Nomru 7 - Sranan Tongo Bible 2016

A ofrandi fu den fesiman fu den famiri

¹ A dei di Moses ben kba fu opo a santa tenti tnapu, a salfu en, dan a poti ala sani fu a santa tenti aparti gi Gado. A srefi sani a du nanga a altari nanga ala den wrokosani fu a altari.

² Di a ben kba du dati, den fesiman fu a folku, sobun den edeman fu den famiri, tyari ofrandi kon. Den edeman fu den famiri ben de den edeman tu fu den lo. Na den ben yepi fu teri a folku.

³ Leki ofrandi den tyari gi MASRA: siksi wagi di ben tapu na loktusei nanga twarfu kaw. Tu edeman ben e sorgu makandra gi wan wagi èn ibri edeman ben e sorgu gi wan kaw. Dan den tyari den go fesi a santa tenti.

⁴ Dan MASRA taigi Moses taki:

⁵ “Teki den sani na den anu. Den sa de gi a tenti pe yu kan miti nanga Gado. Langa den sani gi den Lefitipriester someni leki den abi fanowdu fu du a wroko fu den.”

⁶ So Moses teki den wagi nanga den kaw dan a gi den na den lefitiman.

⁷ A gi den bakapikin fu Gerson tu wagi nanga fo kaw, bika na dati den ben o abi fanowdu gi den wroko.

⁸ A gi fo wagi nanga aiti kaw na den bakapikin fu Merari, bika na dati den ben abi fanowdu gi den wroko. Itamar, a manpikin fu Aaron, ben de a edeman fu den bakapikin fu Merari.

⁹ Den bakapikin fu Kehat Moses no gi noti, bika a wroko fu den ben de fu sorgu gi den santa wrokosani. Den sani disi den ben mus syow na tapu den skowru.

¹⁰ Tapu a dei di Moses salfu a altari, den fesiman fu a folku tyari spesrutu kado kon tu di den poti na fesi a altari.

¹¹ Dan MASRA taigi Moses taki: “Ibri dei wan fesiman nomo mus tyari den kado fu en kon di a wani gi fu di a altari salfu.”

¹² Tapu a fosi dei Nakson, a manpikin fu Aminadab, fu a lo fu Yuda, tyari den kado fu en kon.

¹³ Den kado di a tyari ben de: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

¹⁴ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

¹⁵ Nakson tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

¹⁶ A tyari wan bokoboko tu leki ofrandi fu kisi pardon fu en sondu.

¹⁷ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Nakson, a manpikin fu Aminadab, tyari kon leki kado.

¹⁸ Tapu a di fu tu dei Netanel, a manpikin fu Suar, tyari den kado fu en kon. En ben de a edeman fu a lo fu Isakar.

¹⁹ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

²⁰ Moro fara a ben tyari wan gowtu skarki di ben e wegi sowan hondro gran. A skarki disi ben furu nanga wierook.

²¹ Netanel tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

²² A tyari wan bokoboko tu leki ofrandi fu kisi pardon fu en sondu.

²³ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Netanel, a manpikin fu Suar, tyari kon leki kado.

²⁴ Tapu a di fu dri dei Eliab, a manpikin fu Helon, kon. En ben de a edeman fu lo fu Sebulon.

²⁵ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

²⁶ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

²⁷ Eliab tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

²⁸ A tyari wan bokoboko tu leki ofrandi fu kisi pardon fu en sondu.

²⁹ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Eliab, a manpikin fu Helon, tyari kon leki kado.

³⁰ Tapu a di fu fo dei edeman fu a lo fu Ruben kon. Dati ben de Elisur, a manpikin fu Sedeur.

³¹ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

³² Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

³³ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

³⁴ A tyari wan bokoboko tu leki ofrandi fu kisi pardon fu en sondu.

³⁵ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Elisur, a manpikin fu Sedeur, tyari kon leki kado.

³⁶ Tapu a di fu feifi dei a edeman fu a lo fu Simeon kon. Dati ben de Selumiyel, a manpikin fu Surisadai.

³⁷ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

³⁸ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

³⁹ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁴⁰ A tyari wan bokoboko tu leki ofrandi fu kisi pardon fu en sondu.

⁴¹ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Selumiyel, a manpikin fu Surisadai, tyari kon leki kado.

⁴² Tapu a di fu siksi dei a edeman fu a lo fu Gad kon. Dati ben de Elyasaf, a manpikin fu Rehuel.

⁴³ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁴⁴ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁴⁵ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁴⁶ A tyari wan bokoboko tu leki ofrandi fu kisi pardon fu en sondu.

⁴⁷ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Elyasaf, a manpikin fu Rehuel, tyari kon leki kado.

⁴⁸ Tapu a di fu seibi dei a edeman fu a lo fu Efraim kon. Dati ben de Elisama, a manpikin fu Amihud.

⁴⁹ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁵⁰ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁵¹ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁵² A tyari wan bokoboko tu leki ofrandi fu kisi pardon fu en sondu.

⁵³ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Elisama, a manpikin fu Amihud, tyari kon leki kado.

⁵⁴ Tapu a di fu aiti dei a edeman fu a lo fu Manase kon. Dati ben de Gamliyel, a manpikin fu Pedasur.

⁵⁵ Leki kado a tyari: wan solfru skotriki di ben e wegi sowan wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁵⁶ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁵⁷ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁵⁸ A tyari wan bokoboko tu leki ofrandi fu kisi pardon fu en sondu.

⁵⁹ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Gamliyel, a manpikin fu Pedasur, tyari kon leki kado.

⁶⁰ Tapu a di fu neigi dei a edeman fu a lo fu Benyamin kon. Dati ben de Abidan, a manpikin fu Gidoni.

⁶¹ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁶² Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁶³ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁶⁴ A tyari wan bokoboko tu leki ofrandi fu kisi pardon fu en sondu.

⁶⁵ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Abidan, a manpikin fu Gidoni, tyari kon leki kado.

⁶⁶ Tapu a di fu tin dei a edeman fu a lo fu Dan kon. Dati na Akiyeser, a manpikin fu Amisadai.

⁶⁷ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁶⁸ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁶⁹ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁷⁰ A tyari wan bokoboko tu leki ofrandi fu kisi pardon fu en sondu.

⁷¹ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Akiyeser, a manpikin fu Amisadai, tyari kon leki kado.

⁷² Tapu a di fu erfu dei a edeman fu a lo fu Aser kon. Dati ben de Pagiyel, a manpikin fu Okran.

⁷³ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁷⁴ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁷⁵ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁷⁶ A tyari wan bokoboko tu leki ofrandi fu kisi pardon fu en sondu.

⁷⁷ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Pagiyel, a manpikin fu Okran, tyari kon leki kado.

⁷⁸ Tapu a di fu twarfu dei a edeman fu a lo fu Naftali kon. Dati ben de Akira, a manpikin fu Enan.

⁷⁹ Leki kado a tyari: wan solfru skotriki di ben e wegi wan kilo nanga afu. Wan beki fu fanga brudu di ben e wegi sowan aiti hondro gran. Den sani disi ben wegi leki fa den ben e wegi den sani di de fanowdu gi a santa presi. A skotriki nanga a beki ben furu nanga fini blon di ben moksi nanga oli leki wan graan-ofrandi.

⁸⁰ Moro fara a ben tyari wan gowtu skarki di ben wegi sowan hondro gran. A skarki disi ben furu nanga wierook.

⁸¹ A tyari wan yongu bulu, wan man skapu nanga wan skapu fu wan yari kon tu di ben mus bron leki wan ofrandi.

⁸² A tyari wan bokoboko tu leki ofrandi fu kisi pardon fu en sondu.

⁸³ Leki freide-ofrandi a tyari tu kaw, feifi man skapu, feifi bokoboko nanga feifi skapu fu wan yari. Disi ben de den sani di Akira, a manpikin fu Enan, tyari kon leki kado.

⁸⁴ Disi ben de den kado di den fesiman fu Israel ben tyari kon tapu a dei di Moses salfu a altari. Den tyari twarfu solfru skotriki kon, twarfu solfru beki fu fanga brudu, nanga twarfu gowtu skarki.

⁸⁵ Ibri skotriki ben e wegi wan kilo nanga afu. Ibri beki fu fanga brudu ben e wegi sowan aiti hondro gran. Ala den solfru sani ben e wegi sowan tutenti-na-seibi nanga afu kilo. A solfru ben wegi leki fa den ben e wegi den sani di de fanowdu gi a santa presi.

⁸⁶ Den ben tyari moro fara twarfu gowtu skarki di ben furu nanga wierook di e smeri switi. Ibri skarki ben e wegi sowan hondro gran èn den ben wegi leki fa den e wegi den sani di de fanowdu gi a santa presi. Ala a gowtu fu den skarki ben e wegi wan kilo nanga tu hondro gran.

⁸⁷ Den meti di den ben tyari kon ben de twarfu yongu bulu, twarfu man skapu nanga twarfu skapu fu wan yari. Makandra nanga den meti disi den ben tyari den graan-ofrandi tu nanga twarfu bokoboko leki ofrandi fu kisi pardon fu sondu.

⁸⁸ Ala den meti di den ben tyari kon leki freide-ofrandi ben de tutenti-na-fo yongu bulu, siksitenti man skapu, siksitenti bokoboko nanga siksitenti skapu fu wan yari. Disi ben de den kado di den ben tyari kon di a altari salfu.

⁸⁹ Te Moses ben e go ini a tenti pe yu kan miti nanga Gado fu taki nanga Gado, a ben yere wan sten di ben e taki nanga en. A sten ben e kmoto fu mindri den tu kerub di ben de tapu a tapun di ben e tapu a kisi fu a ferbontu. En Gado ben e taki nanga en.