Orubara 9 - Ebibulia 2001

Pasika ya kabili

¹ Omu mwezi gwa mbere gw'omwaka gwa kabili, Abaisiraeli barugire Misiri, Omukama akagambira Musa ati,

² “Abaisiraeli bashemeze Pasika omu makiro gayo agaragiirwe.

³ Aha bwaigoro bw'ekiro kya ikumi na binai eky'omwezi ogu, mube nirwo mushemeza Pasika; kuba nigwo mwanya gwayo oguragiirwe. Omu kugishemeza mwekomye ebiragiro byayo byona n'emigenzo yayo yona.”

⁴ Kityo Musa agambira Abaisiraeli kushemeza Pasika.

⁵ Omu bwaigoro bw'ekiro kya ikumi na binai ky'omwezi, bashemeza Pasika egyo omw'Irungu lya Sinai. Abaisiraeli bakakora nk'okwo Omukama yahangiire Musa.

⁶ Hakaba haliho abantu ababaire bahagaire aha rw'okukwata abafu. Kityo bakaba batalikushobora kushemeza Pasika kir'ekyo. Aho baija ahali Musa na Aroni kiro kyonene ekyo,

⁷ babagambira bati, “Ichwe tuhagaire aha rw'okuba tukwete abafu. Mbwenu aha orwo Abaisiraeli balikuhongera Omukama ebihongo, nitutangwa kumuhongera?”

⁸ Musa abashubamu ati, “Linda, mbanze mpuliire ekyo Omukama arampangira kambahorora.”

⁹ Omukama agambira Musa ati,

¹⁰ “Ogambire Abaisiraeli okwo k'omuntu wena wena, nangu n'omuli baijukuru banyu, alihagara aha rw'enshonga akwete omufu anga yashangwa ali harai omu rugendo, ogwo nashobora kushemeza Pasika.

¹¹ Omu bwaigoro bw'ekiro kya ikumi na binai ky'omwezi gwa kabili bashemeze Pasika. Balye akataama ka Pasika n'omukate ogutatumbisiibwe n'emikubi elikushalira.

¹² Akatama bakalye kona, batagira kyobarazaho kuhika bwankya. Kandi batakahenda igufa. Pasika bagishemeze nk'okwo ebiragiro byayo bilikugamba.

¹³ Kyonkai omuntu aliba nayera mara atali mu rugendo, kyonkai akanga kushemeza Pasika, ogwo aliba atali Mwisiraeli, orwo atahongerea Mukama kihongo kya Pasika omu kiro ekiragiirwe. Akhalimurugira omu bufubwe obwo niwe alikamanya.

¹⁴ K'omugenyi alibafurukiramu, akashemeza Pasika y'Omukama nk'okwo ebiragiro n'emigenzo yayo bilikugamba, mugire ekiragiro kimoi: Ekilikukwata omuzarwa kibe nikyo kikwata omufuruki.”

Ekichwi ky'omuliro

¹⁵ Kiro ekyo baimukya ekiikaro, Ekichwi kikashweka ekiikaro ekyo, ekyo Omukama yasingiragamu, Ekichwi kikabunda ekiikaro ekyo kwema bwaigoro kutuuka bwankya, mara kikaba nikishusha omuliro.

¹⁶ Kiikara kityo orubelera, nikibunda ekiikaro buli kiro.

¹⁷ Orwo ekichwi kyarugaga aha Ihema, Abaisiraeli bafuruka. Mbali kyayemeleraga baba niho basisira.

¹⁸ Orwo Omukama yahangiraga Abaisiraeli kufuruka, bafuruka. Orwo yabahangiraga kusisira, basisira. Orwo ekichwi kyashangwaga kikyabunzire ekiikaro, baikaraga omu rusisira.

¹⁹ Nangu n'orwo kyakukibunzire ebiro bingi, Abaisiraeli bayekomyaga omuhango gw'Omukama, tibafurukaga.

²⁰ Orundi ekichwi kyamaraga ebiro bike aha kiikaro, kyonkai bahonderaga omuhango gw'Omukama baikara basisiire. Orwo yabahangiraga kufuruka, bafuruka.

²¹ Kandi orundi ekichwi kyayemaga bwaigoro kuturuka bwankya. Orwo bwankya kyayamuukaga, baimukya. Anga kakyakusibire kitabonekire, n'omu kiro kikabura, baguma bagenzire.

²² Ekichwi kyamara biro bibili anga omwezi n'okushagaho, kili aha kiikaro, Abaisiraeli baikaraga basisiire, tibafurukaga. Kyonkai orwo kyayamuukaga, bafuruka.

²³ Orwo Omukama yabahangiraga kusisira, basisira. Orwo yabahangiraga kufuruka, bafuruka. Okwo yahangiraga Musa nikwo bakoraga.