Sām 1 - Pathian Lekhabū Ānthiang

Lekhabū Angkhatna Mīdik lē Mīsiat ngāi Lampui

¹ Misalui ngāi huongvārsaka kal chōi ngāilui, Mīsiat ngāi lampuiā'm anding ngāilui, Ēlsekara āthōpū ngāi ansutnānā'm ansut ngāilui mī chu Bōrsāng atung kēng.

² Tenchu a rāisānna chu Zehova dāna kēng, A dān chu asūn azāna a lungchia na.

³ Ama chu tidung kōla thing anling ang, A māphā taka ānrā chachak, A buo chu thēm ngāi nō ni, Ei thō takpeia bārī a tung.

⁴ Misalui ngāi chu hantin han ni u mak, Tenchu amāni chu sarasī thīnthī'n ei sēm a, āzuong zit ang u kēng.

⁵ Hasikhan misalui ngāi chu ruirilnāna anding thei u nō ni, Mīsiat ngāi um midik ngāi kāra anchel u nō ni.

⁶ Asik chu Zehova'n midik ngāi lampui chu a riat a, Tenchu misalui ngāi lampui chu anpei in ti.