എവുറാര് 1 - സാമിദ് സേദിസാമി തന്ന്ദ് മഗാ് മേലെ ണായ പേസ്റാ് 1 മുന്തുക്കേത്ത കാലാത്തിലി സാമിദാസ്ഗ മേലെ ആയിര്ന്ത്ദ് ണമ്മ് പാട്ടലോഡെ സാമി പേസിര്ന്താദ്. അദ് എത്തിന്യൊ ബെജെ പല ദിന്സിലി സാമി പേസിര്ന്താ്. 2 ആന ഈ കഡേസി കാലാത്തിലി തന്ന് മഗാ് മേലെ ണമ്മോഡെ സാമി ണായ പേസിര്ക്കാ്. സാമി എല്ലാദ്ക്ക്മ് അവാന ഉള്ളവാനാക്കി ബെത്ത്മ്, അവാന ബെത്ത് ഈ അണ്ടസറാസറണ ദ്ട്ടിസിമ് ഇര്ക്കാ്. 3 മഗാ് അപ്പാന്ദ് മദ്പ്പ്ക്ക് ഇര്ക്ക ബെ്ഡിപ്പ്ണ കാട്ട്റവാന്മ് സാമി ഏദ് ദിന്സ് ഇര്ക്കാനൊ അദേപാസെ ഇര്ക്കവാന്മ്ത്തെ. മഗാ് തന്ന് സൊല്ലുസുലാക്കാക്ക് ഇര്ക്ക സക്ദ്യാലെ ഈ അണ്ടസറാസറണ താങ്കി ഇര്ക്കവാന്മ്ത്തെ. മന്സാര്ദ് പാവണ തീത്ത് തള്ളിന പ്റ അവാ് മേലോഗാത്തിലി മദ്പ്പുള്ള സാമിദ് ബല സാരി ആള്യ കുക്കാന്തിര്ക്കാ്. 4 അച്ചെ സാമി അവാന്ക്ക് ദൂദലണ ബ്ഡ ഉജാന്ത പേര് ബെത്തിര്ക്ക പാസെ അവാ് ദൂദലണ ബ്ഡ ബെല്ല്യവാ് ആനാ്. മഗാ് ദൂദലണ ബ്ഡ ബെല്ല്യവാ് 5 എന്ത്ക്കെന്റ <<ണീ എന്ന് മഗാ്, ഇന്റ് ണാന് ണിനാണ പ്റാത്തിര്ക്കെ>> എന്ത്മ് <<ണാന് അവാന്ക്ക് അപ്പാന്മ് അവാ് എനാക്ക് മഗാന്മ് ആയിര്ക്കുവാ്>> എന്ത്മ് ദൂദാര്ഗളിലി ആരാറ്റ്ക്ക് എപ്പാറ്റ് എന്താല് സാമി സൊല്ലിര്ക്കാനാ്? 6 സാമി തന്ന് തലെകോഡി മഗാന ഉലഗാക്കെ സൊല്ലിബ്ഡ്ഗാട്ടി: <<സാമിദ് ദൂദല എല്ലാര്മ് അവാന കുമ്മുഡുഡൊ>> എന്ത്മ് സാമി സൊന്നാ്. 7 ദൂദലണ പറ്റി സാമി സൊല്ലുറാദ് എന്തായെന്റ: <<സാമി തന്ന് ദൂദലണ കാറ്റ്മ്, തന്ന് ബേലെക്കാറാര്ണ തീ ണാവുഗാമ് ആക്ക്റാ്>> എന്ത്ത്തെ. 8 ആന സാമി തന്ന് മഗാന പറ്റി സൊല്ലിര്ക്കാദ് എന്തായെന്റ: <<സാമ്യെ, ണിന്ന്ദ് റാജ്യ എപ്പ്മ് ഇര്ക്കു, ണീ ണേര്മോഡെ ണിന്ന് റാജ്യണ ആളുവെ. 9 ആള്ഗ സെയ്ര ണേര്മുള്ള കാര്യഗണ ണീ പിര്യപഡ്റെ, ആള്ഗ സെയ്ര കെ്ട്ട കാര്യഗണ ണീ ആഗ എന്ത് തള്ള്റെ. അദ്ണാലെ സാമ്യെ, ണിന്ന് സാമി താനെ ണിന്ന് എ്ണേവുക്കാറാരിലിര്ന്ത് ണിനാണ എ്ണ്ണെ ഊറ്റി തെരിന്തെ്ഡ്ത്ത് അവാര്ക്ക് കൊഡുത്ത പിര്യാണ ബ്ഡ മ്ഗ്ന്ത പിര്യാണ ണിനാക്ക് തന്തിര്ക്കാ്>> എന്ത്ത്തെ. 10 സാമി പിന്നേമ് സൊല്ലുറാദ് എന്തായെന്റ: <<ആണ്ടവാനെ, ണീ മുദ ബൂമിനാമ് ദ്ട്ടിസിനെ, ണിന്ന് കയ്യിലി താനെ ബാന്ണാമ് ഉണ്ടാക്കിനെ. 11 അദ്ഗെല്ല അളിന്തെക്കു, ആന ണീയൊ എപ്പേക്ക്മ് ഇര്ക്കുവെ, അദ്ഗെല്ല സീലെന പാസെ ദുദ്ദ് പ്ഡിത്തെക്കു. 12 അദ്ണ ഒട്ടുക്ക് ണീ ഒരു ജൊഗേന പാസെ സുറുട്ടുവെ, സീലെസിലാപ്പ്ണ മാറ്റ്റ പാസെ അദ്ണെല്ല ണീ മാറ്റുവെ. ആന ണീ എപ്പേക്ക്മ് അദേപാസെ താനെ ഇര്ക്കുവെ, ണിന്ന് ആയിസ്ക്ക് മുഡിവെ ഇല്ലെ>> എന്ത്ത്തെ. 13 <<ണാന് ണിന്ന് പോട്ടിക്കാറാര്ണ, ണിന്ന് കാല്ക്കഡി ആക്ക്റമാട്ട്ക്ക് ണീ എന്ന്ദ് ബല സാരി കുക്കാന്തിര്ക്കുഡൊ>> എന്ത് ദൂദാര്ഗളിലി ആരാറ്റ്ക്ക് എപ്പാറ്റ് എന്താല് സാമി സൊല്ലിര്ക്കാന? 14 ആന ദൂദാര്ഗെല്ല സാമിക്ക് ബേലെ സെയ്യ ബെത്തിര്ക്ക ണിഗാല്ഗാത്തെ. ദെങ്കി കഡാക്ക്യ ഉള്ളവാര്ണ കയ്യിതാങ്ക്യ സാമി അവാര്ണ സൊല്ലിബ്ഡ്റാ്. |
New Life Literature