2 कुरिन्थी 8 - सरगुजिया बाइबिलखुशी कर संग मे दान देहई 1 अब हे भाई मन, हमन मन तुमन मन ला परमेश्वर कर ओ अनुग्रह कर समाचार देहथन जेहर मकिदुनिया नगर कर कलीसिया मन पर होईस है। 2 कि क्लेश कर बड़खा परीक्षा मे ओमन मन कर बड़खा आनन्द अउ भारी कंगालपन मे ओकर उदारता ढेरेच बईड़ गईस। 3 ओमन मन कर बिषय मे मोर ये गवाही है कि ओमन मन अपन सामर्थ ले भईर बरन सामर्थ ले भी बाहर, मन ले देहिस। 4 अउ ये दान मे अउ पवित्र लोग मन कर सेवा मे भागी होए के अनुग्रह कर बिषय मे, हमन ले बार-बार ढेरेच बिनती करिस, 5 अउ जईसन हमन मन आशा देहे रहेन, ओहिच कस नही बरन ओमन मन प्रभु ला फिर परमेश्वर कर इक्छा ले हमन मन ला भी अपन आप ला दे देहिस। 6 एकरे बर हमन मन तीतुस ला समझाएन कि जईसन ओहर आगू ले शुरू करे रहिस, ओहिच कस ही तुमन मन कर मांझा मे ये दान कर बुता ला पूरा भी कईर ले। 7 एकरे बर जईसन तुमन मन हर गोएठ मे मने कि बिश्वास, बचन, ज्ञान अउ सबेच नियर कर यत्न मे, अउ ओ प्रेम मे जेहर हमन मन ले रखथा, बड़हत जाथा, ओहिच कस ये दान कर बुता मे भी बड़हत जावा। मसीह हमर नमूना 8 मैहर हुकूम के रीति पर त नही, लेकिन दूसर मन कर उत्साह ले तुमन मन के प्रेम कर सच्चाई ला परखे बर कहथो। 9 तुमन मन हमर प्रभु यीशु मसीह कर अनुग्रह ला जानथा कि ओहर धनी होए के भी तुमन मन बर कंगाल बईन गईस, ताकि ओकर कंगाल होए जाए ले तुमन मन धनी होए जावा। 10 ये गोएठ मे मोर सलाह ये है, एहर तुमन मन बर बड़िया है, जेहर एक बरस ले न त केबल ये बुता ला करे ही मे, लेकिन ये गोएठ कर चाहे मे भी पहिला होए रहिस। 11 एकरे बर अब ये बुता ला पूरा करा; कि जईसन इक्छा करे बर तुमन मन तियार रहा, ओहिच कस अपन-अपन पूंजी कर अनुसार पूरा करा। 12 काबर कि अगर मन कर तियारी होए त दान कर अनुसार गरहन भी होथे जेहर ओकर लिघे है, न कि ओकर अनुसार जेहर ओकर लिघे नी है। 13 ये नही कि दूसर मन ला चैन अउ तुमन मन ला क्लेश मिलही, 14 लेकिन बराबरी कर बिचार ले ये समय तुमन मन कर बड़ती ओमन मन कर घटती मे काम आही, ताकि ओमन मन कर बड़ती भी तोर घटी मे काम आही कि बराबरी होए जाही। 15 जईसन पवित्रशास्त्र मे लिखल आहे, “जेहर ढेरेच सकेलिस ओकर कुछ बगरा नी हिकलिस, अउ जेहर तनिक सकेलिस ओकर कुछ कम नी हिकलिस।” तीतुस ला कुरिन्थुस मे भेजई 16 परमेश्वर कर धन्यवाद होए, जेहर तुमन मन बर ओहिच उत्साह तीतुस कर हृदय मे डाएल देहिस आहे 17 कि ओकर हमर समझई ला माएन लेहिस बरन ढेरेच उत्साहित होए के ओहर अपन इक्छा ले तुमन मन कर लिघे गईस है। 18 हमन हर ओकर संग ओ भाई ला भी भेजे हन जेकर नाव सुसमाचार कर बिषय मे सबेच कलीसिया मन मे बगरिस आहे; 19 अउ एतेक ही नही, लेकिन ओ कलीसिया कर द्वारा ठहराल भी गईस कि ये दान कर बुता बर हमर संग मे जाए। हमन मन ये सेवा एकरे बर करथन कि प्रभु कर महिमा अउ हमर मन कर तियारी परगट होए जाही। 20 हमन ये गोएठ मे चवकस रहथन, कि ये उदारता कर बुता कर बिषय मे जेकर सेवा हमन मन करथन, कोनो हर हमर पर दोष झिन लगाए पाही। 21 काबर कि जे गोएठ केबल प्रभु कर लिघे नी है, लेकिन मैनसे मन कर लिघे भी भला है हमन मन ओमन मन कर चिंता करथन। 22 हमन मन ओकर संग अपन भाई ला भी भेजे हन, जेला हमन बार-बार परख के ढेरेच गोएठ मे उत्साहित पाए हन लेकिन अब तोर पर ओला ढेरेच भरोसा है, ये कारन ओहर अउ भी ढेरेच उत्साहित है। 23 अगर कोनो हर तीतुस कर बिषय मे पूछे, त ओहर मोर संगता अउ तुमन मन बर मोर सहकर्मी है; अउ अगर हमर भाई मन कर बिषय मे पूछही, त ओमन मन कलीसिया मन कर भेजल अउ मसीह कर महिमा है। 24 तले अपन प्रेम अउ हमर ओ घमण्ड जे तुमन मन कर बिषय मे है कलीसिया कर आगू मे सिद्ध कईर के ओमन मन ला दिखावा। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation