लूका 3 - सरगुजिया बाइबिलयूहन्ना बपतिस्मा देहे बाला कर सन्देश ( मत्ती 3:1-12 ; मरकुस 1:1-8 ; यूहन्ना 1:19-28 ) 1 राजा तिबिरियुस कैसर के राएज कर पन्द्रह बरस मे जब पुन्तियुस पिलातुस यहूदिया परदेस कर हाकिम रहिस, अउ गलील परदेस मे राजा हेरोदेस इतूरैया, अउ त्रखोनीतिस मे ओकर भाई फिलिप्पुस, अउ अबिलेने मे लिसानियास, चवथाई कर राजा रहिस, 2 अउ जब हन्ना अउ कैफा महायाजक रहिन, ओ समय मे परमेश्वर कर बचन जंगल मे जकर्याह कर बेटा यूहन्ना कर लिघे पहुचिस। 3 ओहर यरदन नदी कर आजु-बाजु कर सबेच परदेस मे जाए के, पाप कर छमा बर मन फिराव के बपतिस्मा कर प्रचार करे लागिस। 4 जेकस यशायाह अगमजानी कर कहल बचन हर पुस्तक मे लिखल आहे: “जंगल मे एक पुकारे बाला कर शब्द होवत आहे कि, ‘प्रभु कर डगर ला तियार करा, ओकर सड़क ला सीधा करा। 5 हर एक घाटी मन भरल जाही, अउ हर एक पहार अउ टीला मन ला समतल करल जाही; अउ जेहर टेड़हा हे सोझ, अउ जेहर उबड़-खाबड़ है, ओहर चाकर डगर बनही। 6 अउ हर प्रानी हर परमेश्वर कर उद्धार ला देखही।’” 7 जे बड़खा भीड़ यूहन्ना ले बपतिस्मा लेहे बर हिकेल के आत रहिन, ओमन मन ले ओहर कहत रहिस, “हे साप कर छउवा मन तुमन मन ला कोन हर बतईस, कि आए बाला गुस्सा ले भागा। 8 तले मन फिराव कर लाएक फर लाना, अउ अपन-अपन मन मे ये झिन सोचा कि हमर दाऊ अब्राहम है, काबर कि मैहर तुमन मन ले कहथो कि परमेश्वर हर ये पखना मन ले अब्राहम बर संतान जन्माए सकथे। 9 अउ अब टांगी हर रूख कर जईर पर धरल आहे, एकरे बर जे-जे रूख हर बड़िया फर नी लानही, ओहर काटल अउ आगी मे ढोए देहल जाही।” 10 तब लोग मन ओकर ले पुछिन, “त हमन मन का करी?” 11 ओहर ओमन मन ला उत्तर देहिस, “जेकर जग दूई कुरता है, ओहर ओकर संग जेकर जग नी है बाएट ला अउ जेकर जग भात है, ओहर भी एहिच कस करे।” 12 महसूल लेहे बाला मन भी बपतिस्मा लेहे बर अईन, अउ ओकर ले पुछिन, “हे गुरू, हमन मन का करी?” 13 ओहर ओमन मन ले कहिस, “जेहर तुमन मन बर ठहराल गिस है, ओकर ले ज्यादा झिन लेईहा।” 14 सिपाही मन भी ओकर ले पुछिन, “हमन मन का करी?” ओहर ओमन मन ले कहिस, “कोनो पर उपद्रव झिन करिहा अउ न झूठ कर दोष लगईहा, अउ अपन तनखाह मन मे संतोष करिहा।” 15 जब लोग मन आस लगाए रहिन, अउ सबेच झन अपन-अपन मन मे यूहन्ना कर बिषय मे बिचार करत रहिन कि का एहिच मसीह त नी है, 16 त यूहन्ना हर ओमन मन सबेच झन ले कहिस, “मैहर त तुमन मन ला पानी ले बपतिस्मा देहथो, लेकिन ओहर आए बाला हे जेहर मोर ले शक्तिशाली है; मैहर त एकर लाएक नी हो कि ओकर जूता कर डोरा ला खोएल सको; ओहर तुमन मन ला पवित्र आत्मा अउ आगी ले बपतिस्मा देही। 17 ओकर सूपा हर, ओकर हाथ मे है; अउ ओहर अपन कोठार ला बड़िया रीति ले सफा करही; अउ गेहू ला त अपन कोठी मे भरही; लेकिन भूसा ला ओ आगी मे जेहर बुझाए बाला नी है जलाए देही।” 18 तले ओहर ढेरेच अकुन शिक्षा दे के लोग मन ला सुसमाचार सुनात रहिस। हेरोदेस कर द्वारा यूहन्ना ला जेल मे डलई ( मत्ती 3:13-17 ; मरकुस 1:9-11 ) 19 लेकिन जब ओहर चवथाई देश कर राजा हेरोदेस ला अपन भाई फिलिप्पुस कर घरदारिन हेरोदियास कर बिषय अउ सबेच कुकर्म मन कर बिषय मे जेला ओहर करे रहिस, फटकार लगईस 20 त हेरोदेस हर ओमन मन ले सबले बईड़ के ये कुकर्म करिस कि यूहन्ना ला जेल मे डाएल देहिस। यूहन्ना के द्वारा यीशु कर बपतिस्मा 21 जब सबेच लोग मन बपतिस्मा लेहिन, अउ यीशु हर भी बपतिस्मा ले के प्रार्थना करत रहिस, त स्वर्ग हर खुईल गिस, 22 अउ पवित्र आत्मा ला देह कर रूप मे परेवा नियर ओकर पर उतरिस, अउ ये अकाशबानी होईस, “तय मोर दुलरवा बेटा हस, मैहर तोर ले खुश हो।” यीशु कर बंशावली ( मत्ती 1:1-17 ) 23 जब यीशु अपन उपदेश करे लागिस, त लगभग तीस बरस के उमर कर रहिस अउ (जईसन समझल जात रहिस) यूसुफ कर बेटा रहिस; अउ ओहर एली कर, 24 अउ ओहर मत्तात कर, अउ ओहर लेवी कर, अउ ओहर मलकी कर, अउ ओहर यन्ना कर, अउ ओहर यूसुफ कर, 25 अउ ओहर मत्तित्याह कर, अउ ओहर आमोस कर, अउ ओहर नहूम कर, अउ ओहर असल्याह कर, अउ ओहर नग्गई कर, 26 अउ ओहर मात कर, अउ ओहर मत्तित्याह कर, अउ ओहर शिमी कर, अउ ओहर योसेख कर, अउ ओहर योदाह कर, 27 अउ ओहर यूहन्ना कर, अउ ओहर रेसा कर, अउ ओहर जरुब्बाबेल कर, अउ ओहर शालतियेल कर, अउ ओहर नेरी कर, 28 अउ ओहर मलकी कर, अउ ओहर अद्दी कर, अउ ओहर कोसाम कर, अउ ओहर इलमोदाम कर, अउ ओहर एर कर, 29 अउ ओहर येशू कर, अउ ओहर एलीएजेर कर, अउ ओहर योरीम कर, अउ ओहर मत्तात कर, अउ ओहर लेवी कर, 30 अउ ओहर शमौन कर, अउ ओहर यहूदा ह कर, अउ ओहर यूसुफ कर, अउ ओहर योनान कर, अउ ओहर एलयाकीम कर, 31 अउ ओहर मलेआह कर, अउ ओहर मिन्नाह कर, अउ ओहर मत्तता कर, अउ ओहर नातान कर, अउ ओहर दाऊद कर, 32 अउ ओहर यिशै कर, अउ ओहर ओबेद कर, अउ ओहर बोअज कर, अउ ओहर सलमोन कर, अउ ओहर नहशोन कर, 33 अउ ओहर अम्मीनादाब कर, अउ ओहर अरनी कर, अउ ओहर हेस्रोन कर, अउ ओहर पेरेस कर, अउ ओहर यहूदा कर, 34 अउ ओहर याकूब कर, अउ ओहर इसहाक कर, अउ ओहर अब्राहम कर, अउ ओहर तेरह कर, अउ ओहर नाहोर कर, 35 अउ ओहर सरूग कर, अउ ओहर रऊ कर, अउ ओहर पेलेग कर, अउ ओहर एबेर कर, अउ ओहर शिलह कर, 36 अउ ओहर केनान कर, अउ ओहर अरफक्षद कर, अउ ओहर शेम कर, अउ ओहर नूह कर, अउ ओहर लेमेक कर, 37 अउ ओहर मथूशिलह कर, अउ ओहर हनोक कर, अउ ओहर यिरिद कर, अउ ओहर महललेल कर, अउ ओहर केनान कर, 38 अउ ओहर एनोश कर, अउ ओहर शेत कर, अउ ओहर आदम कर, अउ आदम हर परमेश्वर कर बेटा रहिस। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation