Ióvo 5 - Biblija - Pe Baltitko Romani čib (Romanes) 2019

Pérvo Čingárd Maškir Iovoste i Léskire Malende

¹ Khar, Ióvo, kóli isyn odová te otphenel túke? I ke savé svénta, tu risjosa?

² Pal-dová so xoliakiribén xasiakiréla dylyné manušés, i zevlynypén (zavist') marela prostone-godiakire manušés.

³ Me dykhcjom, syr dylynin'ko mekéla kórni (rukhá), ne me jekhátyr prokostjom (kerdjom armania) léskiro kheratuno štéto.

⁴ Léskire čhavé isyn dur, sob (kaj) te javén bahtalé, len domarena pašýl pórta, i nane nijékh, kon te zrakhél len:

⁵ o bokhalo pohala léskiro umaloto, až léla i phusadytkone xrustostyr i bokhalé ke xabén manušá rozuhtylena saró, so isyn léste.

⁶ Pal-dová so bibáht na javéla prahostyr (phuvjátyr), syr i pharipén na džála upré phuvjátyr;

⁷ i manúš bijandjola vaš mén'ki syr tykné jagorja, so vurniana upré.

⁸ Ne me, pe tyró štéto, rodavas Devlés i me čhuvavas miro réndo angíl Devléste.

⁹ Kon keréla drieván baré réndy, so manušéske naštý te ĥaljol, i but dívna réndy, so naštý te pogines.

¹⁰ Jov déla bryšýnd phuvjake, i Jov bičhavéla paniá pe féldy,

¹¹ Jov čhuvéla pe vučé štéty odolén, kon isyn teliakirde, Jov ĥazdéla pe bidarakire štéty odolén, savé zoralés tuginena.

¹² Jov rozmarela dová, so frenta manušá priduminena adiáke, so léngire vastá te na dokeren léngire réndy.

¹³ Jov uhtyléla but-godiakire manušén dre léngiri frentyma adiáke, so mendrone – manušéngire khetané dúmy obrisjona fuipnasa pe lénde:

¹⁴ jone dykhenape kalypnasa dyvesé, i jone psiréna, čilavi vasténca syr kororé dyvesé, sýrby jone isyn ratý.

¹⁵ I Jov vyrakhela kurtalátyr odolén, kon isyn dre trébima, zor-manušéngire rakiribnastyr i léngire vastéstyr.

¹⁶ I čororé javéna te užakiren lačhipén, i načačune phandena péskiro muj.

¹⁷ Ake, bahtaló isyn odová manúš, savés Devél zoralés sykliakiréla, paldavá na otphenpe Sarezoralypnaskire Devléskire sykliakiribnastyr ke dukhá.

¹⁸ Pal-dová so Jov pekavela ke kalé masá (siniaki), i Jov piriphandela len; Jov dukhavela i Léskire vastá sastiakirena.

¹⁹ Jov zrakhéla tut šove bidendyr i dre eftáto bibáht na čilavéla tut.

²⁰ Jov vyrakhela tut bokhátyr, meribnástyr, i kurtalakire zorjátyr pe maribén.

²¹ Tu javésa garadó bibahtalé čibendyr (čib'jendyr), i tu na javésa te dares xasiakiribnastyr, kiéli jov javéla.

²² Tu javésa te saspe bokhátyr i xasiakiribnastyr, i tu na javésa te dares murdaléndyr, savé isyn pe phuv.

²³ Pal-dová so túte javéla dorakiribén barénca feldatyr i feldakire murdalá javéna dro ramánjo (miro) túsa.

²⁴ I tu javésa te džinés, so tyrí šátra isyn zrakhny, i tu obdykhesa péskire-bakrengiri šopa, so saró odój isyn pe péskiro štéto.

²⁵ I tu javésa te džinés, so tyré palál-javibnaskire čhavoré (patomki) javéna but, i tyré-rodoskire čhavé javéna adákicy but, kicý isyn čarinki pe phuv.

²⁶ Tu dodživesa ke baré beršá sýrby parné-giveskire ĥarby (snopy) dodžana ke spialyma, so len čhuvéna telé dro péskiro uliago (pora).

²⁷ Ĥáda, davá isyn saró, so ame rozĥalyjam, davá isyn čačipén, šun davá i džin, so davá isyn vaš tyró lačhipén.”