Genesis 10 - Sranan Tongo Bible 2016

Den bakapikin fu Noa

¹ Sem, Ham nanga Yafet, den manpikin fu Noa, ben kisi pikin baka a bigi frudu. Disi na den bakapikin fu den.

² Yafet ben de p'pa fu Gomer, Magog, Madai, Yawan, Tubal, Mesek nanga Tiras.

³ Gomer ben de p'pa fu Askenas, Rifat nanga Togarma.

⁴ Yawan ben de a p'pa fu Elisa nanga Tarsis. Den sma fu Kitim nanga den di fu Dodan ben de bakapikin fu Yawan tu.

⁵ Den na den afo fu den folku di e libi na sekanti. Den folku ben prati ini difrenti kondre nanga ini difrenti famiri nanga den eigi tongo.

⁶ Ham ben de a p'pa fu Kus, Misraim, Put nanga Kanaan.

⁷ Kus ben de a p'pa fu Seba, Hawila, Sabta, Rama nanga Sabteka. Rama ben de a p'pa fu Seba nanga Dedan.

⁸ Kus ben de a p'pa tu fu Nimrod. Nimrod ben de a fosi bigi fetiman na grontapu.

⁹ MASRA srefi ben e si en leki wan bigi ontiman. Fu dat'ede sma e taki: “Yu na wan bigi ontiman leki fa MASRA srefi ben e si Nimrod.”

¹⁰ Den fosi foto pe a ben de na makti leki kownu ben de Babel, Erek, Akad nanga Kalne ini a kondre Sinear.

¹¹ Dan a hari kmoto fu drape go na Asur. Drape a bow Nineve, Rekobot-ir, Kalak

¹² nanga a bigi foto Resen di ben didon mindri Nineve nanga Kalak.

¹³ Den bakapikin fu Misraim ben de sma fu Lud, nanga den di fu Anam, Lehab, Naftuk,

¹⁴ Patros, Kasluk nanga Kreta. Na fu drape den Filistijnsma kmoto.

¹⁵ Kanaan ben de a p'pa fu Sidon nanga Het. Sidon ben de en fosi manpikin.

¹⁶ Ma ala den Yebusitisma, den Amoritisma, den Girgasitisma,

¹⁷ den Hiwitisma, den Arkitisma, den Sinitisma,

¹⁸ den Arwaditisma, den Semaritisma nanga den Hamatitisma ben de bakapikin fu Kanaan tu. Bakaten den difrenti Kananitisma disi ben panya go moro fara.

¹⁹ A kondre fu den Kananitisma ben e waka fu Sidon te go miti Gerar nanga Gasa. Moro fara a ben e waka go na Sodom, Gomora, Adma nanga Seboim te kon miti Lasa.

²⁰ Disi ben de den manpikin fu Ham. Den ben e libi leki folku na ini difrenti kondre nanga ini difrenti famiri nanga den eigi tongo.

²¹ Sem, a bigi brada fu Yafet, ben abi manpikin tu. Ala den pikin fu Eber ben de bakapikin fu en.

²² Den manpikin fu Sem ben de Elam, Asur, Arpaksad, Lud nanga Aram.

²³ Den manpikin fu Aram ben de Us, Gul, Geter nanga Mas.

²⁴ Arpaksad ben de p'pa fu Sela. Sela ben de p'pa fu Eber.

²⁵ Eber ben abi tu manpikin. A wan ben nen Peleg. Bika na ini a ten dati den sma ben e prati densrefi abra grontapu. A trawan ben nen Yoktan.

²⁶ Yoktan ben de p'pa fu Almodad, Selef, Hasarmawet, Yerak,

²⁷ Hadoram, Usal, Dikla

²⁸ Obal, Abimael, Seba,

²⁹ Ofir, Hawila nanga Yobab. Den alamala ben de bakapikin fu Yoktan.

³⁰ Den ben e tan ini a kontren di ben e waka fu Mesa go te na a bergi Sefar, di de na a oostsei.

³¹ Disi na den bakapikin fu Sem. Den ben e libi leki folku na ini difrenti kondre nanga ini difrenti famiri nanga den eigi tongo.

³² Disi ben de den folku di ben abi den rutu na ini den famiri fu den manpikin fu Noa. Na den ben prati densrefi abra heri grontapu baka a bigi frudu.