لاوئلیلر 3 - کتاب مقدس به زبان آذربایجانی جنوبی - نسخه ادبیباریش قوربانی 1 اگر کئمسه باریش قوربانی گتئرسه و قوربانلیق مال-حیوانداندیر، گرک ربّئن حوضورونا عیبسئز اِرکَک یا دا دئشی حیوان تقدئم اتسئن. 2 قوی آدام الئنی قوربانلیغین باشینا قویوب، حوضور چادیرینین گئرئشئنده کَسسئن و هارون نسلئندن گلن کاهئنلر، قانی قوربانگاهین هر طرفئنه سَپسئنلر. 3 قوی او آدام باریش قوربانیندان بونلاری اودلا ربّه اولونان تقدئم کئمی گتئرسئن: ائچآلاتی اؤرتَن پئیی و اوستوندهکی بوتون پئیی، 4 بلئندهکی هر ائکی بؤیرهیئنی اوستوندهکی پئیی ائله، و قارا جئیهرئن قویروغا بَنزهر حئصّهسئنی. بونلاری بؤیرهکلری ائله بئرلئکده چیخارتسین. 5 بونلاری هارون اؤولادلاری قوربانگاهدا، اودونلارلا قالانان اود اوستوندهکی یاندیرما قوربانی ائله توستولهدئب یاندیرسینلار؛ بو ربّه خوش عطئر اوچون، اودلا تقدئم اولونان قورباندیر. 6 لاکئن اگر ربّه تقدئم اولونان باریش قوربانی قویون-کچئدندئر، قوی او عیبسئز اِرکَک و یا دئشی حیوان گتئرسئن. 7 اگر گتئردئیی قوربان بئر قوزودور، اوندا اونو ربّئن حوضوروندا تقدئم اتسئن، 8 الئنی قوربانین باشینا قویوب، اونو حوضور چادیرینین قاباغیندا کَسسئن و هارون اؤولادلاری قانی قوربانگاهین هر طرفئنه سَپسئنلر. 9 او آدام باریش قوربانیندان بونلاری اودلا ربّه اولونان تقدئم کئمی گتئرسئن: پئیئنی، بِل سومویونه یاخین کَسدئیی بوتون قویروغونو، ائچآلاتی اؤرتَن پئیی و اوستوندهکی بوتون پئیی، 10 بلئندهکی هر ائکی بؤیرهیئنی اوستوندهکی پئیی ائله، و قارا جئیهرئن قویروغا بَنزهر حئصّهسئنی. بونلاری بؤیرهکلری ائله بئرلئکده چیخارتسین. 11 او واخت کاهئن بونلاری خورَک کئمی قوربانگاهدا توستولهدئب یاندیرسین؛ بو رب اوچون اودلا تقدئم اولونان قورباندیر. 12 و اگر آدامین قوربانلیغی بئر کچیدئر، قوی اونو ربّئن حوضوروندا تقدئم اتسئن، 13 الئنی حیوانین باشینا قویوب، اونو حوضور چادیرینین قاباغیندا کَسسئن. هارون اؤولادلاری قانینی قوربانگاهین هر طرفئنه سَپسئنلر. 14 او آدام اوندان بونلاری اودلا ربّه تقدئم اتدئیی قوربان کئمی گتئرسئن: ائچآلاتی اؤرتَن پئیی و اوستوندهکی بوتون پئیی، 15 بلئندهکی هر ائکی بؤیرهیئنی اوستوندهکی پئیی ائله، و قارا جئیهرئن قویروغا بَنزهر حئصّهسئنی. بونلاری بؤیرهکلری ائله بئرلئکده چیخارتسین. 16 کاهئن بونلاری قوربانگاهدا خورَک کئمی توستولهدئب یاندیرسین؛ بو ربّه خوش عطئر اوچون، اودلا تقدئم اولونان قورباندیر. بوتون پئی ربّه عاییددیر. 17 بو، بوتون یاشادیغینیز یرلرده نسئلدن-نسئله سئزئن اوچون ابدی قایدادیر: نه پئی ییئن، نه ده قان.“» |
@ 2022 Korpu Company