ƐSITA 10 - Mende Bible Portions

Aasuɛlɔsi kɛ Mɔldekai Wɔlɔyei

¹ Mahei Aasuɛlɔsi i kɔnjɔ ve jawa lailɔ ngi mahawui hu, ndɔɔlɔ ma kɛ ndɔɔlei na ma gboyei gblanga.

² Mahei yenge lokoisia kɛ ngi gbayei, kɛ baagɔma lavendangɔi na Mɔldekai va, na va mahei ngi yaa lɛni, tii nyɛingɔ i le Mɛdia kɛ Paasia mahangeisia ti hinda wova lamagbatɛmeisia?

³ Ajifa Mɔldekai Juumɔi mia i yɛ looni Mahei Aasuɛlɔsi gblanga, tawao ngi gbayangɔ Juubleisia lia, tawao ngi lɔwɔngɔ ngi ndengaa gbotoisia lia, ajifa i hinda yekpe gɔkɔlilɔ ngi nungeisia va tawao i lapilɔ waa ndiilɛli va ngi lengeisia gbi va.