1 कुरिन्थी 2 - सरगुजिया बाइबिलपौलुस कर घोसना 1 हे भाई मन, जब मैहर परमेश्वर कर भेद ला सुनात तुमन मन कर लिघे आए, त शब्द कर ज्ञान के उत्तमता कर संग मे नी आए। 2 काबर कि मैहर ठाएन लेहे रहे कि तुमन मन कर मांझा मे यीशु मसीह बरन क्रूस पर चड़हाल मसीह ला छोएड़ अउ कोनो गोएठ ला नी जानथो। 3 मैहर कमजोर अउ भय कर संग, अउ ढेरेच थरथरात तुमन मन कर संग मे रहे; 4 अउ मोर बचन, अउ मोर प्रचार मे ज्ञान कर लुभाए बाला गोएठ नी है, लेकिन आत्मा अउ सामर्थ्य कर प्रमान रहिस, 5 एकरे बर कि तुमन मन कर बिश्वास मैनसे मन कर ज्ञान पर नही, लेकिन परमेश्वर कर सामर्थ्य पर निर्भर आहे। आत्मिक ज्ञान 6 फिर भी हमन सिद्ध मैनसे मन मे हमन मन ज्ञान सुनाथी, लेकिन ये संसार कर अउ ये संसार कर नाश होए बाला हाकिम मन कर ज्ञान नी है; 7 लेकिन हमन मन परमेश्वर कर ओ लुकाल ज्ञान, भेद कर रीति ले बताथन, जेला परमेश्वर हर सनातन ले हमर महिमा बर ठहरईस है। 8 जेला ये संसार कर हाकिम मन कोनोच हर नी जानिन, काबर कि अगर ओमन मन जानतीन त तेजोमय प्रभु ला क्रूस पर नी चड़हातिन। 9 लेकिन जईसन लिखल आहे, “जेला आएख हर नी देखिस अउ कान हर नी सुनिस, अउ जे गोएठ हर मैनसे मन कर चित मे नी चड़हिस, ओहिच हर है जेला परमेश्वर हर अपन प्रेम रखे बाला मन बर तियार करिस है।” 10 लेकिन परमेश्वर हर ओमन मन ला अपन आत्मा कर द्वारा हमन मन पर परगट करिस, काबर कि आत्मा हर सबेच गोएठ, बरन परमेश्वर कर गूड़ गोएठ मन ला भी जाचथे। 11 मैनसे मन ले कोन कोई मैनसे मन कर गोएठ ला जानथे, केबल मैनसे कर आत्मा जेहर ओमे रहथे? ओहिच कस परमेश्वर कर गोएठ मन ला भी कोनो नी जाने, केबल परमेश्वर कर आत्मा। 12 लेकिन हमर मे संसार कर आत्मा नी है, लेकिन हमन मन ओ आत्मा ला पाए ही, जेहर परमेश्वर कती ले है, कि हमन मन ओ गोएठ मन ला जानी, जेला परमेश्वर हर हमन मन ला देहिस आहे। 13 जेमन ला हमन मन मैनसे मन के ज्ञान कर सिखाल गोएठ मन मे नही, लेकिन पवित्र आत्मा कर सिखाल गोएठ मन मे ले, आत्मा कर, आत्मिक गोएठ मन ले आत्मिक गोएठ मन कर बखान करथे। 14 लेकिन देह कर मैनसे हर परमेश्वर के आत्मा कर गोएठ मन ला गरहन नी करे, काबर कि ओकर नजर मे मूर्खता कर गोएठ है, अउ न ओहर ओला जाएन सकथे काबर कि ओकर जांच आत्मिक रीति ले होथे। 15 आत्मिक जन हर सबेच कुछ ला जांचथे, लेकिन ओ अपन कोनो ले जाचल नी जाए। 16 “काबर कि प्रभु कर मन ला कोन हर जानिस है कि ओला सिखाए?” लेकिन हमर मे मसीह कर मन है। |
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
Beyond Translation