لاوئلی‌لر 5 - کتاب مقدس به زبان آذربایجانی جنوبی - نسخه ادبی

¹ اگر بئر نفر گؤردویو و یا اشئتدئیی بئر شی حاقّیندا جاماعات قاباغیندا شهادت ورمه‌سه، تقصئری اؤز بوینونادیر.

² بئلمه‌دن هر هانسی بئر نجئس شیه توخونان، ائستر نجئس وحشی حیوانین لِشی اولسون، ائستر نجئس مال-حیوانین لِشی، یا دا قایناشان نجئس حیوانین لِشی، او آدام نجئس و تقصئرکار ساییلیر.

³ اگر بئلمه‌دن ائنسان مدفوعونا توخونسا، اونو نجئسله‌ین شیه توخونان آدام اونو بئلَنده تقصئرکار ساییلیر.

⁴ هر کس کی، پئسلئک و یا یاخشیلیق اتمک اوچون، دوشونمه‌دن و بئلمه‌دن احتئاطسیز بئر آند ائچئر، بونو بئلَنده تقصئرکار ساییلیر.

⁵ بو آدام بونلاردان بئرئنه گؤره تقصئرئنی بئلَنده، گرک گوناهینی اعتئراف اتسئن.

⁶ و او گوناها گؤره ربّئن حوضوروندا تقصئرئنی یوماق اوچون سورودن دئشی قوزو یا دا دئشی کچی گؤتوروب، گوناه قوربانی اولاراق گتئرسئن. بونونلا کاهئن او آدام اوچون گوناهینی کفّاره اتسئن.

⁷ لاکئن اگر او آدامین قوزو قوربانی کَسمه‌یه گوجو چاتمیر، گوناهینا گؤره تقصئرئنی یوماق اوچون ربّه ائکی قومرو قوشو یا دا ائکی گؤیرچئن گتئرسئن؛ بئرئنی گوناه قوربانی، و او بئرئنی یاندیرما قوربانی.

⁸ اونلاری کاهئنه گتئرسئن. کاهئن اوّل گوناه قوربانی اولان قوشو تقدئم اتسئن: باشینی بدندن آییرمادان بوینونو اوزسون

⁹ و گوناه قوربانینین قانیندان قوربانگاهین بئر طرفئنه سَپسئن، قانین قالانینی قوربانگاهین آلتلیغینا تؤکسون. بو، گوناه قوربانی‌دیر.

¹⁰ ائکئنجی قوش دا قایدا-قانونا موناسئب اولاراق یاندیرما قوربانی کئمی تقدئم اولونسون. بونونلا کاهئن او آدام اوچون ائشلَتدئیی گوناهی کفّاره اتسئن کی، او باغیشلانسین.

¹¹ آمّا اگر او آدامین حتّا ائکی قومرو قوشونا و یا ائکی گؤیرچئنه گوجو چاتمیر، قوی ائشلَتدئیی گوناه اوچون نارین اوندان اِفانین اوندا بئرئنی گوناه قوربانی اولاراق تقدئم اتسئن. لاکئن اونون اوستونه نه یاغ قویسون، نه ده کوندور. چونکی بو گوناه قوربانی‌دیر.

¹² اونو کاهئنئن یانینا گتئرسئن. کاهئن اوندان خاطئره تقدئمی اولاراق بئر اوووج گؤتورسون و اونو ربّه تقدئم اتسئن و قوربانگاهدا توستوله‌دئب یاندیرسین. بو، گوناه قوربانی‌دیر.

¹³ بونونلا کاهئن او آدام اوچون ائشلَتدئیی هر هانسی بئر گوناهی کفّاره اتسئن کی، او آدام باغیشلانسین. قالان حئصّه تاخیل تقدئمی کئمی کاهئنه عاییددیر.“»

تقصئر قوربانی

¹⁴ رب موسایا ددی:

¹⁵ «خَیانت ادن و ربّئن موقدّس شیلرئنه سَهوَن گوناه ادن هر کس، تقصئر قوربانی اولاراق سورودن عیبسئز بئر قوچ گتئرسئن. بو تقصئر قوربانی موقدّس مکانین شِکِلئنه موناسئب، گوموش شِکِلله گرک قئیمت قویولسون.

¹⁶ موقدّس شیه ووردوغو زئیانی دا قوی او آدام ورسئن و اوستونه بِشده بئرئنی علاوه ادئب کاهئنه ورسئن؛ کاهئن اونون اوچون تقصئر قوربانی اولان قوچلا کفّاره اتسئن کی، او باغیشلانسین.

¹⁷ اگر بئر نفر ربّئن قدغن اتدئیی بوتون امرلرئنئن ضئدّئنه بئر ائش گؤروب گوناه ائشلَتسه و بونو بئلمه‌دن اتسه، گئنه ده تقصئرکار ساییلیب جزاسینی چکمه‌لی‌دئر.

¹⁸ او، کاهئنئن یانینا تقصئر قوربانی اولاراق سورودن عیبسئز و سنئن قئیمت قویدوغونا موطابئق بئر قوچ گتئرسئن. بونونلا کاهئن اونون بئلمه‌دن اتدئیی سهو گوناهی کفّاره اتسئن کی، او باغیشلانسین.

¹⁹ بو تقصئر قوربانی‌دیر. بو آدام قطعن ربّئن حوضوروندا تقصئرکاردیر.»