2 कुरिन्थी 3 - सरगुजिया बाइबिलमसीह मन जीवित पत्र 1 का हमन मन फिर अपन बड़ाई करे लागी? या हमन मन ला दूसर मैनसे मन कर नियर सिफारिस कर पत्री मन ला तुमन मन कर लिघे लानी या तोर ले लेहे बर है? 2 हमर पत्री तय ही हस, जेहर हमर हृदय मन पर लिखल आहे अउ ओला सबेच मैनसे मन पहिचानथे अउ पढ़थे। 3 ये परगट है कि तय मसीह कर पत्री हस, जेला हमन मन सेवक मन कर नियर लिखल आहे, अउ स्याही ले नही लेकिन जीवित परमेश्वर कर आत्मा ले, पखना कर पट्टी मन पर नही, लेकिन हृदय कर मांस रूपी पट्टी पर लिखे हन। पौलुस कर हिम्मत 4 हमन मन मसीह कर द्वारा परमेश्वर पर एहिच कस भरोसा रखथन। 5 ये नही कि हमन मन अपन आप ला एकर लाएक हन, कि अपन कती ले कोनो गोएठ कर बिचार कईर सकी, पर हमर लाएक परमेश्वर कती ले है। 6 जेहर हमन मन ला नावा बाचा कर सेवक होए कर लाएक भी करिस, शब्द कर सेवक नही बरन आत्मा कर; काबर कि शब्द हर मारथे, पर आत्मा हर जीलाथे। नावा बाचा कर महिमा 7 अउ अगर मृत्यु कर ओ बाचा जेकर अक्षर ला पखना मे भी खोदल गए रहिस, हिया तक ले तेजोमय होईस, कि मूसा कर मुह पर कर तेज कर कारन जेहर घटत भी जात रहिस, इस्राएली मन ओकर मुंह पर नजर नी करे सकत रहिन। 8 त आत्मा कर बाचा अउ भी तेजोमय काबर नी होही? 9 काबर कि जब दोष ठहराए बाला बाचा तेजोमय रहिस, त धर्मी ठहराए बाला बाचा अउ भी तेजोमय काबर नी होही? 10 अउ जेहर तेजोमय रहिस, ओकर ओ तेज कर कारन जेहर ओकर ले बईढ़ के तेजोमय रहिस, कुछ भी तेजोमय नी ठहरिस। 11 काबर कि जब ओ जेहर घटत जात रहिस तेजोमय रहिस, त ओ जेहर जमे रही अउ भी तेजोमय काबर नी होही? 12 एकरे बर एसन आशा रईख के हमन हियाव के संग बोलथन। 13 अउ मूसा कर नियर नही, जेहर अपन मुह पर परदा डाएल रखे रहिस ताकि इस्राएली ओ घटे बाला तेज कर आखरी ला झिन देख सके। 14 लेकिन ओमन मन मतिमन्द होए गिन, काबर कि आएज तक ले पुराना नियम पड़हत समय ओमन मन कर हृदय पर ओहिच परदा हर पड़े रहथे, पर ओहर मसीह मे उईठ जाथे। 15 आएज तक ले जब भी मूसा के ब्यवस्था कर पुस्तक ला पड़हल जाथे, त ओकर हृदय पर परदा पड़े रहथे। 16 लेकिन जब कभो ओकर हृदय प्रभु कती फिरही, तब ओ परदा हर उईठ जाही। 17 प्रभु हर त आत्मा है, अउ जहा कही भी प्रभु कर आत्मा है हुवा स्वतंत्रता है। 18 लेकिन जब हमन मन सबेच कर उघारल चेहरा ले प्रभु कर प्रताप ये नियर परगट होही, जे नियर आईना मे, त प्रभु कर द्वारा जे आत्मा है, हमन मन ओहिच तेजस्वी रूप मे अंश-अंश कईर के बदलत जाथन। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation