۲تئموتاعوسا 4 - کتاب مقدس به زبان آذربایجانی جنوبی - نسخه ادبی

¹ تاری و مسئح عئسانین حوضوروندا کی، اؤلولر و دئرئلری موحاکئمه اده‌جک، سنی اونون ظوهور و پادشاهلیغینا آند ورئرم:

² کلامی وعظ ات، واخت-بِواخت حاضیر اول، بؤیوک صبر و نصئحتله ائصلاح ات، توبئخ ات، تشوئق ات.

³ چونکی اِله بئر زامان گله‌جک کی، اونلار آرتیق صحئح تعلئمه دؤزمه‌یه‌جکلر؛ لاکئن قولاقلاری قاشیناراق، اؤز هوسلرئنه موطابئق موعلّئملر ییغاجاقلار

⁴ و قولاقلارینی حقئقتدن دؤندَ‌رئب، افسانه‌لره اوز گتئره‌جکلر.

⁵ لاکئن سن هر شیده آییق اول، چتئنلئیه دؤز، بئر موبشّئرئن ائشئنی گؤر، خئدمتئنی یرئنه یتئر.

⁶ چونکی من آرتیق ائچمه قوربانی کئمی تؤکولموشم و منئم رحلت زامانیم یتئشئب.

⁷ یاخشی ساواشی ساواشمیشام، دؤورو آخیرینا یتئرمئشم، ائمانی حئفظ اتمئشم.

⁸ گله‌جکده منئم اوچون صالحلئک تاجی حاضیرلانیب کی، رب، او صالح داور او گونده اونو منه جایئزه وره‌جک؛ آنجاق تک منه یوخ، اونون ظوهورونو سِوَن هامییا.

⁹ چالیش کی، منئم یانیما تز گله‌سن.

¹⁰ چونکی دئماس بو حاضیر دونیانین سوگئسی اوچون منی ترک ادئب و تسالونئکه گدئب؛ کرئسکئس قالاتئیایا، تئطوس دا دالماتئیایا گدئب.

¹¹ آنجاق لوقا یانیمدادیر. مرقوسو گؤتور و اؤزونله گتئر، چونکی منه خئدمت اوچون فایدالی‌دیر.

¹² تئخئکوسو اِفِسوسا گؤندَ‌رمئشم.

¹³ گلنده تروآسدا کرپوسون یانیندا قویدوغوم ردانی، کئتابلاری، خوصوصَن ده طومارلاری گتئر.

¹⁴ مئسگر ائسکندر منه چوخ یامانلیق اتدی؛ رب اونا عمل‌لرئنه گؤره عوض وره‌جکدئر.

¹⁵ شخصن اوندان موواظئب اول، چونکی بئزئم تعلئمه شئدّتله ضئدّ دوردو.

¹⁶ بئرئنجی دئفاعیمدا هچ کس منه آرخا اولمادی؛ هامی منی ترک اتدی. اولسون کی، بو اونلارین ضئدّئنه ساییلماسین.

¹⁷ لاکئن رب منئمله دوروب، منه قووّت وردی، اِله کی، منئم واسئطمله ائنجئلئن اعلانی کامئل بئر شکئلده یرئنه یتئشسئن و بوتون قیری‌‌یهودئلر اونو اشئتسئنلر. و من آصلانین آغزیندان قورتولدوم.

¹⁸ رب منی هر پئس عملدن قورتاریب، امئن-آمانلیقدا اؤز گؤیده‌کی پادشاهلیغینا گتئره‌جک. اونا ازلدن ابده‌جک شؤوکت اولسون. آمئن.

¹⁹ پرئسکا و اکئلایا، و اونسئفوروسون اِو اهلئنه سالام یتئر.

²⁰ اِراستوس قورئنتده قالدی، لاکئن تروفئموسو مئلئتوسدا ناخوش بوراخدیم.

²¹ چالیش کی، قیشدان قاباق گله‌سن. یوبولوس سنه سالام گؤندَ‌رئر، هم ده پودِنس، لئنوس، کلودئیا و بوتون قارداشلار.

²² رب سنئن روحونلا اولسون. فیض سئزئنله اولسون.