - WÄNYI KWËRØ 2011

Møg-ɑ Ákwøng ki Cɑ̈rri Idhkiel yi Jwøk ( 1.1–7.27 ) Kwøøm Jwøk

¹ Kì pyɑ̈r ɑ́dɑ̈ɑ̈g runn, kì bïïj cyɑ̈nggi ngween dwɑ̈tt, e yɑn, yɑ ókwërø Idhkiel, wɑ̈d Budhì, yɑ obëëdø kì kelli Yeud kì yïnø, kì kömi Nɑm Kebɑr kì Bɑbïl. Mɑl ree ɑ́yiebe, kɑ yɑ cɑ̈rri yi Jwøk.

² Ábëëd ɑ́ bïïj runni Rɑ̈dh Yöyɑkin kì yïnø.

³ Kì Bɑbïlöniyɑ̀ kì kömi Nɑm Kebɑr, ɑ ɑ́lïngɑ cwɑggi Jwøng-ɑ Ácwɑ̈ɑ̈j e okööbø ki yɑn, yɑ Idhkiel wɑ̈d Budhì, kɑ tege yodɑ.

⁴ Alïïdhɑ mɑl, kɑ ɑtunø lidh-ɑ e kɑ̈ɑ̈l-ɑ wɑɑng wuudø, o mɑl ogwelø kì yij pøølø me dwøng, e tøge omënyø, o dyëre dɑ gïjø me rɑ̈nggø ni ngyënyø dilɑl.

⁵ Kɑ yɑ ólïdhø kì dïdyër ɑtunɑni ki gïg mø ni kerobb ɑ́ngwen, o ge nënni ge nɑ ji,

⁶ de yï gen bënn dɑ bøll ɑ́ngwen kí obërr ɑ́ngwen.

⁷ Tyelli gen bɑ ócimø, o dɑddi gen nɑ dɑddi wɑdh, o ge ceg-ɑ omïl ni ngyënyø dilɑl me thøø yi yojø.

⁸ O yï gen bënn dɑ cing mø ni cinggi dhɑnhø, gɑ ɑ́ngwen, cingø ɑ́kyel kì thɑ obërø ɑ́kyel.

⁹ Obërr ɑ́ryew kì ri kerob ɑ́kyel bɑ ɑper, o ge tuum gen ki obëri kerom-ɑ kyeelø, kɑ̀ cyɑ̈dhi gen, ge cyɑ̈dh-ɑ́ɑ̀ kej ɑ́kyel e bong ngɑn løg ree.

¹⁰ Kerob ɑ́kyel yïe dɑ bøll ɑ́ngwen. Bøli dhɑnhø ɑ bøle, kí bøli ngur kì wïj tuung kyëj, kí bøli wɑdh kí wïj tuung cɑɑm, o bøli cor ɑ ying ngɑ̈je.

¹¹ Obërr ɑ́ryew bɑ ɑper, o ge rwööm gen ki obërri kerom-ɑ kyeelø, obërr ɑ́ryew-ɑ kyeelø bøødh gen ri gen.

¹² Ge cungi ge rwöm ceth, o ge ócuggø kedhi tung-ɑ dwɑddi kedhø yi gen, e ri gen pɑ løg yi gen.

¹³ Kelli kerobbɑni dɑ gïjø me mënyø ni ɑ́menyø, e ceg-ɑ cyɑ̈dhø kì kelli gen, o ceg-ɑ ogwel e pödh-ɑ mɑl.

¹⁴ Kerobbɑni ceg-ɑ cyɑ̈dhø; ge nyi kedh-ɑ mɑl, kɑ ge nyi dwöög-ɑ cyɑ̈n, ge jwɑni nɑ ogwel mɑl.

¹⁵ Alïdhɑ ki tyelli yɑ̈ɑ̈th ɑ́ngwen, ge nywɑll-ɑ piny; tyelø ɑ́kyel ying-ɑ buti kerob ɑ́kyel.

¹⁶ Tyelli yɑ̈thɑni gɑ ɑ́ngwen pɑ̈r, ge ceg-ɑ ogwel ni tigg-ɑ per gen teg, o tyelø ɑ́kyel yïe dɑ tyelø megø me twïyø kì ɑ́dude,

¹⁷ kipe kinni o tyellɑni cuggi gen ki kedhi wɑ̈thi tùng ɑ́ngwen bënn.

¹⁸ Tøggi tyelli yɑ̈thɑni gɑ ɑ́ngwen pɑ̈ng yi nying.

¹⁹ Kɑ̀ cyɑ̈dhi kerobbɑni kì piny, tyell-ɑ wïnnø møgɑni ceg-ɑ cyɑ̈dhø kyeel ki gen; kɑ̀ kedhi kerobbɑni mɑl, tyel ceg-ɑ kedhi mɑl thyew.

²⁰ Gïn-ɑ gwøg yi kerobbɑni, en ceth ɑ gwøg yi tyel, mɑ́ tyel mïdh-ɑ yi kerobbɑni.

²¹ Keløg Kerobbɑni ócungø, tyel ceg-ɑ cung, keløg ge kedh-ɑ mɑl yij yømø, tyel ceg-ɑ kedhi mɑl thyew.

²² Wɑ̈thi kerobbɑni dɑ gïjø me ree rïïm en mɑl, me tïl o ceg-ɑ orɑ̈ng.

²³ Kerobbɑni ying-ɑ thɑ gïnɑni, e kerob obërre ɑ́ryew rïïj en, o ge rwööm gen ki obërri kerom-ɑ kyeelø, o ɑ́ryew-ɑ kyeelø kum en ree.

²⁴ Alïngɑ cwɑggi obërri gen kɑ̀ pɑ̈rri gen, ge ruur nɑ cwɑggi nɑɑm omelø, o nɑ cwɑggi jøliny mø gïïr cɑrø, o ge nɑ cwɑggi Áyïmø. Keny-ɑ ɑ́wïyi gen ki pɑ̈rrø, kɑ obërri gen bidh gen,

²⁵ de dɑ cwɑg mø kɑ̈ɑ̈l kömi gïn-ɑ rïïm wɑ̈thi gen kì mɑl.

²⁶ Kömi gïn-ɑ wɑ̈thi kerobbɑni dɑ gïjø me ni kwøm, men-ɑ ógwøgø ki tigg-ɑ per gen teg me tïl, o kïde bɑ ówɑw, o dɑ gïjø me bëëdø kì wïj kwøm me ni dhɑnhø.

²⁷ Gïnɑni nënni e nɑ ngyënyø dilɑl, me ying yij mɑc, o kì piny nënni e nɑ mɑc me mënyø ki cɑr me tɑr,

²⁸ me ree di kïddi órøngø bënn. Bene cɑr menɑni ɑ nyodh kinni Jwøng-ɑ Ácwɑ̈ɑ̈j nud. Keny-ɑ ɑ́lidhɑ mɑ̈ɑ̈r Jwøng-ɑ Ácwɑ̈ɑ̈j, ɑpɑ̈ɑ̈dhɑ wïjɑ këëlɑ’ piny. Alïngɑ ki cwɑg