2 तीमुथियुस 3 - सरगुजिया बाइबिलआखरी दिन मन कर चेतई 1 पर ये याद रखिहा कि आखरी दिन मन मे कठिन समय आही। 2 काबर कि मैनसे मन स्वार्थी, लोभी, डिंगमार, अभिमानी, निन्दक, दाई-दाऊ कर आदेस टाले बाला, कृतघ्न, अपवित्र, 3 दया रहित, छमा रहित, दोष लगाए बाला, असंयम, कठोर, भला कर बैरी, 4 बिश्वासघाती, ढीठ, घमण्डी, अउ परमेश्वर कर नही बरन सुख बिलास ही कर चाहे बाला होही। 5 ओमन भक्ति कर भेष त धरही, पर ओकर सामर्थ ला नी मानही; एसन मन ले अलगेच रहबे। 6 एहिच मन ले ओमन मन है, जेमन घर मन मे चुपके ले दबल गोड़ घुईस आथे, अउ ओ कमजोर महिला मन ला अपन बश मे कईर लेथे, जेहर पाप ले दबल अउ हर मंधे कर अभिलाषा मन कर बश मे है। 7 अउ हमेसेच सिखत त रहथे पर सत्य कर पहिचान तक ले कभो नी पहुचे। 8 जईसन यत्रेस अउ यम्ब्रेस मन हर मूसा कर बिरोध करे रहिन, ओहिच कस एमन भी सत्य कर बिरोध करथे; ये एसन लोग मन है जेमन कर बुईध भ्रष्ट होए गईस है अउ ओमन बिश्वास कर बिषय मे निक्कमा है। 9 पर ओमन एकर ले आगू नी बईढ़ सकथे, काबर कि जईसन ओमन कर अज्ञानता सबेच मैनसे मन पर परगट होए गए रहिस, ओहिच कस एमन कर भी होए जाही। मसीही जीवन मे संघर्ष 10 लेकिन तुमन हर उपदेश, चाल-चलन, मनसा, बिश्वास, सहनशीलता, प्रेम, धीरज, अउ सताल जाए, अउ दुख उठाए मे मोर साथ देहिन, 11 अउ एसन दुख मे भी जेहर अन्ताकिया अउ इकुनियुम अउ लुस्त्रा नगर मे मोर पर पड़े रहिन, अउ दूसर दुख मे भी जेला मैहर उठाए हो; लेकिन प्रभु हर मोला ओ सबले छोड़ाए लेहिस। 12 पर जेतेक झन मसीह यीशु मे भक्ति कर संग मे जीवन बिताए बर चाहत आहे ओमन सबेच झन मन सताल जाही। 13 लेकिन दुष्ट अउ बहकाए बाला मन, धोखा देहत अउ धोखा खात, बिगड़त जाथे। 14 पर तय ओ गोएठ मन पर जेला तय हर सिखे हस अउ बिश्वास करे हस, ये जाएन के मजबूत बने रह कि तय हर ओमन मन ला कोन लोग मन ले सिखे हस, 15 अउ बचपन ले पवित्रशास्त्र तोर जानल है, जे तोला मसीह यीशु पर बिश्वास करे ले उद्धार मिले बर बुईधमान बनाए सकथे। 16 सबेच पवित्रशास्त्र परमेश्वर कर प्रेरना ले रचल गईस है अउ उपदेश, अउ समझाए, अउ सुधारे बर, अउ धार्मिकता कर शिक्षा बर लाभ दाएक है, 17 ताकि परमेश्वर कर जन हर सिद्ध बनही, अउ हर एक भला बुता बर तियार रहे। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation