حوارئلر 28 - کتاب مقدس به زبان آذربایجانی جنوبی - نسخه ادبیمالتادا 1 اونلار سالامات چیخاندان سونرا، اؤیرندئک کی، جزئرهنئن آدی مالتادیر. 2 یرلی اهالی بئزه بؤیوک بئر ائلطئفات گؤرستدئلر؛ یاغیش و سویوق اولدوغوندان اود قالاییب بئزئم هامیمیزی قبول اتدئلر. 3 پولوس بئر چوخ چیرپی ییغیب اودون اوستونه قویاندا، ائستئدن بئر افعی ائلان چیخدی و اونون اَلئنه یاپیشدی. 4 یرلی اهالی ائلانی اونون اَلئندن آسیلمیش گؤرَنده، بئربئرلرئنه ددئلر: «هرحالدا بو آدام قاتئلدئر؛ دهنزدن خئلاص اولدوقدا دا عدالت اونا یاشاماق مجالی ورمئر.» 5 آمّا پولوس ائلانی سئلکلهیئب، اودا آتدی و هچ بئر زئیان گؤرمهدی. 6 اونلار گؤزلهیئردئلر کی، پولوسون بدنی شئشسئن و یا قفلتن اؤلوب یره ییخیلسین. لاکئن بئر چوخ زامان گؤزلهدئکدن سونرا اونا هچ بئر شی اولمادیغینی گؤرَنده، فئکئرلرئنی دیئشدئرئب ددئلر کی، او بئر آللاهدیر. 7 او یرئن یاخینلیغیندا املاک وار ائدی کی، پوبلئیوس آدلانان جزئرهنئن بؤیوکونه عایید ائدی. او بئزی قوناق قبول ادئب اوچ گون بئزه نزاکتله یاخشی یتئشدی. 8 پوبلئیوسون آتاسی قیزدیرمادان و قانلی ائسهالدان ناخوش یاتیردی. پولوس اونون یانینا گتدی و دوعا ادئب اَللرئنی اونون اوستونه قویدو و اونا شفا وردی. 9 بو، باش ورندن سونرا جزئرهدن اولان آیری ناخوشلار دا گلئب صاغالدیلار. 10 بئزه چوخ حؤرمتلرله احتئرام گؤرستدئلر و دهنزه چیخدیغیمیز واخت، احتئیاجیمیز اولان لوازئماتی تداروک گؤردولر. پولوس روما چاتیر 11 اوچ آیین آخیریندا قاباق سمتئنده «جوزا» علامتی اولان اولان ائسکندرئیهلی بئر گمی ائله کی، قیشی جزئرهده کچئرتمئشدی، دهنزه چیخدیق. 12 سئراکئیوسدا اِنئب، اورادا اوچ گون قالدیق. 13 اورادان دهنزه چیخیب رِگئیوما گلدئک. بئر گون سونرا جنوب یلی اسدی و ائکئنجی گونو پوتولئیا یتئشدئک. 14 اورادا بعضی قارداشلارا راست گلدئک و بئزدن دعوت اتدئلر کی، یدّی گون اونلارلا قالاق. و بلهجه روما گلدئک. 15 اوراداکی قارداشلار بئزئم بارهمئزده اشئتدئکده، آپئیوس بازاری و «اوچ مهمانخانا» دیئلن یِره قدر پئشوازیمیزا گلدئلر. پولوس اونلاری گؤرنده تارییا شوکور ادئب اورَکلَندی. 16 روما گئردئیئمئز واخت، پولوسا ائجازه ورئلدی کی، اونون کشئیئنی چکن عسگرله تک باشینا قالسین. 17 اوچ گون سونرا پولوس یهودئلرئن آدلی-سانلی آداملارینی بئر یره چاغیردی و ییغیلدیقلاری زامان، اونلارا ددی: «قارداشلار، من خالقیمیزا و یا آتالاریمیزین عادتلری ضئدّئنه بئر شی اتمهدئیئم حالدا، اورشلئمدن محبوس روملولار اَلئنه ورئلدئم. 18 اونلار دا منی ائستئنطاق ادئب آزاد اتمک ائستهدئلر، چونکی منده اؤلومه لایئق بئر تقصئر یوخ ائدی. 19 لاکئن یهودئلر بونا موخالئف چیخاندا مجبور قالدیم کی، قیصرئن محکمهسئنی طلب ادئم. نه کی، گویا خالقیمیزدان بئر شئکایتئم وار. 20 اِله بو سببدن ده سئزی دعوت اتدئم کی، سئزئنله گؤروشوب صؤحبت اِدئم. چونکی من ائسرایئلئن اومئدی اوچون بو زنجئرلرله باغلانمیشام.» 21 اونلار اونا ددئلر: «بئز سنئن حاقّیندا یهودئیهدن نه مکتوبلار آلمیشیق، نه ده قارداشلاردان بئری بورایا خبر گتئرئب و سنئن حاقّیندا پئس بئر شی دیئب. 22 لاکئن ائستهیئرئک کی، سنئن فئکئرلرئنی اؤزوندن اشئدک. چونکی بئزه بئلدئرئلئب کی، بو فئرقهیه ضئدّ هر یرده سؤز گدئر.» 23 پولوس اوچون بئر گون تعیئن اتدئلر و بئر چوخ آدام اونون یاشادیغی اِوده اونون یانینا گلدی. او دا تارینین پادشاهلیغینی جئدّی شکئلده اونلارا بیان ادئب، سحردن آخشاما قدر آچیقلادی و چالیشیردی کی، موسانین شرئعتئندن و پیغمبرلردن اونلاری عئسا حاقّیندا قانع اتسئن. 24 بعضئلری دیئلن سؤزلرله قانع اولدولار، لاکئن قالانلاری ائنانمادیلار. 25 اونلار بئربئرلری ائله راضیلاشمادیقدا، پولوسون بو سؤزوندن سونرا چیخیب گتدئلر. «موقدّس روح اِشَعیا پیغمبرئن واسئطهسیائله بئزئم آتالاریمیزا نه گؤزل بو سؤزو ددی: 26 ”بو خالقین یانینا گت و ده: دائم اشئدهجکسئنئز، لاکئن آنلامایاجاقسینیز. دائم باخاجاقسینیز، لاکئن گؤرمهیهجکسئنئز. 27 چونکی بو خالقین اورهیی برکلهیئب، قولاقلاری ائله ده چوخ آغیر اِشئدئرلر. گؤزلرئنی باغلاییبلار، مبادا کی، گؤزلری ائله گؤرسونلر، قولاقلاری ائله اشئتسئنلر، اورَکلری ائله ده آنلاسینلار و دؤنسونلر و من اونلارا شفا ورئم.“ 28 ائندی بئلئن کی، تارینین بو نئجاتی قیرییهودئلره گؤندَرئلئب و اونلار قولاق آساجاقلار.» 29 پولوس بو سؤزلری دئیندن سونرا، یهودئلر آرالاریندا چوخ دیئشهرک آیریلدیلار. 30 پولوس ائجاره اتدئیی اِوده ائکی ائل تامام قالدی و یانینا گلن هر کسی قبول ادئردی 31 و تارینین پادشاهلیغینی وعظ ادئب، رب عئسا مسئح حاقّیندا بوتون جسارتله مانعسئز تعلئم ورئردی. |
@ 2022 Korpu Company