Genesis 10 - ბიბლია

¹ ეს არის ნოეს ძეთა – სემის, ქამისა და იაფეთის მოდგმა, რომლებმაც წარღვნის შემდეგ შვეს შვილები.

² იაფეთის ძენი: გომერი, მაგოგი, მადაი, იავანი, თუბალი, მეშექი და თირასი.

³ გომერის ძენი: აშქენაზი, რიფათი და თოგარმა.

⁴ იავანის ძენი: ელიშა, თარშიში, ქითიმი და დოდანიმი.

⁵ ამათგან განშტოვდნენ ზღვისპირა ხალხები თავ-თავის ქვეყნებში, თითოეული თავისი ენის მიხედვით, თავისი ტომის მიხედვით თავ-თავის ხალხში.

⁶ ქამის ძენი: ქუში, მიცრაიმი, ფუტი და ქანაანი.

⁷ ქუშის ძენი: სება, ხავილა, საბთა, რაყმა და საბთექა. რაყმას ძენი: შება და დედანი.

⁸ ქუშმა შვა ნიმროდი, რომელიც პირველი გოლიათი იყო ქვეყანაზე.

⁹ ძლიერი მონადირე იყო ნიმროდი უფლის წინაშე. ამიტომ არის ნათქვამი: „ნიმროდივით ძლიერი მონადირეაო უფლის წინაშე.“

¹⁰ მის სამეფოს დასაწყისში შეადგენდა: ბაბილონი, ერექი, აქადი და ქალნე – შინყარის მიწები.

¹¹ ამ ქვეყნიდან წავიდა ის აშურში, სადაც ააგო ნინევე, რეხობოთ-ირი, ქალახი,

¹² და რესენი ნინევესა და ქალახს შორის, დიდი ქალაქი.

¹³ მიცრაიმი იყო მამა ლუდელთა, ყანამელთა, ლეჰაბელთა, ნაფთუხელთა,

¹⁴ ფათრუსელთა, ქასლუხელთა (რომელთაგან ფილისტიმელნი წარმოიშვნენ) და ქაფთორელთა.

¹⁵ ქანაანს ეყოლა ციდონი, მისი პირმშო, და ხეთი

¹⁶ და იებუსელნი, ამორეველნი, გირგაშელნი,

¹⁷ ხიველნი, ყარკელნი, სინელნი,

¹⁸ არვადელნი, ცემარელნი და ხამათელნი. და მერე განითესნენ ქანაანელთა ტომები.

¹⁹ და იყო ქანაანელთა საზღვარი ციდონიდან გერარის მიმართულებით ღაზამდე, სოდომის, გომორას, ადმას და ცებოიმის მიმართულებით ლაშაყამდე.

²⁰ ესენი არიან ძენი ქამისა თავ-თავისი ტომებისა და ენების მიხედვით, თავ-თავის ქვეყანებში, თავ-თავის ხალხში.

²¹ და სემსაც, ყებერის ყველა ძის მამას, იაფეთის უფროს ძმას, შეეძინა ძენი.

²² სემის ძენი: ყელამი, აშური, არფაქშადი, ლუდი და არამი.

²³ არამის ძენი: ყუცი, ხული, გეთერი და მაში.

²⁴ არფაქშადს შეეძინა შელა, და შელას ყებერი.

²⁵ ყებერს ორი ძე შეეძინა: ერთის სახელი იყო ფელეგი, რადგან მის დროს დანაწილდა დედამიწა, მისი ძმის სახელი იყო იოკტანი.

²⁶ იოკტანს შეეძინა ალმოდადი, შელეფი, ხაცარმავეთი, იერახი,

²⁷ ადორამი, უზალი, დიკლა,

²⁸ ყობალი, აბიმაელი, შება,

²⁹ ოფირი, ხავილა და იობაბი. ყველა ესენი იოკტანის ძენი იყვნენ.

³⁰ და დაესახლნენ ისინი მეშაყიდან სეფარის მიმართულებით აღმოსავლეთის მთამდე.

³¹ ესენი იყვნენ ძენი სემისა თავ-თავის საგვარეულოთა მიხედვით, ენათა მიხედვით, თავ-თავის ქვეყანაში, თავ-თავის ხალხში.

³² ეს არის ნოეს ძეთა შთამომავლობა, თავ-თავისი მოდგმის მიხედვით, თავ-თავის ხალხში. მათგან განითესნენ ხალხები ქვეყანაზე წარღვნის შემდეგ.