Edhrɑ̀ 2 - WÄNYI KWËRØ 2011

Nyingi Tyëng-ɑ Ádwöög kì Yïnø

¹ Møg bene tyëng-ɑ ɑ́dwöög kì Bɑbïlöniyɑ̀, kun-ɑ ɑ́køøl gen gɑ ɑmɑgg yi Nebukɑdnesɑr, rɑ̈ɑ̈dh Bɑbïlöniyɑ̀, ge dwöög-ɑ Yerusɑlem kì Yeudiyɑ̀, ngɑn nyi døøg-ɑ pɑɑ gen.

² Ge ɑ́dwöög kɑ pëjji gen, Dherubɑbïl, kí Jöcwø, kí Nëmɑyɑ̀, kí Serɑiyɑ̀, kí Reelɑiyɑ̀, kí Mordekɑy, kí Bilcɑn, kí Mispɑr, kí Bigbɑy, kí Reum, kí Bɑnɑ̀. Møg bɑ nyingi wɑ̈thi kɑ̈lli Isrɑil møg-ɑ ɑ́dwöög, jɑngi kɑl kí kwɑnni jie:

^3-20 Pɑröc –- 2,172. Cepɑtiyɑ̀ –- 372 Arɑ̀ –- 775 Pɑkɑth Moɑb, ɑ løg kwɑrri Jöcwø geki kwɑrri Yöɑb –- 2,812. Elɑm –- 1,254 Dhɑtu –- 945 Dhɑkɑy –- 760 Bɑnì –- 642 Bebɑy –- 623 Adhgɑd –- 1,222 Adönikɑm –- 666 Bigbɑy –- 2,056 Adïn –- 454 Ater, ɑ nyi cwøl ɑ́ Kedhekiyɑ̀ thyew –- 98 Bedhɑy –- 323 Yörɑ̀ –- 112 Acum –- 223 Gibɑr –- 95

^21-35 Tyëng-ɑ́ kweyyi gen ɑ́bëëd kì kɑ̈dd møg ge ɑ́dwöög, kí kwɑnni gen møg-ɑ bøli nyingi kɑ̈ddɑni ek: Betleem – 123 Netöpɑ̀ – 56 Anɑthöth – 128 Adhmɑbeth – 42 Kiriɑt Yeɑrïm geki Kepïrɑ̀, kí Biröth – 743 Rɑmɑ̀ geki Gebɑ̀ – 621 Mikmɑc – 122 Betiil geki Aɑy – 223 Nebö – 52 Mɑgbïc – 156 Elɑm men-ɑ kyeelø – 1,254 Arïm – 320 Löd, kí Adid, kí Önö – 725 Yerikö – 345 Senɑ̀ – 3,630

^36-39 Møg bɑ kɑ̈lli ókwër møg-ɑ ɑ́dwöög, jɑngi gøl kí jie: Yedɑiyɑ̀ (kì gøl Jöcwø) – 973 Imer – 1,052 Pɑcur – 1,247 Arïm – 1,017

^40-42 Kɑ̈lli Kwɑrri Leebì møg-ɑ ɑ́dwöög kì yïnø; jɑngi gøl kí jie: Jöcwø geki Kɑdmiel (ɑ løg kwɑrri Ödɑbiyɑ̀) — 74 Tyëng-ɑ nyi thumø ki thøm (ɑ løg kwɑrri Asɑp) — 128 Tyëng-ɑ nyi kor Kengø (ɑ løg kwɑrri Cɑlum, kí kwɑrri Ater, kí kwɑrri Tɑlmön, kí kwɑrri Akkub, kí kwɑrri Atitɑ̀, kí kwɑrri Cöbɑy) — 139

^43-54 Tyëng-ɑ ɑ́dwöög kì wɑ̈thi kɑ̈lli tyëng-ɑ nyi göögø kì Kengø bɑ: Dhïɑ̀, Asupɑ̀, Tɑbɑöth Kerös, Siɑ̀, Pɑdön Lebɑnɑ̀, Agɑbɑ̀, Akkub Agɑb, Cɑmlɑy, Aɑnɑn, Gidel, Gɑɑ̈r, Reɑiyɑ̀ Redhïn, Neködɑ̀, Gɑdhɑm Udhɑ̀, Pɑseɑ̀, Besɑy, Asnɑ̀, Meunïm, Nepisïm, Bɑkbuk, Akupɑ̀, Arur Bɑdhluth, Meidɑ̀, Arcɑ̀, Bɑrkös, Siserɑ̀, Temɑ̀, Nedhiyɑ̀, kí Atipɑ̀.

^55-57 Wɑ̈thi Kɑ̈lli bɑ̈nggi Sølømøn møg-ɑ ɑ́dwöög kì yïnø bɑ: Sötɑy, Äsöpereth, Perudɑ̀, Yɑɑlɑ̀, Dɑrkön, Gidel, Cepɑtiyɑ̀, Atïl, Pökereth Adhebɑim, kí Amì.

⁵⁸ Kwɑnni kwɑrri tyëng-ɑ ɑ́göög kì Kengø bënn geki kwɑrri bɑ̈nggi Sølømøn ɑ́bëëd gɑ 392.

^59-60 Dɑ ji mɑ ɑ́bï kí Delɑiyɑ̀ geki Töbiyɑ̀, kí Neködɑ̀ mø kwɑnni gen bɑ miy ɑ́bïkyel kí pyɑ̈r ɑ́ngwen wïdɑ́ryew, ge ɑ́bï ge kɑ̈ɑ̈l-ɑ Tel Melɑ̀, Tel Arcɑ̀, Kerub, Adɑn, kí Imer, de kɑ̈lli gen kì Isrɑil ɑ́dhɑ̈li yodø yi gen, wɑlɑ̀ kweyyi gen nuti yood gen.

^61-62 Møg bɑ wɑ̈thi kɑ̈lli ókwërr-ɑ ɑ́bong gwedd mø nyodh kweyyi gen, kí mɑ bëëd gen gɑ ókwër kidyër, ge bɑ Kwɑrri Abɑiyɑ̀, kí kwɑrri Aködh, kí kwɑrri Bɑrdhilɑy (Bɑrdhilɑy ɑ́nywøm-ɑ nyɑɑr Bɑrdhilɑy kì Gilyɑd, ɑcöllii nyingi øre.) Keny-ɑ ɑ́yɑb gen nyingi gen kì ri nyingi kɑ̈lli ókwër, gï ɑ́dhɑ̈li yodø yi gen, codhe ɑwiy gen wɑ̈g kì kelli ókwër.

⁶³ Akyeer gen yi jɑgø ki cɑm ki jɑmmi kwër, pïd keny-ɑ ódi ókwërø men-ɑ ópyëj Jwøng-ɑ Ácwɑ̈ɑ̈j ki Urïm geki Thumïm.

^64-67 Kwɑnni tyëng-ɑ ɑ́dwöög bënn – 42,360 Bɑ̈nggi gen cwøw kí mɑ̈nn – 7,337 Bödhhi thøm, cwøw kí mɑ̈nn – 200 Kyënyì – 736 Ógɑll – 245 Amɑl – 435 Aderr – 6,720

⁶⁸ Kwï wɑ̈thi kɑ̈lli Isrɑil keny-ɑ ɑ́wɑ̈dhi gen Kengi Jwøng-ɑ Ácwɑ̈ɑ̈j, men-ɑ Yerusɑlem, ɑmuuj gen ki gëdhhì kipe Kengi Jwøk, kipe kinni o døøge keje.

⁶⁹ Ge ɑ́muuj ki gïn-ɑ ɑ́cuggi muujø yi gen ceth kipe gwøg, kɑ kwɑnni jɑmmɑni bënn wɑ̈dh-ɑ ri kïllì 500 mø dhɑb, kí kïllì 2,800 mø ɑ́tegø, kí ɑ́ywödhh-ɑ thønhø mø ókwër 100.

⁷⁰ Ókwër, kí Kwɑrri Leebì, kí kwï tyëng Isrɑil ɑ́pëggi Yerusɑlem, kɑ kwï gen pëgg-ɑ buti Yerusɑlem. Bödhhi wör ki thøm, kí tyëng-ɑ nyi kor Kengø, kí tyëng-ɑ nyi göögø kì yij Kengø, ɑ́pëggi myërr-ɑ cyɑ̈gi, kɑ kwï tyëng Isrɑil møg-ɑ kyeelø pëgg-ɑ yethi kɑ̈dd-ɑ ɑ́bëëd yi kweyyi gen.