لاوئلیلر 20 - کتاب مقدس به زبان آذربایجانی جنوبی - نسخه ادبیائطاعتسئزلئیه گؤره جزا 1 رب موسایا دانیشیب ددی: 2 «ائسرایئل اؤولادلارینا بونو دا دِه: ”ائسرایئللیلردن و ائسرایئلده یاشایان یاد اِللیلردن هر کئم اؤولادلاریندان بئرئنی مولِک بوتونه تقدئم اتسه، گرک اؤلدورولسون. اؤلکه خالقی اونو داشلاسین. 3 اؤز اؤولادینی مولِکه تقدئم اتدئیی اوچون من ده او آدامدان اوز دؤندَرئب، خالقی آراسیندان اونو قوواجاغام. چونکی او منئم موقدّس مکانیمی نجئسلهیئب، موقدّس آدیمی لَکَلهیئبدئر. 4 اگر اؤلکه خالقی گؤرسه کی، او آدام اؤولادینی مولِکه تقدئم ادئر و گؤز یوموب او آدامی اؤلدورمَسه، 5 من اؤزوم همئن آدامدان و عایئلهسئندن اوز دؤندَرئب، اونو و اونونلا بئرلئکده مولِکله منه خَیانت ادن هر کسی خالقین آراسیندان قوواجاغام. 6 منه خَیانت ادئب جئنچئلره و روح چاغیرانلارا طرف دؤنَن هر کسدن ده اوز دؤندَرئب، اونو خالقینین آراسیندان قوواجاغام. 7 بونا گؤره ده اؤزونوزو تقدئس ادئن و موقدّس اولون، چونکی تارینیز رب منم. 8 قایدالاریمی ساخلاییب اونلارا عمل ادئن؛ سئزی تقدئس ادن رب منم. 9 آتا-آناسینا لعنت ادن هر کس گرک اؤلدورولسون. او آدامین قانی اؤز آتا-آناسینا لعنت اتدئیی اوچون اؤز بوینونادیر. 10 اگر بئر کئشی آیری بئر کئشئنئن آروادی ائله زئنا اتسه، دوستونون آروادی ائله زئنا ادن کئشی، زئناکار آروادلا بئرلئکده گرک اؤلدورولسون. 11 آتاسینین آروادی ائله یاخینلیق ادن کئشی آتاسینین ناموسونا توخونوب. اونلارین هر ائکئسی گرک اؤلدورولسون. بونلارین قانلاری اؤز بویونلارینادیر. 12 گلئنی ائله یاخینلیق ادن کئشی، گلئنی ائله بئرلئکده، هر ائکئسی گرک اؤلدورولسون. اونلار اؤزلرئنه محرم اولان بئری ائله زئنا ادئبلر و قانلاری اؤز بویونلارینادیر. 13 اگر بئر کئشی، آروادلا یاخینلیق ادن کئمی، آیری بئر کئشی ائله یاخینلیق اتسه، اونلارین ائکئسی ده ائیرنج ائش ادئبلر و گرک اؤلدورولسونلر؛ اونلارین قانلاری اؤز بویونلارینادیر. 14 هر کس بئر قیزی، آناسی ائله بئرلئکده اؤزونه آرواد آلسا، عئفتسئزلئک ادئر؛ آرانیزدا بله عئفتسئزلئک اولماماق اوچون، هم کئشی هم ده آروادلار گرک یاندیریلسینلار. 15 حیوانلا جئنسی رابئطهیه گئرن کئشی گرک اؤلدورولسون؛ حیوانی دا گرک اؤلدورهسئنئز. 16 هر هانسی بئر حیوانلا جئنسی رابئطهیه گئرن آرواد، حیوانلا بئرلئکده گرک اؤلدورولسون. اونلارین قانلاری اؤز بویونلارینادیر. 17 اگر بئر آدام آنا و یا آتا طرفئندن اولان باجیسینی آلیب اونونلا جئنسی رابئطهیه گئرسه، رَذئللئک ادئر؛ اونلار خالقینین گؤزلری قاباغیندا قووولسونلار. بله آدام باجیسینین ناموسونا توخونوب؛ تقصئری اؤز بوینوندادیر. 18 آیباشی اولان آروادلا یاخینلیق ادن کئشی، آروادین ناموسونا توخونوب، اونون قانآخماسینی آشکار ادئبدئر. آرواد دا قان آخماسینی آشکار ادئب. بونا گؤره اونلارین هر ائکئسی ده خالقلاری آراسیندان قووولسونلار. 19 خالانلا و یا بئبئنله یاخینلیق اتمه، چونکی بله بئر آدام یاخین قوحوملاری ائله یاخینلیق ادئب؛ اونلارین تقصئری اؤز بویونلاریندادیر. 20 عَمئسی آروادی ائله یاخینلیق ادن کئشی، اؤز عَمئسئنئن ناموسونا توخونوب؛ ائکئسئنئن ده گوناهی اؤز بویونلارینادیر. اونلار اؤولادسیز اؤلهجکلر. 21 قارداشی آروادینی آلان کئشی نجئس ائش گؤرور؛ او، قارداشینین ناموسونا توخونور. اونلار اؤولادسیز قالاجاقلار. 22 سئز منئم قایدالاریمی و حؤکملرئمی ساخلایین و اونلارا عمل ادئن کی، یاشاماق اوچون آپاراجاغیم تورپاق سئزی قوصوب آتماسین. 23 بوندان علاوه، قاباغینیزدان قوواجاغیم مئلّتلرئن رسم-روسوملارینی اؤزونوز اوچون دَب اتمهیئن؛ اونلار بوتون بو شیلری اتدئکلرئنه گؤره، منئم گؤزومده ائیرنجدئرلر. 24 من سئزه ددئم کی، اونلارین تورپاغینا سئز صاحئب اولاجاقسینیز و من اؤزوم، سود و بال آخان تورپاغی سئزه ورئرم کی، اونا مالئک اولاسینیز. سئزی او بئری خالقلاردان آییران تارینیز رب منم. 25 بلهجه، سئز تمئز و نجئس حیوان و قوشو بئربئرئندن آییرد ادئن. سئزئن اوچون آییرد اتدئیئم نجئس ساییلان حیوانلار، و یا قوشلار، یا دا یرده سورونن مخلوقلارلا اؤزونوزو ائیرنج اتمهیئن. 26 سئز منئم اوچون موقدّس اولمالیسینیز، چونکی من رب موقدّسم. من سئزی او بئری خالقلاردان آییردیم کی، سئز منئم اولاسینیز. 27 جئنچی و یا روح چاغیران بئر کئشی و یا آرواد گرک اؤلدورولسون. اونلار داشلانسینلار. بونلارین قانلاری اؤز بویونلارینادیر.“» |
@ 2022 Korpu Company