۱قورئنتلیلره 1 - کتاب مقدس به زبان آذربایجانی جنوبی - نسخه ادبیسالاملار و شوکورلر 1 تارینین ائرادهسی ائله عئسا مسئحئن حوارئسی اولماغا دعوت اولونموش پولوس و قارداشیمیز سوستِنِسدن، 2 قورئنتده اولان تارینین کئلئساسینا، یعنی موقدّس اولماغا دعوت اولونموش، مسئح عئسادا تقدئس اولونموشلارا، و اونلارین ربّی و بئزئم ربّئمئز عئسا مسئحئن آدینی هر یرده ذئکر اِدَنلرئن هامیسینا، 3 آتامیز تاریدان و رب عئسا مسئحدن سئزه فیض و باریش اولسون. سئز کئملرسئنئز؟ 4 تارینین مسئح عئسادا سئزه باغیشلادیغی فیضدن اؤتری سئزئن اوچون همئشه تاریما شوکور ادئرم. 5 بو سببدن کی، مسئحده سئز هر شیده، هر سؤز و هر معرئفتده، دؤولتلی اولدونوز. 6 نجه کی، حتّا مسئحه اولان شهادت ده سئزده تصدئق اولوندو. 7 بله کی، هچ بئر عطادا اَسکئیئنئز اولماییب، ربّئمئز عئسا مسئحئن ظوهورونو ائشتئاقلا گؤزلهیئرسئنئز. 8 او کی، سئزی آخیراجاق تصدئق ادهجک. اله کی، ربّئمئز عئسا مسئحئن گونونده قوصورسوز اولاسینیز. 9 وفالیدیر تاری کی، اونون اوغلو ربّئمئز عئسا مسئحله رفاقتئنئز اولماغا دعوت اولوندونوز. آیریلیقلار 10 ائندی ای قارداشلار، ربّئمئز عئسا مسئحئن آدی ائله سئزه یالواریرام کی، هامینیز بئر دوشونجهده اولون و آرانیزدا آیریلیقلار اولماسین و سئز بئر فئکئرده و بئر رأیده موتّفئق اولون. 11 چونکی ای قارداشلاریم، خَلویئنئن اِو اهلئندن سئزئن بارهده منه خبر ورئلئب کی، آرانیزدا داعوالار وار. 12 دمک ائستهدئیئم بودور کی، هر بئرئنئز دیئر: «من پولوسدان تَبَعئیّت ادئرم»، «من اَپولّوسدان تَبَعئیّت ادئرم»، «من کئفادان تَبَعئیّت ادئرم»، «من ده مسئحدن تَبَعئیّت ادئرم». 13 مگر مسئح بؤلونوب؟ مگر پولوس سئزئن اوچون چارمیخا چکئلدی؟ یا کی، پولوس آدی ائله تعمئد اولوندونوز؟ 14 تارییا شوکور ادئرم کی، کرئسپوس و قایوسدان باشقا، سئزلردن هچ کئمی من تعمئد ورمهدئم. 15 اِله کی، هچ کئم سئزی اؤز آدیمدا تعمئد وردئیئمی دمهسئن. 16 استئفاناسین اِو اهلئنی ده تعمئد وردئم. داها خاطیرلامیرام کی، کئمسهنی تعمئد ورمئش اولوم. 17 چونکی مسئح، منی تعمئد ورمهیه یوخ، ائنجئلئن خوش خبرئنی وعظ اتمهیه گؤندَردی؛ هم ده سؤز حئکمتی ائله یوخ کی، مبادا مسئحئن چارمیخی بوشا گتسئن. 18 چونکی چارمیخ بارهده اولان کلام، هلاک اولانلار اوچون آغیلسیزلیقدیر، لاکئن بئز نئجات تاپانلار اوچون تارینین قودرتیدئر. 19 اونا گؤره کی، یازیلیب: «حئکمتلیلرئن حئکمتئنی محو ادهجهیم، فهئملرئن ده فهمئنی بوشا چیخارداجاغام.» 20 هارادادیر حئکمتلی؟ هارادادیر دئن عالئمی؟ هارادادیر بو عصرئن اَدئبلری؟ مگر تاری بو دونیانین حئکمتئنی آغیلسیزلیغا چوئرمهیئب؟! 21 دونیا اؤز حئکمتئنئن واسئطهسیائله تارینی تانیمادیغینا گؤره، تارییا دا، اؤز حئکمتئنده بو، خوش گلدی کی، وعظ ادئلن کلامین آغیلسیزلیغی ائله ائنانانلاری قورتارسین. 22 دوغرودان دا کی، یهودئلر علامتلر طلب ادئرلر و یونانلیلار حئکمت آختاریرلار؛ 23 آمّا بئز چارمیخا چکئلمئش مسئحی وعظ ادئرئک کی، یهودئلره بودرهمه داشی، قیرییهودئلره ده عاغیلسیزلیقدیر. 24 لاکئن دعوت اولونانلارا، ائستر یهودی اولسون ائستر یونانلی، مسئح تارینین قودرتی و تارینین حئکمتیدئر. 25 چونکی تارینین عاغیلسیزلیغی ائنسانلارین حئکمتئندن داها حئکمتلیدئر، تارینین ضعئفلئیی ده ائنسانلارین قودرتئندن داها قودرتلیدئر. 26 بونا گؤره قارداشلار، آلدیغینیز دعوته باخین. ائنسان اؤلچوسونه گؤره، آرانیزدا حئکمتلی، قودرتلی و اصئلزاده چوخ یوخ ائدی. 27 آمّا تاری دونیانین عاغیلسیز ساییلانلارینی سچئب کی، حئکمتلیلری اوتاندیرسین و دونیانین ضعئف ساییلانلارینی سچئب کی، گوجلولری اوتاندیرسین. 28 تاری دونیانین اصئلزاده اولمایانلارینی، حقئر گؤرولَنلرئنی، حتّا هچ ساییلانلارینی سچئب کی، اهمئیّتلی ساییلانلارینی هچه اِندئرسئن. 29 اله کی، هچ بئر ائنسان اونون حوضوروندا فخر اتمهسئن. 30 لاکئن سئز اونون سایهسئنده مسئح عئساداسینیز کی، تاریدان بئزه حئکمت، صالحلئک، قودسئیّت و فئدئیه اولوبدور. 31 بونون اوچون، یازیلمیش اولدوغو کئمی «قوی فخر ادن، ربده فخر اتسئن.» |
@ 2022 Korpu Company