اِرِمیا 11 - کتاب مقدس به زبان آذربایجانی جنوبی - نسخه ادبیتارینین عهدئنه خیانت 1 ربدن اِرِمیایا بو سؤز نازئل اولدو: 2 «بو عهدئن سؤزلرئنه قولاق آس، یهودا آداملارینا و اورشلئمده یاشایانلارا دیئب 3 بئلدئر کی، ائسرایئلئن تاریسی رب بله دیئر: ”لعنت اولسون او آداما کی، بو عهدئن سؤزلرئنه قولاق آسمیر. 4 بو عهد بارهسئنده من آتالارینیزی مئصئر تورپاغیندان، دمئر اَرئدن کورهنئن ائچئندن چیخارتدیغیم واخت امر ادئب ددئم: منئم سؤزومه قولاق آسین، سئزه امر اتدئیئم هر شیی ادئن. او واخت سئز منئم خالقیم، من ده سئزئن تارینیز اولارام. 5 بله ادهسئنئز، من ده آتالارینیزا آند ائچئب وعده وردئیئم شیه عمل ادهرم، بو گون سئزئن اولان تورپاغی-سود و بال آخان تورپاغی سئزه ورهرم.“» او واخت جاواب ورئب ددئم: «آمئن، یارب.» 6 رب منه ددی: «بو سؤزلرئن هامیسینی یهودا شهرلرئنده و اورشلئم کوچهلرئنده جار چکئب دِه: ”بو عهدئن سؤزلرئنه قولاق آسین، اونلارا عمل ادئن. 7 بلی، من آتالارینیزا اونلاری مئصئر تورپاغیندان چیخارتدیغیم گوندن ائندئیه قدر جئدّی ائخطار وردئم. اونلارا دفهلرله ائخطار ورئب ددئم: منئم سؤزومه قولاق آسین. 8 آمّا گئنه ده اونلار قولاق آسمادیلار، دئقّت اتمهدئلر. هر کس پئس اورهیئنئن عئنادکارلیغینا موطابئق یاشادی. بونا گؤره ده، من بو عهدده دیئلَن بوتون جزالاری اونلارین باشینا گتئردئم. من اونلارا بو عهده عمل اتمهیی امر اتمئشدئم، آمّا اونلار عمل اتمهدئلر.“» 9 سونرا رب منه ددی: «یهودا آداملاری و اورشلئمده یاشایانلار آراسیندا بئر قصد اوزه چیخیب. 10 اونلار سؤزلرئمه قولاق آسماق ائستمهین اَجدادلارینین گوناهلارینا قاییدیبلار، باشقا آللاهلارین طرفداری اولوب اونلارا قوللوق ادئرلر. ائسرایئل و یهودا نسلی اونلارین آتالاری ائله باغلادیغیم عهدئمی پوزوبلار. 11 بونا گؤره ده رب بله دیئر: ”باخ، من اونلارین اوستونه بلا گتئرهجیم و اوندان قاچا بئلمیهجکلر؛ اونلار منه اوز توتوب فریاد ادهجکلر، لاکئن من اونلاری اشئتمیهجیم. 12 او زامان یهودا شهرلرئنئن اهالئسی و اورشلئمده یاشایانلار گدئب بوخور یاندیردیقلاری آللاهلارا اوز توتوب فریاد ادهجکلر، آمّا بو آللاهلار بلانین گلدئیی واخت اونلاری اصلا نئجات ورمهیهجکلر. 13 چونکی ای یهودا، شهرلرئنئن سایی قدر سنئن آللاهلارین وار؛ سئز اورشلئم کوچهلرئنئن سایی قدر اوتاندیریجی شیلره قوربانگاهلار، بَعَل بوتلرئنه بوخور یاندیرماق اوچون قوربانگاهلار دوزَلدئبسئنئز.“ 14 بونا گؤره ده، سن بو خالق اوچون دوعا اتمه، اونلار اوچون یالواریب خاهئش ده اتمه. چونکی فلاکتلرئندن اؤتری منه طرف فریاد ادنده قولاق آسمایاجاغام. 15 سِوئملی خالقیمین، بو قدر پئس عمللر اتدئیئندن سونرا، منئم اِوئمده نه حاقّی وار؟ تقدئس اولونموش اَتئن چوخلوغو ائله مگر اوستونوزدن بلا چکئلر، اِله کی، سن سِوئنهسن؟ 16 رب سنئن آدینی ”یاخشی میوهسی اولان، گؤزل گؤرونوشلو یاشیل زیتون آغاجی“ قویدو. ائندی آمّا بؤیوک طوفانین گورولتوسو ائله آغاجی اودلاییب، اونون بوداقلاری قیریلیب. 17 سنی اَکَن قوشونلار ربّی قرار ورئب کی، باشینا فلاکت گتئرسئن. چونکی ائسرایئل و یهودا نسلی پئسلئک ادئبلر و بَعَل بوتلرئنه بوخور یاندیرماقلا منی قضبلَندئرئبلر.» اِرِمیانین جانینا سوئیقصد 18 او واخت رب اونلارین اتدئکلرئنی منه بئلدئردی. او بونو منه آشکار اتدی، من ده خبردار اولدوم. 19 آمّا من کَسئلمیه آپاریلان موطئع قوزو کئمی ائدئم؛ بئلمئردئم کی، اونلار منئم جانیم اوچون قصد حاضیرلاییب دیئرلر: «گلئن، آغاجی و میوهسئنی محو اِدَک، اونو دئرئلر دئیاریندان یوخ اِدَک کی، آدی بئر داها خاطیرلانماسین.» 20 آنجاق، ای قوشونلار ربّی، اورَکلری و فئکئرلری ائمتاحانا چکن، عدالتلی حاکئم، منه ائمکان ور کی، اونلاردان آلاجاغین قئصاصینی گؤروم! چونکی من اؤز ائشئمی سنه تاپشیرمیشام. 21 بونا گؤره ده رب سنی اؤلدورمک ائستهین و «ربّئن آدی ائله نبئلئک اتمه، یوخسا بئزئم اَلئمئزده اؤلرسن» دئین عَناتوت خالقی بارهده بله دیئر: 22 «بلی، قوشونلار ربّی دیئر: ”باخ، من اونلاری عنقرئب جزالاندیراجاغام! جاوانلاری قیلینجلا هلاک اولاجاقلار، اوغوللاری و قیزلاری آجلیقدان اؤلهجکلر. 23 صاغ قالان اولمایاجاق، چونکی من عَناتوت خالقینین باشینا فلاکت گتئرهجیم، بو اونلارین جزا ائلی اولاجاق.“» |
@ 2022 Korpu Company