Isaya 12 - Bhaibhiri Idzva rechiShona rine Dhuterokanonika

Rumbo rwokutenda Mwari

¹ Musi iwoyo iwe uchazoti “Ndinokutendai imi Tenzi nokuti kunyange makambondishatirirwa zvenyu kushatirwa kwenyu kwakapera mukandinyaradza.

² Tarisai muone, kuti Mwari ndiye ruponeso rwangu, ndinovimba naye handichatyi nokuti iye Tenzi Mwari, ndiye simba rangu, ndiye rumbo rwangu ndiye ava ruponeso rwangu.

³ “Muchafara muchiteka mvura mumatsime oruponeso.”

⁴ Pazuva iroro muchati, “Ngatitendei Tenzi tidaidze zita rake tiparidze mabasa ake kumarudzi avanhu tichivazivisa kuti zita rake izita romukurumbira.

⁵ “Ngatirumbidzei Tenzi nokuti akaita zvinoshamisa, pasi pose ngapazvizive.

⁶ Pururudzai muchiimba norufaro imi vagari veZioni nokuti Anoera weIsiraeri ari pakati pedu mukuru.”