۱قورئنتلیلره 16 - کتاب مقدس به زبان آذربایجانی جنوبی - نسخه ادبیسالاملار 1 موقدّسلر اوچون ائعانه ییغماق بارهده، سئز ده قالاتئیا کئلئسالارینا سئفارئش اتدئیئم کئمی عمل ادئن. 2 هر هفتهنئن ائلک گونونده، هر بئرئنئز اؤز قازانجینا گؤره یانیندا بئر قدر پول ساخلاسین کی، من گلنده آرتیق پول ییغیلماسین. 3 اورایا یتئشدئیئمده سچدئیئنئز آداملاری مکتوبلار و هدئیّهلرئنئزله اورشلئمه گؤندَرهرم. 4 و اگر گتمک منه موناسئب اولسا، اونلار منئمله گدرلر. 5 سئزئن یانینیزا مقدونئیّهدن کچنده گلهجهیم. چونکی مقدونئیّهدن کچهجهیم. 6 بلکه ده یانینیزدا بئر آز قالدیم و یا قیشی اورادا کچئرتدئم کی، سئز منی گدهجهیئم یره یولا سالاسینیز. 7 چونکی ائندی ائستهمئرم سئزی اؤتهری گؤروم. اگر رب ائجازه ورسه، بئر نچه مودّت یانینیزدا قالماق اومئدئندهیم. 8 لاکئن اِفِسوسدا پنطئکاست بایرامینا قدر قالاجاغام. 9 چونکی منه تأثئرلی خئدمت اوچون گنئش بئر قاپی آچیلیب و دوشمن چیخانلار دا چوخدورلار. 10 اگر تئموتاعوس یانینیزا گلسه، دئقّت ادئن کی، او، سئزئن آرانیزدا قورخوسوز اولسون. چونکی او دا منئم کئمی ربّئن ائشئنی یرئنه یتئرئر. 11 بونا گؤره هچ کئم اونا حقارتله باخماسین. اونو سالاماتلیقلا یولا سالین کی، منئم یانیما گلسئن. چونکی من قارداشلارلا برابر اونو گؤزلهیئرم. 12 قارداشیمیز اَپولّوسا گلئنجه، من اونو چوخ تشوئق اتدئم کی، قارداشلارلا برابر یانینیزا گلسئن. لاکئن او، اصلا ائستهمئردی کی، ائندی یانینیزا گلسئن. فورصت تاپاندا گلهجک. 13 آییق اولون، ائماندا ثابئت دورون، کئشی کئمی عمل ادئن و قووّتلی اولون. 14 قویون بوتون اتدئکلرئنئز محبّت ائچئنده اولسون. 15 ائندی قارداشلار، سئزه یالواریرام: سئز استئفاناسین عایئلهسئنی تانیییرسینیز کی، اونلار اَخایئهنئن ائلک ائمانلیلاریدیرلار و اؤزلرئنی موقدّسلرئن خئدمتئنه وقف ادئبلر. 16 سئز ده بله آداملارا و ائشده کؤمک ادن و زحمت چکن هر کسه تابع اولون. 17 استئفاناس، فورتوناتوس و اخئکوسون گلمهیئندن سوئنئرم. چونکی اونلار سئزئن یرئنئزی دولدورورلار. 18 اونلار منئم و سئزئن روحونوزو تزهلندئرئبلر. بله آداملارا حؤرمت ادئن. 19 آسئیا ایالتئنئن کئلئسالاری سئزه سالام گؤندَرئرلر. اَکئلا و پرئسکا، اِولرئنده ییغیلان کئلئسا ائله برابر، سئزه ربده اورَکدن سالام گؤندَرئرلر. 20 بوتون قارداشلار سئزه سالام گؤندَرئرلر. بئربئرئنئزی موقدّس اؤپوشله سالاملایین. 21 من پولوس بو سالامی اؤز اَلئمله یازیرام. 22 ربّی سِومهین آداما لعنت اولسون. ربّئمئز، گل. 23 رب عئسانین فیضی سئزئنله اولسون. 24 مسئح عئسادا منئم محبّتئم سئزئن هامینیزلا اولسون. آمئن. |
@ 2022 Korpu Company